章節 | 全民台語聖經全羅經文 | 註釋 |
20:9 | Pháiⁿ Chhân-tiān ê Phì-jū( Mt 21: 33-46; Mk 12: 1-12)I-é-su koh ēng chi̍t-ê phì-jū tùi chèng lâng kóng, " Ū chi̍t-ê lâng khai-khún chi̍t khu phû-tô hn̂g, cho͘ hō͘ chhân-tiān, chiū chhut-gōa chin kú. | 註釋 串珠 字典 原文 典藏 |
20:10 | Kàu siu-sêng ê kî, hn̂g-chú chhe chi̍t-ê lô͘-po̍k khì chhōe chhân-tiān, beh tùi in siu hn̂g-cho͘ ê kóe-chí; chóng-.sī, chhân-tiān phah hit-ê lô͘-po̍k, hō͘ i khang-chhiú tńg-.khì. | 註釋 串珠 字典 原文 典藏 |
20:11 | Hn̂g-chú koh chhe pa̍t-ê lô͘-po̍k khì, chhân-tiān kāng-khoán kā i phah, koh kā i bú-jio̍k, iū-koh hō͘ i khang-chhiú tńg-.khì. | 註釋 串珠 原文 典藏 |
20:12 | Hn̂g-chú koh chhe tē-saⁿ ê lô͘-po̍k khì, hiahê chhân-tiān mā sī kā i phah-siong, koh kā i kóaⁿ chhut-.khì. | 註釋 串珠 原文 典藏 |
20:13 | Āu-lâi, hn̂g-chú kóng, ' Taⁿ góa tio̍h án-chóaⁿ chò chiah hó? Góa beh chhe góa só͘ thiàⁿ ê kiáⁿ khì. In tāi-khài ē kā i chun-tiōng. ' | 註釋 串珠 字典 原文 典藏 |
20:14 | M̄ koh, chhân-tiān khòaⁿ tio̍h hn̂g-chú ê kiáⁿ lâi, chiū hō͘-siong chham-siông kóng, ' Chit-ê sī beh sêng-chiap hn̂g-chú châi-sán ê kiáⁿ, lán lâi kā i thâi-sí, ánne, chiahê châi-sán chiū piàn-chò lán ê. ' | 註釋 串珠 原文 典藏 |
20:15 | In chiū kā i hiat chhut-khì hn̂g-gōa, koh kā i thâi-sí. Hn̂g-chú beh án-chóaⁿ lâi kā in chhù-lí? | 註釋 串珠 字典 原文 典藏 |
20:16 | Hn̂g-chú ē lâi kā hiahê chhân-tiān châu-bia̍t, kā i ê hn̂g cho͘ hō͘ pa̍t lâng. " In thiaⁿ tio̍h chiahê ōe liáu-āu chiū kóng, " Chhian-bān m̄ thang ánne. " | 註釋 串珠 字典 原文 典藏 |
20:17 | I-é-su ba̍k-chiu kim-kim kā in khòaⁿ, kóng, " Ū kì-chài, sai-hū só͘ khì-sak ê chio̍h, chiâⁿ-chò chhù-kak-thâu ê ki-chio̍h. (chù, SPh 118:22) Chit-kù ōe sī siáⁿ-mi̍h ì-sù? | 註釋 串珠 字典 原文 典藏 |
20:18 | Só͘-ū poa̍h lo̍h-khì hit tè chio̍h-thâu téng ê lâng lóng ē chhùi-kut hún-si, hō͘ hit tè chio̍h-thâu teh tio̍h ê lâng lóng ē chhùi-kô͘-kô͘. " | 註釋 串珠 原文 典藏 |
20:19 | Hit sî, hiahê keng-ha̍k kàu-su kah chè-si-tiúⁿ chai I-é-su chit-ê phì-jū sī teh chí in, chiū ài beh tong-tiûⁿ hē chhiú lia̍h I-é-su, m̄ koh, in kiaⁿ chèng lâng. | 註釋 串珠 原文 典藏 |