章節 | 全民台語聖經全羅經文 | 註釋 |
11:1 | Ta-bi̍t Chò I-su-la-el kah Iô-tah ê Ông( SMH 5: 1-10)I-su-la-el jîn-bîn chiū chū-chi̍p lâi-kàu He-bú-lông kìⁿ Ta-bi̍t, kóng, " Lí khòaⁿ, goán sī lí ê kut-jio̍k. | 註釋 串珠 原文 典藏 |
11:2 | Í-chêng Sàu-lô chò ông ê sî, chhōa I-su-la-el lâng chhut-ji̍p ê mā sī lí; jî-chhiáⁿ Siōng-chú — lí ê Siōng-tè bat tùi lí kóng, ' Lí ē chiàu-kò͘ Góa ê chú-bîn — I-su-la-el lâng, mā ē chò Góa ê chú-bîn — I-su-la-el lâng ê kun-ông. '" | 註釋 串珠 原文 典藏 |
11:3 | Chiū ánne, I-su-la-el chèng tiúⁿ-ló lâi-kàu He-bú-lông kìⁿ ông, Ta-bi̍t chiū tī He-bú-lông, tī Siōng-chú ê bīn-chêng kah in li̍p-iok, in chiū ēng iû boah Ta-bi̍t, kā i siat-li̍p chò I-su-la-el ông, chiàu Siōng-chú kau-thok Sa-mu-el só͘ kóng ê. | 註釋 串珠 原文 典藏 |
11:4 | Ta-bi̍t kah I-su-la-el lâng khì-kàu Ê-lú-sa-lèm, to̍h-sī I-é-bú-suh. Hit sî, pún-tē ê I-é-bú-suh lâng tòa tī hia. | 註釋 串珠 原文 典藏 |
11:5 | Tòa tī I-é-bú-suh ê lâng kā Ta-bi̍t kóng, " Lí bē tàng ji̍p-lâi chia. " Chóng-.sī, Ta-bi̍t cheng-ho̍k Si-óng ê siâⁿ-pó, chò Ta-bi̍t ê siâⁿ. | 註釋 串珠 字典 原文 典藏 |
11:6 | Ta-bi̍t kóng, " Chò-thâu kong-kek I-é-bú-suh lâng ê ē chò siú-léng, chò goân-sòe. " Che-lú-iah ê kiáⁿ Io-ap tāi-seng khì kong-kek, chiū chò siú-léng. | 註釋 串珠 原文 典藏 |
11:7 | Ta-bi̍t tòa tī siâⁿ-pó, só͘-í, in kā i kiò-chò Ta-bi̍t ê siâⁿ. | 註釋 串珠 字典 原文 典藏 |
11:8 | I khí siâⁿ ê sì-kho͘-ûi, to̍h-sī tùi Mi-lō͘ khí kàu i ê sì-kho͘-ûi, kî-î ê iû Io-ap siu-lí. | 註釋 串珠 原文 典藏 |
11:9 | Ta-bi̍t ti̍t-ti̍t khah kiông-tōa khí-.lâi, in-ūi bān-kun ê Siōng-chú kah i tông-chāi. | 註釋 串珠 原文 典藏 |
11:10 | Ta-bi̍t ê Bêng-chiòng( SMH 23: 8-39)Ē-té só͘ kì ê sī Ta-bi̍t ióng-sū ê thâu-lâng, in kah I-su-la-el jîn-bîn hùn-ióng, kā i pang-chān tit tio̍h kok, siat-li̍p i chò ông, chiàu Siōng-chú só͘ lūn I-su-la-el ê ōe. | 註釋 串珠 原文 典藏 |
11:11 | Ta-bi̍t ióng-sū ê sò͘-gia̍h kì tī ē-té: Hak-mo-nih lâng Ia-sio-be-am, i sī chiahê chiòng ê siú-léng, i bat chò chi̍t-ē gia̍h chhiuⁿ thâi-sí saⁿ pah lâng. | 註釋 串珠 字典 原文 典藏 |
11:12 | Tē-jī sī A-hoah lâng To-to ê kiáⁿ Ê-lī-a-chal, i sī saⁿ-ê ióng-sū tiong-kan ê chi̍t-ê. | 註釋 串珠 原文 典藏 |
11:13 | I bat kah Ta-bi̍t tī Pa-su-ta̍t-bím, Hui-lī-sū lâng chū-chi̍p tī hia beh kau-chiàn, tī hia ū chi̍t khu hn̂g tōa-be̍h móa-móa, chèng lâng chiū tī Hui-lī-sū lâng ê bīn-chêng tô-cháu. | 註釋 串珠 字典 原文 典藏 |
11:14 | In khiā tī hit-khu hn̂g tiong lâi kā i pó-hō͘, sòa phah-sí Hui-lī-sū lâng. Siōng-chú kā in chín-kiù, hō͘ in khah iâⁿ. | 註釋 串珠 原文 典藏 |
11:15 | Saⁿ-cha̍p-ê thâu-lâng tiong-kan ū saⁿ lâng lo̍h-khì chio̍h-pôaⁿ hia, ji̍p-khì A-tu-lâm ê tōng kìⁿ Ta-bi̍t; Hui-lī-sū ê kun-tūi chat iâⁿ tī Le-hoa-im ê soaⁿ-kok. | 註釋 串珠 原文 典藏 |
11:16 | Hit sî, Ta-bi̍t tī siâⁿ-pó, Hui-lī-sū lâng ê peng-iâⁿ tī Bia̍t-lé-hèm. | 註釋 串珠 原文 典藏 |
11:17 | Ta-bi̍t him-siān kóng, " Siáⁿ lâng ē kā Bia̍t-lé-hèm ê siâⁿ mn̂g piⁿ ê chéⁿ-chúi, chhiūⁿ lâi hō͘ góa lim? " | 註釋 串珠 字典 原文 典藏 |
11:18 | Chit saⁿ lâng chiū tùi Hui-lī-sū ê kun-iâⁿ chhiong kòe-.khì, tùi Bia̍t-lé-hèm ê siâⁿ mn̂g piⁿ ê chéⁿ chhiūⁿ chúi, tòa-lâi hō͘ Ta-bi̍t. I m̄-lim, piàⁿ tī Siōng-chú ê bīn-chêng, kóng, | 註釋 串珠 字典 原文 典藏 |
11:19 | " Góa ê Siōng-chú ah, góa choa̍t-tùi m̄ thang ánne chò, chiahê lâng bô kò͘ sèⁿ-miā, góa kám káⁿ lim in ê hoeh?" In-ūi in bô kò͘ sèⁿ-miā khì chhiūⁿ chúi lâi, só͘-í, i m̄-lim. Chiahê tāichì sī chit saⁿ-ê ióng-sū chò ê. | 註釋 串珠 原文 典藏 |
11:20 | Io-ap ê hiaⁿ-tī A-bi-sai sī hit saⁿ-ê ióng-sū tiong-kan ê thâu, in-ūi i gia̍h chhiuⁿ kong-kek saⁿ pah lâng lâi kā in thâi-sí, chiū tī chit saⁿ lâng tiong-kan tit tio̍h miâ. | 註釋 串珠 字典 原文 典藏 |
11:21 | Saⁿ lâng tiong-kan, i pí hit nn̄g-ê khah kia̍t-chhut, chiū chò in ê thâu, chóng-.sī, bē pí-tit khí-thâu ê saⁿ lâng. | 註釋 串珠 原文 典藏 |
11:22 | Ū Kap-chi-el lâng Io-ho-iá-tah ê kiáⁿ Be-ná-iah, bat chò chhut chin chē tōa sū ê, thâi-sí Mô͘-ap lâng A-li-el ê nn̄g-ê kiáⁿ, koh tī lo̍h seh ê sî, lo̍h-khì kheⁿ lāi thâi-sí chi̍t chiah sai. | 註釋 串珠 字典 原文 典藏 |
11:23 | Koh thâi-sí chi̍t-ê Ai-gi̍p ê tōa-hàn lâng, ū gō͘ tiú ê koân, Ai-gi̍p lâng chhiú-.ni̍h ū chhiuⁿ, tōa chhin-chhiūⁿ pò͘-ki ê niû; Be-ná-iah gia̍h koái lo̍h-khì kah i chih-chiap, chhiúⁿ Ai-gi̍p lâng chhiú lāi ê chhiuⁿ, chiah ēng i ê chhiuⁿ kā i thâi-sí. | 註釋 串珠 字典 原文 典藏 |
11:24 | Chiahê sī Io-ho-iá-tah ê kiáⁿ Be-ná-iah só͘ kiâⁿ ê tāichì, chiū tī saⁿ-ê ióng-sū tiong-kan tit tio̍h miâ-siaⁿ. | 註釋 串珠 原文 典藏 |
11:25 | I pí saⁿ-cha̍p-ê ióng-sū khah kia̍t-chhut, chóng-.sī, bē pí-tit chêng saⁿ-ê ióng-sū. Ta-bi̍t siat-li̍p i chò sī-ōe-tiúⁿ. | 註釋 串珠 原文 典藏 |
11:26 | Kun-tūi tiong ê ióng-sū, ū Io-ap ê hiaⁿ-tī A-sa-hel, Bia̍t-lé-hèm lâng, To-to ê kiáⁿ El-ha-nan, | 註釋 串珠 原文 典藏 |
11:27 | Ha-lot lâng Siaⁿ-mah, Pe-lóng lâng He-le-chuh, | 註釋 串珠 原文 典藏 |
11:28 | The-ko-oah lâng Ik-ke-sih ê kiáⁿ E-la̍h, A-ná-thot lâng A-bi-e-chel, | 註釋 串珠 原文 典藏 |
11:29 | Ho-siah lâng Si-bé-kai, A-hoah lâng Í-lâi, | 註釋 串珠 原文 典藏 |
11:30 | Ne-to-hoat lâng Ma-ha-lâi, Ne-to-hoat lâng Ba-nah ê kiáⁿ He-lep, | 註釋 串珠 原文 典藏 |
11:31 | Biān-iá-mín cho̍k Gi-be-at lâng Li-bái ê kiáⁿ It-thai, Pi-la-tòng lâng Be-ná-iah, | 註釋 串珠 原文 典藏 |
11:32 | Sio̍k Ga-sih chiahê khe ê lâng Ho͘-lai, A-la̍h-bah lâng A-mí-el, | 註釋 串珠 原文 典藏 |
11:33 | Ba-ha-lum lâng A-chu-ma-bet, Sial-bóng lâng E-li-ia-bah, | 註釋 串珠 原文 典藏 |
11:34 | Ki-sun lâng Ha-sém ê chèng kiáⁿ, Ha-la̍h lâng Sia-gē ê kiáⁿ Io-ná-than, | 註釋 串珠 原文 典藏 |
11:35 | Ha-la̍h lâng Sa-kal ê kiáⁿ A-hi-àm, Ul ê kiáⁿ E-li-hoal, | 註釋 串珠 原文 典藏 |
11:36 | Me-ke-lat lâng He-hoel, Pe-lóng lâng A-hi-iah, | 註釋 串珠 原文 典藏 |
11:37 | Kal-mel lâng He-chu-lô, E-chu-bái ê kiáⁿ Na-a-lái, | 註釋 串珠 原文 典藏 |
11:38 | Ná-than ê hiaⁿ-tī Iô-el, Ha-gu-lī ê kiáⁿ Mip-hal, | 註釋 串珠 原文 典藏 |
11:39 | Am-móng lâng Che-le̍k, Be-lot lâng Na-ha-lâi(Na-ha-lâi sī kā Che-lú-iah ê kiáⁿ Io-ap gia̍h chiàn-khì ê), | 註釋 串珠 字典 原文 典藏 |
11:40 | E-thel lâng E-la̍h, E-thel lâng Ga-lep, | 註釋 串珠 原文 典藏 |
11:41 | Hiat lâng U-lī-a, Ah-lâi ê kiáⁿ Cha-bat, | 註釋 串珠 原文 典藏 |
11:42 | Lū-biān lâng Si-siak ê kiáⁿ A-tē-ná( i sī Lū-biān chi-cho̍k tiong ê chi̍t-ê cho̍k-tiúⁿ, chhōa saⁿ-cha̍p lâng ), | 註釋 串珠 原文 典藏 |
11:43 | Má-kah ê kiáⁿ Khal-lân, Mit-ni lâng Iô-sa-hoat, | 註釋 串珠 原文 典藏 |
11:44 | A-sit-lat lâng O͘-chi-a, A-ló-el lâng Ho-thàm ê kiáⁿ Siaⁿ-mah, E-i-el, | 註釋 串珠 原文 典藏 |
11:45 | The-jih lâng Sim-lī ê kiáⁿ E-ti-a-el kah i ê hiaⁿ-tī Io-hah, | 註釋 串珠 原文 典藏 |
11:46 | Ma-hap lâng E-li-el, El-na-àm ê kiáⁿ E-li-bài, Io-sia-bi-iah, Mô͘-ap lâng It-mah, | 註釋 串珠 原文 典藏 |
11:47 | E-li-el, O͘-biat kah Me-chó-bah lâng Ia-si-el. | 註釋 串珠 原文 典藏 |