章節 | 全民台語聖經全羅經文 | 註釋 |
13:1 | Iok-kūi Chhian-chhut Ki-lia̍t-iâ-lîm( SMH 6: 1-11)Ta-bi̍t kah chiahê iâⁿ-tiúⁿ, liân-tiúⁿ, kah chiahê thâu-lâng chham-siông. | 註釋 串珠 原文 典藏 |
13:2 | Ta-bi̍t tùi I-su-la-el choân hōe-chiòng kóng, " Lín nā lia̍h-chò hó, koh sī chhut tī Siōng-chú — lán ê Siōng-tè ê ì-sù, taⁿ lán chiū chhe lâng piàn kiâⁿ I-su-la-el choân tē, kiàn-nā lán hiahê iáu chhun lo̍h-.lâi ê hiaⁿ-tī kah tòa tī ū kau-iá ê siâⁿ ê chè-si Lē-bī lâng, hō͘ in lóng chū-chi̍p lâi lán chia. | 註釋 串珠 原文 典藏 |
13:3 | Lán chiū thang tòa lán ê Siōng-chú ê iok-kūi lâi-kàu lán chia, in-ūi Sàu-lô ê sî-chūn, lán bô ēng hit-ê iok-kūi lâi mn̄g Siōng-tè. " | 註釋 串珠 字典 原文 典藏 |
13:4 | Choân hōe-chiòng lóng kóng, thang ánne kiâⁿ, chèng lâng lóng kā chit-ê tāichì khòaⁿ-chò sī hó. | 註釋 串珠 原文 典藏 |
13:5 | Chiū ánne, Ta-bi̍t tiàu I-su-la-el lâng, tùi Ai-gi̍p Si-ho͘l ê khe, it-ti̍t kàu Ha-mat chhut-ji̍p ê só͘-chāi, beh tùi Ki-lia̍t-iâ-lîm tòa Siōng-chú ê iok-kūi lâi. | 註釋 串珠 字典 原文 典藏 |
13:6 | Ta-bi̍t kah I-su-la-el jîn-bîn chiū lâi-kàu Ba-la̍h, to̍h-sī sio̍k Iô-tah ê Ki-lia̍t-iâ-lîm, ài beh tùi hia tòa hit-ê Siōng-chú — Siōng-tè ê iok-kūi, to̍h-sī ēng tiàm tī ki-lō͘-peng tiong-kan ê Siōng-chú ê miâ lâi chheng-ho͘ ê. | 註釋 串珠 字典 原文 典藏 |
13:7 | In ēng sin ê chhia chài Siōng-tè ê iok-kūi, tùi A-bi-na-tap ê chhù-chhut-.lâi, U-chà kah A-hi-oh kóaⁿ chhia. | 註釋 串珠 字典 原文 典藏 |
13:8 | Ta-bi̍t kah I-su-la-el jîn-bîn tī Siōng-chú ê bīn-chêng chīn-la̍t chhiùⁿ koa, ēng khîm, sek, lô, kó͘ kah kó͘-chhoe, chàu ga̍k thiàu-bú. | 註釋 串珠 字典 原文 典藏 |
13:9 | Kàu Ki-tóng ê tiūⁿ-tiâⁿ, in-ūi gû kha that tio̍h, U-chà chhun chhiú-hōaⁿ hit-ê kūi. | 註釋 串珠 字典 原文 典藏 |
13:10 | Siōng-chú tùi U-chà siū-khì, in-ūi i chhun chhiú hōaⁿ iok-kūi chiū kā i phah, i chiū tī Siōng-chú ê bīn-chêng sí tī hia. | 註釋 串珠 字典 原文 典藏 |
13:11 | Ta-bi̍t in-ūi Siōng-chú phah U-chà, chiū bô hoaⁿ-hí, hō hit-ê só͘-chāi kiò-chò Pe-le-chuh-u-chà( chù, Hi-bú-lâi bûn ê im-tha̍k, ì-sù sī"chhú-hoa̍t U-sah"), it-ti̍t kàu kin-á-ji̍t. | 註釋 串珠 原文 典藏 |
13:12 | Hit ji̍t, Ta-bi̍t kiaⁿ Siōng-tè, chiū kóng, " Góa ná thang tòa Siōng-chú ê iok-kūi lâi-kàu góa ê só͘-chāi? " | 註釋 串珠 字典 原文 典藏 |
13:13 | Chiū ánne, Ta-bi̍t bô tòa iok-kūi lâi-kàu Ta-bi̍t ê siâⁿ, kakī ê só͘-chāi, chiū choán kàu Gat lâng O-biat-e-tóm ê ke. | 註釋 串珠 字典 原文 典藏 |
13:14 | Siōng-tè ê iok-kūi tī O-biat-e-tóm ê ke, tī i ê chhù saⁿ goe̍h-ji̍t, Siōng-chú sù-hok tī O-biat-e-tóm ê ke kah i it-chhè só͘-ū ê. | 註釋 串珠 字典 原文 典藏 |