| 章節 | 全民台語聖經全羅經文 | 註釋 |
| 12:28 | Siōng tiōng-iàu ê Kài-bēng( Mt 22: 34-40; Lk 10: 25-28)Ū chi̍t-ê keng-ha̍k kàu-su lâi, thiaⁿ tio̍h in teh piān-lūn, khòaⁿ I-é-su ìn-liáu chin hó, chiū mn̄g I kóng, " Chiahê kài-bēng tiong tó chi̍t tiâu siōng iàu-kín? " | 註釋 串珠 康來昌 原文 典藏 |
| 12:29 | I-é-su ìn kóng, "Siōng iàu-kín ê sī, I-su-la-el lâng, lín tio̍h thiaⁿ! Chú — lán ê Siōng-tè sī to̍k-it ê Chú. | 註釋 串珠 康來昌 原文 典藏 |
| 12:30 | Lí tio̍h chīn-sim, chīn-sèng, chīn-ì, chīn-la̍t thiàⁿ Chú, to̍h-sī lí ê Siōng-tè. (chù, SBK 6:4-5) | 註釋 串珠 康來昌 原文 典藏 |
| 12:31 | Tē-jī sī, Tio̍h thiàⁿ lí ê chhù-piⁿ chhin-chhiūⁿ kakī. (chù, LBK 19:18) bô pa̍t-ê kài-bēng pí chit nn̄g tiâu khah tiōng-iàu. " | 註釋 串珠 康來昌 原文 典藏 |
| 12:32 | Hitê keng-ha̍k kàu-su tùi I-é-su kóng, " Lāu-su, Lí kóng liáu chin tio̍h, Siōng-tè chí ū chi̍t ūi, I í-gōa bô pa̍t-ê. " | 註釋 串珠 康來昌 原文 典藏 |
| 12:33 | I koh kóng, " Tio̍h chīn-sim, chīn-ì, chīn-la̍t thiàⁿ Siōng-tè, koh tio̍h thiàⁿ chhù-piⁿ chhin-chhiūⁿ kakī, che pí hiàn kui-chiah chengseⁿ ê sio-chè kah chè-mi̍h khah iàu-kín. " | 註釋 串珠 康來昌 原文 典藏 |
| 12:34 | I-é-su khòaⁿ tio̍h i ìn-liáu chin sek-tòng, chiū kā i kóng, " Lí lī Siōng-tè kok-tō͘ bô hn̄g à. " Tùi hit sî khí, bô lâng káⁿ koh mn̄g I-é-su siáⁿ-mi̍h būn-tê. | 註釋 串珠 康來昌 異文 原文 典藏 |