章節 | 巴克禮全羅經文 | 註釋 |
9:1 | Iâ-so͘ kiâⁿ kè ê sî, khòaⁿ-kìⁿ chi̍t lâng chhut-sì chiū chhiⁿ-mî. | 註釋 串珠 盧俊義 讀經 原文 典藏 |
9:2 | I ê ha̍k-seng mn̄g I kóng, Lia̍p-pí, chit lâng chhut-sì chiū chhiⁿ-mî, tùi chī-chūi hoān-chōe, sī i pún-sin, á-sī i ê pē-bú ah? | 註釋 串珠 盧俊義 讀經 原文 典藏 |
9:3 | Iâ-so͘ ìn kóng, Chit lâng bô hoān-chōe, i ê pē-bú ia̍h bô; to̍k-to̍k beh ēng i lâi hián-bêng Siōng-tè ê só͘ chòe. | 註釋 串珠 盧俊義 讀經 原文 典藏 |
9:4 | Sî iáu sī ji̍t-sî, lán tio̍h chòe chhe góa ê ê kang; mî-sî beh kàu, hit tia̍p chiū bô lâng ōe chòe kang. | 註釋 串珠 盧俊義 讀經 原文 典藏 |
9:5 | Góa tī sè-kan ê sî, sī sè-kan ê kng. | 註釋 串珠 盧俊義 讀經 原文 典藏 |
9:6 | Chiah-ê ōe kóng-liáu, chiū phùi nōa tī thô͘-kha, ēng nōa kiáu thô͘, ēng thô͘ kô͘ chhiⁿ-mî lâng ê ba̍k-chiu, kā i kóng, Khì sóe tī Se-lô-a ê tî. (Se-lô-a, hoan-e̍k chiū-sī Hōng-chhe). | 註釋 串珠 盧俊義 讀經 原文 典藏 |
9:7 | I chiū khì sóe, tò-tńg-lâi í-keng ōe khòaⁿ-kìⁿ. | 註釋 串珠 盧俊義 字典 讀經 原文 典藏 |
9:8 | I ê chhù-piⁿ kap pêng-sò͘ khòaⁿ-kìⁿ i chòe khit-chia̍h ê, kóng, chit lâng kiám m̄ sī chē-teh lâi kiû-khit ê mah? | 註釋 串珠 盧俊義 讀經 原文 典藏 |
9:9 | Ū lâng kóng, Chiū-sī i; ū lâng kóng, M̄ sī, sī chhin-chhiūⁿ i nā-tiāⁿ. I ka-kī kóng, Góa chiū-sī. | 註釋 串珠 盧俊義 讀經 原文 典藏 |
9:10 | In chiū kā i kóng, Lí ê ba̍k-chiu cháiⁿ-iūⁿ tit-tio̍h khui? | 註釋 串珠 盧俊義 讀經 原文 典藏 |
9:11 | I ìn kóng, Hit ê miâ kiò Iâ-so͘ ê kiáu thô͘ kô͘ góa ê ba̍k-chiu, kā góa kóng, Khì Se-lô-a sóe; góa sûi-sî khì sóe, chiū tit-tio̍h khòaⁿ-kìⁿ. | 註釋 串珠 盧俊義 讀經 原文 典藏 |
9:12 | In chiū kā i kóng, Hit lâng tī tá-lo̍h? I kóng, Góa m̄ chai. | 註釋 串珠 盧俊義 讀經 原文 典藏 |
9:13 | In chhōa hit-ê pêng-sò͘ chhiⁿ-mî ê khì kìⁿ Hoat-lī-sài lâng. | 註釋 串珠 盧俊義 讀經 原文 典藏 |
9:14 | Iâ-so͘ kiáu thô͘ lâi khui i ê ba̍k-chiu ê ji̍t sī an-hioh-ji̍t. | 註釋 串珠 盧俊義 讀經 原文 典藏 |
9:15 | Só͘-í Hoat-lī-sài lâng ia̍h mn̄g i sī cháiⁿ-iūⁿ tit-tio̍h khòaⁿ-kìⁿ. I chiū kā in kóng, I chiong thô͘-bê hē tī góa ê ba̍k-chiu, góa khì sóe, chiū khòaⁿ-kìⁿ. | 註釋 串珠 盧俊義 讀經 原文 典藏 |
9:16 | Hoat-lī-sài lâng tiong ū-ê kóng, Chit lâng bô siú an-hioh-ji̍t, m̄ sī tùi Siōng-tè lâi. Ū-ê kóng, Ū chōe ê lâng thái ōe kiâⁿ chit hō sîn-jiah ah? In tùi án-ni hun-pêng. | 註釋 串珠 盧俊義 讀經 原文 典藏 |
9:17 | In koh kā chhiⁿ-mî lâng kóng, I í-keng khui lí ê ba̍k-chiu, lí kóng I sī sím-mi̍h hō lâng? I kóng, Sī sian-ti lâng. | 註釋 串珠 盧俊義 讀經 原文 典藏 |
9:18 | Iû-thài lâng m̄ sìn i pêng-sò͘ chhiⁿ-mî, ōe koh khòaⁿ-kìⁿ; kàu kiò tit-tio̍h khòaⁿ-kìⁿ ê ê pē-bú lâi, | 註釋 串珠 盧俊義 讀經 原文 典藏 |
9:19 | chiū mn̄g in kóng, Chit-ê sī lín ê kiáⁿ, chiū-sī lín só͘ kóng chhut-sì chhiⁿ-mî ê mah? taⁿ i cháiⁿ-iūⁿ ōe khòaⁿ-kìⁿ? | 註釋 串珠 盧俊義 讀經 原文 典藏 |
9:20 | I ê pē-bú ìn kóng, I sī goán ê kiáⁿ, chhut-sì chhiⁿ-mî, goán chai; taⁿ i cháiⁿ-iūⁿ tit-tio̍h khòaⁿ-kìⁿ, goán m̄ chai; | 註釋 串珠 盧俊義 讀經 原文 典藏 |
9:21 | chī-chūi khui i ê ba̍k-chiu, goán ia̍h m̄ chai; i tōa-hàn lah; mn̄g i, i beh ka-kī kóng. | 註釋 串珠 盧俊義 讀經 原文 典藏 |
9:22 | I ê pē-bú kóng án-ni, sī in-ūi kiaⁿ Iû-thài lâng; in-ūi Iû-thài lâng í-keng ū tēng iok, nā ū jīn Iâ-so͘ chòe Ki-tok ê, tio̍h kek-chhut hōe-tn̂g. | 註釋 串珠 盧俊義 字典 讀經 原文 典藏 |
9:23 | Só͘-í i ê pē-bú kóng, I tōa-hàn lah; thang mn̄g i. | 註釋 串珠 盧俊義 讀經 原文 典藏 |
9:24 | In chiū koh kiò pêng-sò͘ chhiⁿ-mî ê, kā i kóng, Tio̍h kui êng-kng Siōng-tè; goán chai chit lâng sī ū chōe ê lâng. | 註釋 串珠 盧俊義 讀經 原文 典藏 |
9:25 | I chiū ìn kóng, I sī ū chōe ê lâng á m̄ sī, góa m̄ chai; chí-ū chai chi̍t hāng, chiū-sī góa chêng chhiⁿ-mî, hiān-kim ōe khòaⁿ-kìⁿ. | 註釋 串珠 盧俊義 讀經 原文 典藏 |
9:26 | In chiū kā i kóng, I kā lí chòe sím-mi̍h? àn-cháiⁿ-iūⁿ khui lí ê ba̍k-chiu? | 註釋 串珠 盧俊義 讀經 原文 典藏 |
9:27 | Ìn kóng, Góa í-keng kā lín kóng, lín m̄ thiaⁿ; siáⁿ-sū ài koh thiaⁿ? kiám sī lín ia̍h ài chòe I ê ha̍k-seng mah? | 註釋 串珠 盧俊義 讀經 原文 典藏 |
9:28 | In chiū mē i, kóng, Lí chiū-sī I ê ha̍k-seng; goán sī Mô͘-se ê ha̍k-seng. | 註釋 串珠 盧俊義 讀經 原文 典藏 |
9:29 | Siōng-tè ū tùi Mô͘-se kóng ōe, sī goán só͘ chai; to̍k-to̍k chit lâng, goán m̄ chai I tùi tá-lo̍h lâi. | 註釋 串珠 盧俊義 讀經 原文 典藏 |
9:30 | Hit lâng ìn kóng, Che chiū kî lah, I khui góa ê ba̍k-chiu, ia̍h lín m̄ chai I tùi tá-lo̍h lâi. | 註釋 串珠 盧俊義 讀經 原文 典藏 |
9:31 | Lán chai Siōng-tè bô thiaⁿ ū chōe ê lâng; to̍k-to̍k lâng nā kèng-pài Siōng-tè lâi kiâⁿ I ê chí-ì, I chiū thiaⁿ i. | 註釋 串珠 盧俊義 讀經 原文 典藏 |
9:32 | Tùi kó͘-chá í-lâi, bē bat thiaⁿ-kìⁿ chhut-sì chhiⁿ-mî ê, ū lâng khui i ê ba̍k-chiu. | 註釋 串珠 盧俊義 讀經 原文 典藏 |
9:33 | Chit lâng nā m̄ sī tùi Siōng-tè lâi, chiū bô só͘ ōe chòe. | 註釋 串珠 盧俊義 讀經 原文 典藏 |
9:34 | In chiū ìn i, kóng, Lí choân-jiân chhut-sì tī chōe-ok tiong, hoán-tńg kà-sī goán mah? Chiū kek i chhut. | 註釋 串珠 盧俊義 讀經 原文 典藏 |
9:35 | Iâ-so͘ thiaⁿ-kìⁿ in kek i chhut; āu-lâi chhē-tio̍h i, chiū kóng, Lí sìn Siōng-tè ê Kiáⁿ mah? | 註釋 串珠 盧俊義 讀經 原文 典藏 |
9:36 | I ìn kóng, Chú ah, I sī chī-chūi, hō͘ góa sìn I? | 註釋 串珠 盧俊義 讀經 原文 典藏 |
9:37 | Iâ-so͘ kā i kóng, Lí bat khòaⁿ-kìⁿ I, hiān-chāi kap lí kóng ōe ê, chiū-sī. | 註釋 串珠 盧俊義 讀經 原文 典藏 |
9:38 | I chiū kóng, Chú ah, góa sìn. Chiū pài I. | 註釋 串珠 盧俊義 讀經 原文 典藏 |
9:39 | Iâ-so͘ kóng, Góa in-ūi sím-phòaⁿ lîm-kàu chit sè-kan, hō͘ bōe khòaⁿ-kìⁿ ê lâng khòaⁿ-kìⁿ; iā khòaⁿ-kìⁿ ê lâng pìⁿ-chòe chhiⁿ-mî. | 註釋 串珠 盧俊義 讀經 原文 典藏 |
9:40 | Kap I saⁿ-kap tī-teh ê Hoat-lī-sài lâng thiaⁿ-kìⁿ chiah-ê ōe, chiū kā I kóng, Chóng bô goán ia̍h chhiⁿ-mî mah? | 註釋 串珠 盧俊義 讀經 原文 典藏 |
9:41 | Iâ-so͘ kā in kóng, Lín nā chhiⁿ-mî, chiū bô chōe; taⁿ lín kóng, Goán khòaⁿ-kìⁿ; chiū lín ê chōe tiāⁿ-tiāⁿ tī-teh. | 註釋 串珠 盧俊義 讀經 原文 典藏 |