章節 | 全民台語聖經全羅經文 | 註釋 |
17:14 | I-é-su I-hó Siâ-sîn Hū-sin ê Gín-á( Mk 9: 14-29; Lk 9: 37-43a)In lâi-kàu kûn-chiòng hia, ū chi̍t-ê lâng lâi kūi tī I-é-su ê bīn-chêng, kóng, | 註釋 串珠 康來昌 原文 典藏 |
17:15 | " Chú ah, liân-bín góa ê kiáⁿ, in-ūi i tài tio̍h iûⁿ-hîn chin kan-khó͘, tiāⁿtiāⁿ poa̍h-lo̍h hóe, mā tiāⁿtiāⁿ poa̍h-lo̍h chúi. | 註釋 串珠 康來昌 原文 典藏 |
17:16 | Góa chhōa i khì chhōe Lí ê bûn-tô͘, in bô hoat-tō͘ kā i i hó. " | 註釋 串珠 康來昌 原文 典藏 |
17:17 | I-é-su ìn kóng, " Ai-ah! Chiahni̍h bô sìn sim koh siâ-ok ê sè-tāi, góa tio̍h kah lín tòa gōa kú? Góa tio̍h koh jím-nāi lín gōa kú? Chhōa hit-ê gín'á lâi góa chia. " | 註釋 串珠 康來昌 原文 典藏 |
17:18 | I-é-su chek-pī siâ-sîn, siâ-sîn tùi gín'á ê seng-khu chhut-.khì; gín'á ê pēⁿ chiū sûi-sî hó-.khì. | 註釋 串珠 康來昌 原文 典藏 |
17:19 | Hit sî, bûn-tô͘ thau-thau-á lâi mn̄g I-é-su kóng, " Goán án-chóaⁿ bô hoat-tō͘ kā siâ-sîn kóaⁿ chhut-.khì? " | 註釋 串珠 康來昌 原文 典藏 |
17:20 | I-é-su kā in kóng, " Sī in-ūi lín ê sìn-sim bô kàu-gia̍h. Góa si̍t-chāi kā lín kóng, lín ê sìn-sim nā ū chhin-chhiūⁿ chi̍t lia̍p kòa-chhài-chí hiah tōa, lín tùi chit chō soaⁿ kóng, ' Tùi chia sóa khì hia! ' soaⁿ mā ē sóa khì; jî-chhiáⁿ lín bô chi̍t hāng tāichì chò bē kàu. " | 註釋 串珠 康來昌 字典 原文 典藏 |
17:21 | (Chit khoán siâ-mô͘, nā m̄-sī ēng kî-tó kah kìm-chia̍h, chiū bē tàng kā i kóaⁿ-chhut. ")( Chù, Goân pán-pún bô chit chat, ū ê chhau-pún ke chit chat. ) | 註釋 串珠 康來昌 原文 典藏 |