章節 | 全民台語聖經全羅經文 | 註釋 |
19:3 | Ū chi̍t-kóa Hoa-lí-sái phài ê lâng lâi chhì-thàm I-é-su, kóng, " Lâng bô-lūn siáⁿ-mi̍h lí-iû lóng thang lî i ê bó͘, tio̍h bô? " | 註釋 串珠 康來昌 原文 典藏 |
19:4 | I-é-su ìn kóng, " Lín kám bô tha̍k tio̍h chhòng-chō ê Chú, goân-khí-thâu chhòng-chō lâng ū lâm ū lí? (chù, CSK 1:27; 5:2) | 註釋 串珠 康來昌 原文 典藏 |
19:5 | Koh kóng, in-ūi ánne, lâng beh lī-khui pē-bú kah i ê bó͘ kiat-liân, nn̄g-ê beh chiâⁿ-chò chi̍t thé. (chù, CSK 2:24) | 註釋 串珠 康來昌 原文 典藏 |
19:6 | Án-ne khòaⁿ khí-.lâi, hu-hū bô koh chò nn̄g-ê, sī chò chi̍t thé, só͘-í, Siōng-tè só͘ phòe-ha̍p ê, lâng m̄ thang kā in thiah-khui. " | 註釋 串珠 康來昌 原文 典藏 |
19:7 | Hoa-lí-sái phài ê lâng koh mn̄g kóng, " Nā-sī ánne, Mô͘-se án-chóaⁿ ē hoan-hù lâng ēng lî-hun-su hō͘ i, chiū thang kā i lī? " | 註釋 串珠 康來昌 字典 原文 典藏 |
19:8 | I-é-su ìn kóng, " Mô͘-se In-ūi lín ê sim ngē, chún lín lî bó͘, m̄ koh, Siōng-tè tī chhòng-sè ê goân-khí-thâu m̄-sī ánne. | 註釋 串珠 康來昌 原文 典藏 |
19:9 | Góa kā lín kóng, nā m̄-sī ūi tio̍h bó͘ hoān kan-îm ê iân-kò͘, kā bó͘ lî tiāu-lâi chhōa pa̍t-ê bó͘, to̍h-sī hoān kan-îm. Chhōa chit-ê hông lî ê bó͘ ê lâng mā sī hoān kan-îm. " | 註釋 串珠 康來昌 原文 典藏 |
19:10 | Bûn-tô͘ kā I kóng, " Lâng ê ang-bó͘ koan-hē Nā-sī ánne, lêng-khó mài kiat-hun khah hó. " | 註釋 串珠 康來昌 原文 典藏 |
19:11 | I-é-su kā in kóng, " Chit-ê ōe m̄-sī ta̍k lâng lóng ē-tàng chiap-siū. Kan-taⁿ ū chit khoán un-sù ê lâng chiah ē. | 註釋 串珠 康來昌 原文 典藏 |
19:12 | In-ūi ū lâng chhut-sì to̍h bô sek-ha̍p kiat-hun, mā ū jîn-ûi ê iân-kò͘, mā ū ūi tio̍h thian-kok ê iân-kò͘. Ē-tàng chiap-siū ê lâng chiah hó ánne chò. " | 註釋 串珠 康來昌 原文 典藏 |