章節 | 全民台語聖經全羅經文 | 註釋 |
22:1 | Iô-tah Ông Io-si-iah( LTH 34: 1-2)Io-si-iah chē-ūi ê sî peh hòe, tī Ê-lú-sa-lèm chò ông kiōng saⁿ-cha̍p it nî. I ê lāu-bú ê miâ kiò-chò E-ti-tah, sī Phel-siah -ka lâng A-ta-iah ê chabó͘ kiáⁿ. | 註釋 串珠 原文 典藏 |
22:2 | I kiâⁿ Siōng-chú só͘ khòaⁿ-chò hó ê tāichì, chiàu ánne kiâⁿ i ê chó͘-sian Ta-bi̍t it-chhè ê lō͘, bô phian chó mā bô phian iū. | 註釋 串珠 字典 原文 典藏 |
22:3 | Hoat-hiān Lu̍t-hoat-su( LTH 34: 8-28)Io-si-iah cha̍p-peh nî, ông chhe Me-siu-lám ê sun, A-cha-liah ê kiáⁿ, su-kì Sia-hóaⁿ, khì-kàu Siōng-chú ê tiān, kā i hoan-hù, kóng, | 註釋 串珠 原文 典藏 |
22:4 | " Lí chiūⁿ-khì kìⁿ tōa-chè-si Hil-kí-iah kah i sǹg hiahê tòa ji̍p-khì Siōng-chú tiān ê gîn, to̍h-sī koán-mn̂g ê tùi jîn-bîn só͘ siu ê, | 註釋 串珠 字典 原文 典藏 |
22:5 | hō͘ in kau hō͘ chò-kang ê lâng, to̍h-sī koán-lí Siōng-chú tiān ê, hō͘ in choán-kau Siōng-chú tiān lāi chò-kang ê lâng, thang siu-lí tiān phò-hoāi ê só͘-chāi, | 註釋 串珠 原文 典藏 |
22:6 | to̍h-sī choán-kau hō͘ ba̍k-chhiūⁿ, khí-chō ê lâng kah thô͘-chhiūⁿ, koh bé chhâ-liāu kah kòe-phah ê chio̍h, lâi siu-lí tiān. | 註釋 串珠 原文 典藏 |
22:7 | Chóng-.sī, kau-kòe in ê chhiú ê gîn, bô kah in sǹg, in-ūi in chò tāichì sêng-si̍t. | 註釋 串珠 字典 原文 典藏 |
22:8 | Tōa-chè-si Hil-kí-iah kā su-kì Sia-hóaⁿ kóng, " Góa tī Siōng-chú tiān lāi ngó͘-jiân tit tio̍h lu̍t-hoat ê chheh. " Hil-kí-iah chiū kā chheh kau hō͘ Sia-hóaⁿ, Sia-hóaⁿ chiū the̍h-lâi tha̍k. | 註釋 串珠 字典 原文 典藏 |
22:9 | Su-kì Sia-hóaⁿ khì-kàu ông hia, hôe-hok ông kóng, " Lí ê lô͘-po̍k í-keng kā só͘ tit tio̍h tī tiān lāi ê gîn piàⁿ chhut-.lâi, kau hō͘ siu-lí Siōng-chú tiān ê chò-kang lâng. " | 註釋 串珠 字典 原文 典藏 |
22:10 | Su-kì Sia-hóaⁿ koh kā ông kóng, " Chè-si Hil-kí-iah ū the̍h chi̍t pún chheh hō͘ góa. " Sia-hóaⁿ chiū tī ông ê bīn-chêng tha̍k hit pún chheh. | 註釋 串珠 字典 原文 典藏 |
22:11 | Ông thiaⁿ tio̍h lu̍t-hoat chheh ê ōe, chiū thiah-li̍h i ê saⁿ. | 註釋 串珠 字典 原文 典藏 |
22:12 | Ông hoan-hù chè-si Hil-kí-iah kah Sia-hóaⁿ ê kiáⁿ A-hi-kam, Mi-ka-iah ê kiáⁿ Ak-bol su-kì Sia-hóaⁿ, í-ki̍p ông ê kīn-sîn A-sa-iah, kóng, | 註釋 串珠 原文 典藏 |
22:13 | " Lín khì, ūi góa kah jîn-bîn, koh ūi Iô-tah kûn-chiòng, kā só͘ khioh tio̍h chit pún chheh ê ōe mn̄g Siōng-chú, in-ūi Siōng-chú tùi lán tōa siū-khì, sī in-ūi lán ê chó͘-sian bô chun-thàn chit pún chheh ê ōe, bô chiàu it-chhè só͘ kì-chài koan-hē lán ê lâi kiâⁿ. " | 註釋 串珠 字典 原文 典藏 |
22:14 | Chiū ánne, chè-si Hil-kí-iah kah A-hi-kam, Ak-bol, Sia-hóaⁿ, í-ki̍p A-sa-iah, lóng khì kìⁿ lú-sian-ti Hol-tah. I sī Hal-ha-suh ê sun, Tek-bah ê kiáⁿ, koán-lí lé-ho̍k hit-ê Sia-lúm ê bó͘, i tiàm tī Ê-lú-sa-lèm tē-jī khu. In kah i kóng chiahê tāichì. | 註釋 串珠 字典 原文 典藏 |
22:15 | I kā in kóng, " Siōng-chú — I-su-la-el ê Siōng-tè ánne kóng, ' Lín khì hôe-hok hit-ê chhe lín lâi kìⁿ Góa ê lâng, kóng, | 註釋 串珠 原文 典藏 |
22:16 | Siōng-chú ánne kóng: Lí khòaⁿ, Góa ē kàng chai-hō tī chit só͘-chāi kah tòa tī chia ê jîn-bîn, che to̍h-sī Iô-tah ông só͘ tha̍k hit pún chheh ê ōe. | 註釋 串珠 字典 原文 典藏 |
22:17 | In-ūi in khì-sak Góa, tī pa̍t-ê sîn-bêng sio hiuⁿ, ēng in ê chhiú só͘ chò ê kek Góa ê siū-khì, só͘-í, Góa tùi chit só͘-chāi siū-khì, chhin-chhiūⁿ hóe to̍h bô soah. | 註釋 串珠 字典 原文 典藏 |
22:18 | Chóng-.sī, chhe lín lâi mn̄g Siōng-chú ê Iô-tah ông, lín tio̍h ánne kā i kóng: Siōng-chú — I-su-la-el ê Siōng-tè ánne kóng: Kóng tio̍h lí só͘ thiaⁿ-.tio̍h ê ōe, | 註釋 串珠 原文 典藏 |
22:19 | to̍h-sī thiaⁿ tio̍h Góa kong-kek chit só͘-chāi kah tòa tī chia ê jîn-bîn, só͘ kóng ē hō͘ i pha-hng koh siū chiù-chó͘, lí ê sim chiū nńg, lí kakī tī Siōng-chú ê bīn-chêng khiam-pi, koh thiah-li̍h lí ê saⁿ, tī Góa ê bīn-chêng thî-khàu, Góa mā ū thiaⁿ-.tio̍h, che sī Siōng-chú kóng ê. | 註釋 串珠 字典 原文 典藏 |
22:20 | Só͘-í, Góa ē hō͘ lí kui lí ê chó͘-sian, lí ē pêng-an kui bōng; Góa só͘ beh kàng-lo̍h tī chit só͘-chāi it-chhè ê chai-hō, lí ê ba̍k-chiu it-tēng khòaⁿ bē tio̍h. '" In chiū tò tńg-khì hôe-hok ông. | 註釋 串珠 字典 原文 典藏 |