章節 | 全民台語聖經全羅經文 | 註釋 |
15:11 | Sit-lo̍h Kiáⁿ ê Phì-jūI-é-su koh kóng, " Ū chi̍t-ê lâng ū nn̄g-ê kiáⁿ. | 註釋 串珠 原文 典藏 |
15:12 | Hitê sè-hàn kiáⁿ kā lāu-pē kóng, ' A-pa, chhiáⁿ kā góa eng-kai tit ê châi-sán pun hō͘ góa. ' Lāu-pē chiū pun ke-hóe hō͘ nn̄g-ê kiáⁿ. | 註釋 串珠 原文 典藏 |
15:13 | Keh bô kúi ji̍t, hit-ê sè-hàn kiáⁿ kā só͘ tit tio̍h ê châi-sán choân-pō͘ ōaⁿ-chò hiān-kim, chiū chhut-gōa khì chin hn̄g ê só͘-chāi. I tī hia hòng-tōng loān khai-chîⁿ. | 註釋 串珠 原文 典藏 |
15:14 | I kā só͘-ū ê chîⁿ khai liáu-liáu ê sî, hit só͘-chāi tú tio̍h tōa ki-hng, i chiah kak-ngō͘ khiàm-khoeh ê kan-khó͘. | 註釋 串珠 原文 典藏 |
15:15 | I chiū khì hō͘ hit só͘-chāi ê chi̍t-ê lâng chhiàⁿ, hit-ê lâng chhe i khì soaⁿ-.ni̍h ê hn̂g chhī ti. | 註釋 串珠 字典 原文 典藏 |
15:16 | I iau kah siūⁿ beh the̍h ti teh chia̍h ê tāu-phoh lâi chí-iau, mā lóng bô lâng beh hō͘ i chia̍h. | 註釋 串珠 字典 原文 典藏 |
15:17 | Āu-lâi, i kak-chhéⁿ kóng, ' Góa ê lāu-pē ū hiah chē tn̂g-kang, bí-niûⁿ chia̍h kah ū chhun, m̄ koh, góa tī chia iaukah teh beh sí-.khì. | 註釋 串珠 字典 原文 典藏 |
15:18 | Góa beh tńg-lâi-khì chhōe góa ê lāu-pē, kā i kóng, ' A-pa, góa ū tek-chōe thiⁿ, mā ū tek-chōe lí. | 註釋 串珠 原文 典藏 |
15:19 | Taⁿ góa bô chu-keh koh chò lí ê kiáⁿ. Chhiáⁿ hō͘ góa chò lí ê tn̂g-kang to̍h hó. ' | 註釋 串珠 原文 典藏 |
15:20 | I chiū chhut-hoat tńg-khì chhōe i ê lāu-pē. Lī in lāu-pē iáu koh chin hn̄g ê sî, lāu-pē to̍h khòaⁿ tio̍h i, kám-kak chin m̄-kam, cháu-óa khì kā i lám-.leh, ti̍t-ti̍t kā i chim. | 註釋 串珠 原文 典藏 |
15:21 | Kiáⁿ kā lāu-pē kóng, ' A-pa, góa ū tek-chōe thiⁿ, mā ū tek-chōe lí, taⁿ góa bô chu-keh koh chò lí ê kiáⁿ. '. | 註釋 串珠 原文 典藏 |
15:22 | M̄ koh, lāu-pē tùi hiahê lô͘-po̍k kóng, ' Kín hiaⁿh siōng hó ê saⁿ lâi kā i chhēng, kā i kòa chhiú-chí, koh kā i chhēng ê; | 註釋 串珠 字典 原文 典藏 |
15:23 | Sòa khan hit chiah pûi ê gû-á kiáⁿ lâi thâi, lâi pān toh hoaⁿ-hí khèng-chiok. | 註釋 串珠 字典 原文 典藏 |
15:24 | In-ūi góa chit-ê kiáⁿ sí-khì ū koh-oa̍h, phah-m̄-kiàn ū koh chhōe-.tio̍h. 'In chiū chò-hóe hoaⁿ-hí khèng-chiok. | 註釋 串珠 原文 典藏 |
15:25 | " Hit sî, tōa-kiáⁿ tùi hn̂g-.ni̍h tńg-lâi beh kàu chhù ê sî, thiaⁿ tio̍h chàu ga̍k kah thiàu-bú ê siaⁿ. | 註釋 串珠 原文 典藏 |
15:26 | I kiò chi̍t-ê lô͘-po̍k lâi, mn̄g i khòaⁿ sī teh chò siáⁿ-mi̍h tāichì. | 註釋 串珠 原文 典藏 |
15:27 | Hitê lô͘-po̍k kā i kóng, ' Lín sió-tī tńg-.lâi à, lín lāu-pē in-ūi i pêng-an bô-sū tńg-.lâi, só͘-í, thâi hit chiah pûi ê gû-á kiáⁿ. ' | 註釋 串珠 字典 原文 典藏 |
15:28 | Tōa-kiáⁿ chin siū-khì, m̄ ji̍p-.khì; lāu-pē chhut-lâi kā i khó͘-khǹg. | 註釋 串珠 原文 典藏 |
15:29 | I ìn lāu-pē kóng, ' Lí khòaⁿ, góa ho̍k-sāi lí hiah chē nî, lóng m̄ bat ûi-pōe lí ê bēng-lēng, lí mā m̄ bat hō͘ góa chi̍t chiah iûⁿ-á-kiáⁿ, thang kah góa ê pêng-iú chò-hóe hoaⁿ-hí lim-chia̍h. | 註釋 串珠 字典 原文 典藏 |
15:30 | Chóng-.sī, lí chit-ê kiáⁿ, kau-pôe chhiong-ki, kā lí pun hō͘ i ê châi-sán choân-pō͘ khai liáu-liáu. I chi̍t ē tńg-.lâi, lí chiū ūi tio̍h i thâi pûi ê gû-á kiáⁿ. ' | 註釋 串珠 字典 原文 典藏 |
15:31 | Lāu-pē kā i kóng, ' Góa ê kiáⁿ, lí tiāⁿtiāⁿ kah góa chò-hóe, góa só͘-ū ê châi-sán lóng sī lí ê. | 註釋 串珠 原文 典藏 |
15:32 | M̄ koh, lí ê sió-tī sí ū koh-oa̍h, phah-m̄-kiàn ū koh chhōe-.tio̍h, lán eng-kai tio̍h lâi hoaⁿ-hí khèng-chiok. '" | 註釋 串珠 原文 典藏 |