章節 | 全民台語聖經全羅經文 | 註釋 |
21:1 | Iô-tah Ông Má-ná-se LTH 33:1-20Má-ná-se chē-ūi ê sî cha̍p-jī hòe, tī Ê-lú-sa-lèm chò ông kiōng gō͘-cha̍p gō͘ nî. I ê lāu-bú ê miâ kiò-chò He-hu-chi-bah. | 註釋 串珠 原文 典藏 |
21:2 | I kiâⁿ Siōng-chú só͘ khòaⁿ-chò pháiⁿ ê tāichì, o̍h gōa-pang lâng só͘ kiâⁿ khó-ò͘ⁿ ê tāichì, to̍h-sī Siōng-chú tī I-su-la-el ê bīn-chêng só͘ kóaⁿ-chhut ê, | 註釋 串珠 原文 典藏 |
21:3 | In-ūi i ê lāu-pē Hi-che-kia só͘ húi ê soaⁿ-thâu tôaⁿ, i koh kā i khí khí-.lâi, koh ūi Ba-al khí tôaⁿ, chò A-si-lah, chiàu I-su-la-el ông A-hap ê só͘ chò, koh kèng-pài thiⁿ-téng ê bān-siōng lâi kā i ho̍k-sāi. | 註釋 串珠 字典 原文 典藏 |
21:4 | Tī Siōng-chú ê tiān lāi khí kúi-nā-ê tôaⁿ, Siōng-chú bat kí chit-ê tiān, kóng, " Góa ē kā Góa ê miâ an-tì tī Ê-lú-sa-lèm. " | 註釋 串珠 字典 原文 典藏 |
21:5 | I tī Siōng-chú ê tiān ê nn̄g-ê īⁿ lāi, ūi tio̍h thiⁿ-téng ê bān-siōng khí tôaⁿ. | 註釋 串珠 字典 原文 典藏 |
21:6 | Koh hō͘ i ê kiáⁿ keng-kòe hóe, koh ū khòaⁿ tiāu-thâu, ēng hoat-su̍t, ēng thiàu-tâng ê, chhiáⁿ sai-kong, kiâⁿ chin chē Siōng-chú só͘ khòaⁿ-chò pháiⁿ ê tāichì, lâi kek I ê siū-khì. | 註釋 串珠 原文 典藏 |
21:7 | Koh tī tiān lāi chhāi i só͘ chō A-si-lah tiau-khek ê siōng, chit keng tiān to̍h-sī Siōng-chú bat tùi Ta-bi̍t kah i ê kiáⁿ Só͘-lô-móng kí i lâi kóng, " Chit keng tiān kah Ê-lú-sa-lèm, to̍h-sī Góa tī I-su-la-el chèng chi-cho̍k tiong só͘ kéng ê, Góa beh an-tì Góa ê miâ tī hia, ti̍t-kàu éng-oán. | 註釋 串珠 字典 原文 典藏 |
21:8 | I-su-la-el lâng nā chip-siú lâi kiâⁿ Góa it-chhè só͘ bēng-lēng in ê, chiàu Góa ê lô͘-po̍k Mô͘-se só͘ bēng-lēng in it-chhè ê lu̍t-hoat, Góa chiū bô koh hō͘ in ê kha î-sóa, lī-khui Góa só͘ siúⁿ-sù hō͘ in chó͘-sian ê tē. " | 註釋 串珠 原文 典藏 |
21:9 | Chóng-.sī, in bô chun-thàn, Má-ná-se ín-iú in kiâⁿ pháiⁿ, pí Siōng-chú tī I-su-la-el lâng ê bīn-chêng só͘ bia̍t ê lia̍t kok koh khah siong-tiōng. | 註釋 串珠 原文 典藏 |
21:10 | Siōng-chú thok I ê lô͘-po̍k, hiahê sian-ti, kóng, | 註釋 串珠 原文 典藏 |
21:11 | " In-ūi Iô-tah ông Má-ná-se kiâⁿ chiahê khó-ò͘ⁿ ê tāichì, pí i í-chêng ê A-mô͘-lī lâng só͘ kiâⁿ ê koh khah pháiⁿ, koh ēng i ê ngó͘-siōng hō͘ Iô-tah lâng hām-lo̍h chōe, | 註釋 串珠 字典 原文 典藏 |
21:12 | Só͘-í, Siōng-chú — I-su-la-el ê Siōng-tè ánne kóng: " Lí khòaⁿ, Góa beh kàng chai-hō tī Ê-lú-sa-lèm kah Iô-tah, hō͘ só͘-ū thiaⁿ-.tio̍h ê lâng nn̄g-ê hīⁿ-khang ē tiô khí-.lâi. | 註釋 串珠 原文 典藏 |
21:13 | Góa ē ēng niû Sa-má-lī-a ê chîn-sòaⁿ kah A-hap ê ke ê tūi-chîn, khan tī Ê-lú-sa-lèm ê téng-bīn, beh chhin-chhiūⁿ lâng teh chhit pôaⁿ ánne lâi chhit Ê-lú-sa-lèm, chhit-liáu chiū péng-phak. | 註釋 串珠 字典 原文 典藏 |
21:14 | Góa ē pàng-lī Góa ê sán-gia̍p só͘ chhun lo̍h-.lâi ê, kā in kau tī tùi-te̍k ê chhiú, in ē chiâⁿ-chò in só͘-ū ê tùi-te̍k só͘ lia̍h só͘ chhiúⁿ ê tùi-siōng, | 註釋 串珠 原文 典藏 |
21:15 | in-ūi in tùi in ê chó͘-sian chhut Ai-gi̍p ê ji̍t kàu kin-á-ji̍t, tiāⁿtiāⁿ kiâⁿ Góa só͘ khòaⁿ-chò pháiⁿ ê tāichì, lâi kek Góa siū-khì. " | 註釋 串珠 原文 典藏 |
21:16 | Má-ná-se hō͘ Iô-tah lâng hoān chōe, kiâⁿ Siōng-chú só͘ khòaⁿ-chò pháiⁿ ê tāichì, i chit-ê chōe í-gōa, koh lâu chin chē bô chōe ê lâng ê hoeh, móa Ê-lú-sa-lèm, tùi chit kek kàu hit kek. | 註釋 串珠 原文 典藏 |
21:17 | Má-ná-se kî-tha ê tāichì, kiàn-nā i só͘ kiâⁿ ê kah i só͘ hoān ê chōe, kám bô lóng kì tī Iô-tah lia̍t ông ê kì-lio̍k? | 註釋 串珠 字典 原文 典藏 |
21:18 | Má-ná-se kah i ê chó͘-sian tâng khùn, bâi-chòng tī i kakī kiong lāi ê hn̂g, to̍h-sī U-chà ê hn̂g. I ê kiáⁿ Am-móng sòa-chiap i chò ông. | 註釋 串珠 原文 典藏 |
21:19 | Iô-tah Ông Am-móng (LTH 33:21-25)Am-móng chē-ūi ê sî, jī-cha̍p jī hòe, tī Ê-lú-sa-lèm chò ông keng-kòe nn̄g nî. I ê lāu-bú ê miâ kiò-chò Me-siu-le-met, sī Iot-bah lâng Ha-lu-chuh ê chabó͘ kiáⁿ. | 註釋 串珠 原文 典藏 |
21:20 | I kiâⁿ Siōng-chú só͘ khòaⁿ-chò pháiⁿ ê tāichì, chhin-chhiūⁿ i ê lāu-pē Má-ná-se só͘ chò ê; | 註釋 串珠 原文 典藏 |
21:21 | chiàu ánne kiâⁿ i ê lāu-pē só͘ kiâⁿ it-chhè ê lō͘, ho̍k-sāi lāu-pē só͘ ho̍k-sāi hiahê ngó͘-siōng, | 註釋 串珠 字典 原文 典藏 |
21:22 | khì-sak Siōng-chú — i ê chó͘-sian ê Siōng-tè, bô kiâⁿ Siōng-chú ê tō-lō͘. | 註釋 串珠 字典 原文 典藏 |
21:23 | Am-móng ê jîn-sîn pōe-poān i, tī ông-kiong lāi kā ông thâi-sí. | 註釋 串珠 原文 典藏 |
21:24 | Chóng-.sī, jîn-bîn thâi-sí hiahê pōe-poān Am-móng ông ê lâng, chiū siat-li̍p i ê kiáⁿ Io-si-iah sòa-chiap i chò ông. | 註釋 串珠 原文 典藏 |
21:25 | Am-móng kî-tha só͘ kiâⁿ ê tāichì, kám bô kì tī Iô-tah lia̍t ông ê kì-lio̍k? | 註釋 串珠 字典 原文 典藏 |
21:26 | I hông bâi-chòng tī U-chà ê hn̂g ê kakī ê bōng. I ê kiáⁿ Io-si-iah sòa-chiap i chò ông. | 註釋 串珠 字典 原文 典藏 |