章節 | 全民台語聖經全羅經文 | 註釋 |
10:23 | I-é-su kā kûn-chiòng khòaⁿ chi̍t liàn chiah tùi bûn-tô͘ kóng, " Hó-gia̍h lâng beh ji̍p Siōng-tè kok-tō͘ chin khùn-lān! " | 註釋 串珠 康來昌 字典 原文 典藏 |
10:24 | Bûn-tô͘ thiaⁿ-liáu chiahê ōe, kám-kak chin kî-koài. I-é-su koh kóng, " Sè-kiáⁿ, óa-khò chîⁿ-châi beh ji̍p Siōng-tè kok-tō͘ chin-chiàⁿ khùn-lân! | 註釋 串珠 康來昌 異文 原文 典藏 |
10:25 | Lo̍k-tô chhng-kòe chiam-phīⁿ pí hó-gia̍h lâng ji̍p Siōng-tè kok-tō͘ iáu khah kán-tan. " | 註釋 串珠 康來昌 異文 字典 原文 典藏 |
10:26 | Bûn-tô͘ koh khah tio̍h-kiaⁿ, khí gî-būn, kóng, " Án-ne siáⁿ lâng chiah ē-tàng tit-kiù? " | 註釋 串珠 康來昌 異文 原文 典藏 |
10:27 | I-é-su chù-ba̍k kā in khòaⁿ, kóng, " Chit-hāng tāichì lâng chò bē kàu; tùi Siōng-tè lâi kóng m̄-sī ánne, in-ūi Siōng-tè ta̍k hāng lóng ē. " | 註釋 串珠 康來昌 原文 典藏 |
10:28 | Piat-tò͘ chiū tùi I-é-su kóng, " Goán í-keng pàng-sak it-chhè lâi tòe Lí à. " | 註釋 串珠 康來昌 原文 典藏 |
10:29 | I-é-su ìn kóng, " Góa si̍t-chāi kā lín kóng, lâng nā ūi tio̍h góa kah hok-im ê iân-kò͘ lâi pàng-sak chhù-the̍h, hiaⁿ-tī, chí-mōe, lāu-bú, lāu-pē, kiáⁿ-jî, chhân-hn̂g, | 註釋 串珠 康來昌 原文 典藏 |
10:30 | In tī kim-sè ē tit tio̍h pah pōe ê chhù-the̍h, hiaⁿ-tī, chí-mōe, lāu-bú, kiáⁿ-jî, chhân-hn̂g, tông-sî mā ē siū pek-hāi; m̄ koh, tī lâi-sè in ē tit tio̍h éng-oán ê oa̍h-miā. | 註釋 串珠 康來昌 原文 典藏 |
10:31 | Chóng-.sī, chin chē chò thâu-chêng ê lâng ē piàn-chò lō͘-bóe, lō͘-bóe ê lâng mā ē piàn-chò thâu-chêng. " | 註釋 串珠 康來昌 異文 原文 典藏 |