章節 | 全民台語聖經全羅經文 | 註釋 |
10:1 | I-é-su Chhe-phài Chhit-cha̍p-jī LângChiahê tāichì liáu-āu, Chú koh chhe-phài chhit-cha̍p-jī lâng ( Chù, goân pán-pún sī " Chhit-cha̍p lâng "), chi̍t tùi chi̍t tùi chhe in chò chêng khì I só͘ beh khì ê ta̍k-ê siâⁿ kah ta̍k-ê só͘-chāi. | 註釋 串珠 原文 典藏 |
10:2 | I-é-su kā in kóng, " Thang siu-sêng ê chin chē, chò-kang ê lâng chin chió, só͘-í, lín tio̍h khì kiû hn̂g-chú phài khah chē kang-lâng khì siu-sêng. | 註釋 串珠 原文 典藏 |
10:3 | Lín khì! Góa chhe lín chhut-khì chò-kang, chhin-chhiūⁿ iûⁿ-á ji̍p-khì chhâi-lông ê tiong-kan. | 註釋 串珠 字典 原文 典藏 |
10:4 | M̄-thang tòa chîⁿ tē, m̄ thang tòa hêng-lí tē, m̄ thang chhēng ê, tī lō͘-.ni̍h m̄ thang kā lâng chhéng-an. | 註釋 串珠 字典 原文 典藏 |
10:5 | Lín bô-lūn ji̍p-khì siáⁿ lâng ê chhù, tio̍h tāi-seng kóng, ' Goān lín chit ke ê lâng pêng-an. ' | 註釋 串珠 原文 典藏 |
10:6 | Tī hia nā ū ì-ài pêng-an ê lâng, in chiū ē tit tio̍h lín kā in chhéng-an ê pêng-an. Nā bô, hit-ê pêng-an chiū ē tò tńg-lâi kui lín. | 註釋 串珠 原文 典藏 |
10:7 | Tio̍h tiàm hit ke, lim-chia̍h in só͘ kiong-kip ê mi̍h, in-ūi chò-kang ê lâng ē kham-tit tit tio̍h i ê kang-chîⁿ. M̄-thang tùi chit ke sóa kòe-khì hit ke. | 註釋 串珠 原文 典藏 |
10:8 | Lín bô-lūn ji̍p-khì siáⁿ-mi̍h siâⁿ, lâng nā chiap-la̍p lín, tio̍h chia̍h in só͘ pâi tī lín bīn-chêng ê mi̍h. | 註釋 串珠 原文 典藏 |
10:9 | Siâⁿ lāi ū pēⁿ ê lâng, tio̍h kā in i hó, sòa kā in kóng, ' Siōng-tè kok-tō͘ teh beh kàu à. ' | 註釋 串珠 原文 典藏 |
10:10 | M̄ koh, bô-lūn ji̍p-khì siáⁿ-mi̍h siâⁿ, lâng nā m̄ chiap-la̍p lín, lín tio̍h chhut-khì in ê tōa ke-lō͘, kóng, | 註釋 串珠 字典 原文 典藏 |
10:11 | ' Liân lín ê siâⁿ tiâu tī goán kha-té ê thô͘-soa hún, goán to beh pōaⁿ-tiāu; chóng-.sī, lín tio̍h chai Siōng-tè kok-tō͘ teh beh kàu à. ' | 註釋 串珠 原文 典藏 |
10:12 | Góa kā lín kóng, sím-phòaⁿ ê ji̍t-chí nā kàu, So͘-tóm só͘ siū ê hêng-hoa̍t pí hit-ê siâⁿ só͘ siū ê iáu khah hó jím-siū. " | 註釋 串珠 原文 典藏 |