章節 | 全民台語聖經全羅經文 | 註釋 |
24:1 | E-hō͘-iá-kim ê nî-kan, Ba-bú-lông ông Nep-kat-ne-chal khí-.lâi. E-hō͘-iá-kim kā i ho̍k-sāi saⁿ nî, āu-lâi tian-tò kā i pōe-ge̍k. | 註釋 串珠 原文 典藏 |
24:2 | Siōng-chú chhe Kal-tí-ah ê kun-tūi, A-lâm ê kun-tūi, Mô͘-ap ê kun-tūi kah Am-móng ê kun-tūi lâi kā i kong-kek, koh chhe in kong-kek Iô-tah beh kā i bia̍t-tiāu, chiàu Siōng-chú thok I ê lô͘-po̍k chiahê sian-ti só͘ kóng ê. | 註釋 串珠 原文 典藏 |
24:3 | Chit-ê tāichì lîm-kàu Iô-tah, si̍t-chāi sī tùi Siōng-chú ê bēng-lēng beh kā i chhian-sóa, lī-khui I ê bīn-chêng, che lóng sī in-ūi Má-ná-se ê chōe, chiàu i só͘ kiâⁿ ê it-chhè; | 註釋 串珠 原文 典藏 |
24:4 | mā ūi tio̍h i lâu bô chōe ê lâng ê hoeh, in-ūi i ēng bô chōe ê lâng ê hoeh chhiong-móa Ê-lú-sa-lèm, chit-ê chōe Siōng-chú m̄-khéng sià-bián. | 註釋 串珠 原文 典藏 |
24:5 | E-hō͘-iá-kim kî-tha ê tāichì, kiàn-nā i só͘ kiâⁿ ê, kám bô lóng kì tī Iô-tah lia̍t ông ê kì-lio̍k? | 註釋 串珠 字典 原文 典藏 |
24:6 | E-hō͘-iá-kim kah i ê chó͘-sian tâng khùn. I ê kiáⁿ E-hō͘-iá-kin sòa-chiap i chò ông. | 註釋 串珠 原文 典藏 |
24:7 | Ai-gi̍p ông bô koh tùi i ê tē chhut-.lâi, in-ūi Ba-bú-lông ū ông cheng-ho̍k só͘-ū sio̍k Ai-gi̍p ông ê tē, tùi Ai-gi̍p sió hô kàu Iu-hu-la-té tōa hô. | 註釋 串珠 原文 典藏 |
24:8 | Iô-tah Ông E-hō͘-iá-kin( LTH 36: 9-10)E-hō͘-iá-kin chē-ūi ê sî, cha̍p-peh hòe, tī Ê-lú-sa-lèm chò ông saⁿ goe̍h-ji̍t. I ê lāu-bú ê miâ kiò-chò Ne-hu-si-thah, sī Ê-lú-sa-lèm lâng El-ná-than ê chabó͘ kiáⁿ. | 註釋 串珠 原文 典藏 |
24:9 | E-hō͘-iá-kin kiâⁿ Siōng-chú só͘ khòaⁿ-chò pháiⁿ ê tāichì, chiàu i ê lāu-pē it-chhè ê só͘ kiâⁿ. | 註釋 串珠 原文 典藏 |
24:10 | Hit sî, Ba-bú-lông ông Nep-kat-ne-chal ê jîn-sîn chiūⁿ-lâi Ê-lú-sa-lèm, ûi-khùn hit-ê siâⁿ. | 註釋 串珠 原文 典藏 |
24:11 | Tng i ê jîn-sîn ûi-khùn siâⁿ ê sî, Ba-bú-lông ông Nep-kat-ne-chal chiū lâi. | 註釋 串珠 原文 典藏 |
24:12 | Iô-tah ông E-hō͘-iá-kin chhut siâⁿ lâi-kàu Ba-bú-lông ông hia, i kah i ê lāu-bú kah i ê jîn-sîn, siú-léng, thài-kàm lóng khì. Ba-bú-lông ông kā i lia̍h khí-.lâi, sī tī i chò ông tē-peh nî. | 註釋 串珠 原文 典藏 |
24:13 | Koh kā Siōng-chú tiān lāi ê pó-bu̍t kah ông-kiong ê pó-bu̍t, lóng tùi hia the̍h-.khì, koh kā I-su-la-el ông Só͘-lô-móng só͘ chō Siōng-chú tiān lāi ê kim-khì lóng phah-phòa, chiàu Siōng-chú só͘ kóng ê ōe; | 註釋 串珠 字典 原文 典藏 |
24:14 | koh kā Ê-lú-sa-lèm ê chèng lâng kah chèng siú-léng, í-ki̍p só͘-ū tōa koân-lêng ê ióng-sū, kiōng chi̍t bān lâng, liân só͘-ū ê kang-chhiūⁿ, thih-chhiūⁿ lóng lia̍h-.khì; tû kok lāi ke̍k sànchhiah ê lâng í-gōa, bô chhun kah chi̍t-ê. | 註釋 串珠 原文 典藏 |
24:15 | Nep-kat-ne-chal mā chhōa E-hō͘-iá-kin lâi-kàu Ba-bú-lông, kah thài-hō͘, hō͘-hui, thài-kàm, í-ki̍p kok lāi ê tōa-koaⁿ lóng tùi Ê-lú-sa-lèm lia̍h lâi-kàu Ba-bú-lông. | 註釋 串珠 原文 典藏 |
24:16 | Koh kā só͘-ū ê ióng-sū chhit chheng lâng kah kang-chhiūⁿ, thih-chhiūⁿ, í-ki̍p chi̍t chheng lâng lóng sī ióng-chòng ē chiūⁿ-tīn ê, Ba-bú-lông ông lóng kā in lia̍h lâi-kàu Ba-bú-lông. | 註釋 串珠 原文 典藏 |
24:17 | Ba-bú-lông ông siat-li̍p E-hō͘-iá-kin ê a-chek Mat-ta-niah sòa-chiap i chò ông, kā i ê miâ ōaⁿ-chò Che-ti-kiah. | 註釋 串珠 原文 典藏 |
24:18 | Iô-tah Ông Che-ti-kiah( LTH 36: 11-12; ILM 52: 1-3)Che-ti-kiah chē-ūi ê sî, jī-cha̍p it hòe, tī Ê-lú-sa-lèm chò ông cha̍p-it nî. I ê lāu-bú ê miâ kiò-chò Ha-mu-tal, sī Lip-nah lâng I-é-lí-miah ê chabó͘ kiáⁿ. | 註釋 串珠 原文 典藏 |
24:19 | I kiâⁿ Siōng-chú só͘ khòaⁿ-chò pháiⁿ ê tāichì, chiàu E-hō͘-iá-kim só͘ kiâⁿ ê it-chhè. | 註釋 串珠 原文 典藏 |
24:20 | Ê-lú-sa-lèm kah Iô-tah tú tio̍h chiahê tāichì, sī in-ūi Siōng-chú hoat-chhut siū-khì, beh tùi I ê bīn-chêng kā in kóaⁿ chhut-.khì. | 註釋 串珠 原文 典藏 |