章節 | 全民台語聖經全羅經文 | 註釋 |
10:1 | Sàu-lô Ông ê Sí-bông( SMS 31: 1-13)Hui-lī-sū lâng kah I-su-la-el lâng kau-chiàn, I-su-la-el lâng tī Hui-lī-sū lâng ê bīn-chêng tô-cháu, tī Gil-boah soaⁿ siū sat-hāi sí-.khì. | 註釋 串珠 原文 典藏 |
10:2 | Hui-lī-sū lâng jiok kīn Sàu-lô kah i hiahê kiáⁿ, Hui-lī-sū lâng chiū thâi-sí Sàu-lô ê kiáⁿ Io-ná-than, A-bi-na-tap kah Mal-ki-siu-ah. | 註釋 串珠 原文 典藏 |
10:3 | Kau-chiàn ê tīn-sè tùi Sàu-lô lâi kóng chin gûi-kip, siā chìⁿ ê lâng siā tio̍h i, i khùn-khó͘ kàu-ke̍k. | 註釋 串珠 字典 原文 典藏 |
10:4 | Sàu-lô chiū kā hit-ê gia̍h i ê chiàn-khì ê kóng, " Lí poe̍h-chhut lí ê to, kā góa chha̍k-sí, bián-tit hiahê bô siū kat-lé ê lâng lâi kā góa lêng-jio̍k. " Hitê gia̍h i ê chiàn-khì ê bô ài ánne chò, in-ūi i chin kiaⁿ. Sàu-lô chiū gia̍h i ê to, kā seng-khu àⁿ tī téng-bīn lâi chha̍k-sí kakī. | 註釋 串珠 字典 原文 典藏 |
10:5 | Gia̍h i ê chiàn-khì ê lâng khòaⁿ tio̍h Sàu-lô í-keng sí, mā kakī chha̍k tī to-.ni̍h lâi sí. | 註釋 串珠 字典 原文 典藏 |
10:6 | Án-ne, Sàu-lô kah i saⁿ-ê kiáⁿ lóng sí, choân ke chò chi̍t-ē sí-.khì. | 註釋 串珠 原文 典藏 |
10:7 | Tòa soaⁿ-kok ê I-su-la-el lâng khòaⁿ tio̍h kun-peng tô-cháu, Sàu-lô kah i ê kiáⁿ lóng sí, mā pàng-sak in ê siâⁿ tô-cháu. Hui-lī-sū lâng chiū lâi tī hia tòa. | 註釋 串珠 原文 典藏 |
10:8 | Keh tńg kang, Hui-lī-sū lâng lâi chhiúⁿ-pak hiahê siū thâi ê lâng, chhōe tio̍h Sàu-lô kah i ê kiáⁿ, sí tī Gil-boah soaⁿ. | 註釋 串珠 原文 典藏 |
10:9 | In chiū kā i pak seng-khu ê mi̍h-kiāⁿ, the̍h i ê thâu-khak kah kun-chong, chhe lâng khì Hui-lī-sū tē ê sì-kho͘-ûi, pò siau-sit hō͘ in ê ngó͘-siōng kah in ê jîn-bîn. | 註釋 串珠 字典 原文 典藏 |
10:10 | Ēng i ê kun-chong hē tī in ê sîn-bêng ê biō, kā i ê thâu-khak tiàu tī tāi-kún ê biō. | 註釋 串珠 字典 原文 典藏 |
10:11 | Gi-lia̍t ê Ia-be-si lâng thiaⁿ tio̍h Hui-lī-sū lâng só͘ tùi-thāi Sàu-lô it-chhè ê tāichì. | 註釋 串珠 原文 典藏 |
10:12 | In ê chèng ióng-sū chiū khí-.lâi, kā Sàu-lô ê sin-si kah i hiahê kiáⁿ ê sin-si tòa kàu Ia-be-si, koh kā i ê kut-hâi chòng tī Ia-be-si ê siōng chhiū kha, kìm-chia̍h chhit kang. | 註釋 串珠 字典 原文 典藏 |
10:13 | Án-ne, Sàu-lô sí-bông, in-ūi i tī Siōng-chú hoān chōe, ūi tio̍h i bô siú Siōng-chú ê bēng-lēng, koh in-ūi i khì chhōe kúi hū-sin ê chabó͘ lâng lâi mn̄g i, | 註釋 串珠 原文 典藏 |
10:14 | tian-tò bô mn̄g Siōng-chú, só͘-í, Siōng-chú kā i thâi-sí, kā i ê kok kui hō͘ I-é-sái ê kiáⁿ Ta-bi̍t. | 註釋 串珠 原文 典藏 |