章節 | 巴克禮全羅經文 | 註釋 |
7:14 | Tng choeh-kî ê tiong-chām Iâ-so͘ chiūⁿ tiān kà-sī. | 註釋 串珠 盧俊義 字典 讀經 原文 典藏 |
7:15 | Iû-thài lâng chiū kî-koài, kóng, Chit ê lâng bē ū ji̍p o̍h, tùi tá-lo̍h bat chheh? | 註釋 串珠 盧俊義 讀經 原文 典藏 |
7:16 | Iâ-so͘ chiū ìn kóng, Góa ê kà-sī m̄ sī sio̍k tī ka-kī, sī sio̍k tī chhe góa ê. | 註釋 串珠 盧俊義 讀經 原文 典藏 |
7:17 | Lâng nā goān kiâⁿ I ê chí-ì, chiū ōe chai chit ê kà-sī sī tùi Siōng-tè chhut, á-sī góa tùi ka-kī lâi kóng ê. | 註釋 串珠 盧俊義 讀經 原文 典藏 |
7:18 | Tùi ka-kī lâi kóng ê, sī kiû ka-kī ê êng-kng; to̍k-to̍k kiû chhe i ê ê êng-kng, hit ê lâng chiū-sī chin, ia̍h i ê lāi-bīn bô put-gī. | 註釋 串珠 盧俊義 讀經 原文 典藏 |
7:19 | Mô͘-se kiám bô ēng lu̍t-hoat thoân hō͘ lín mah? Nā-sī lín tiong-kan bô chi̍t lâng kiâⁿ lu̍t-hoat. Lín siáⁿ-sū ài beh thâi góa? | 註釋 串珠 盧俊義 讀經 原文 典藏 |
7:20 | Chèng lâng ìn kóng, Lí hoān-tio̍h kúi, chī-chūi ài beh thâi lí? | 註釋 串珠 盧俊義 讀經 原文 典藏 |
7:21 | Iâ-so͘ ìn kóng, Góa bat kiâⁿ chi̍t hāng sū, lín lóng lia̍h chòe kî-koài. | 註釋 串珠 盧俊義 讀經 原文 典藏 |
7:22 | In-ūi án-ni Mô͘-se ēng kat-lé thoân hō͘ lín, (kî-si̍t m̄ sī tùi Mô͘-se, sī tùi lia̍t-chó͘); ia̍h lín tī an-hioh-ji̍t kā lâng kiâⁿ kat-lé. | 註釋 串珠 盧俊義 讀經 原文 典藏 |
7:23 | Lâng nā tī an-hioh-ji̍t siū kat-lé, bián-tit ûi-ke̍h Mô͘-se ê lu̍t-hoat; chiū góa tī an-hioh-ji̍t hō͘ chi̍t lâng choân-thé lóng hó, lín in-ūi án-ni siū-khì góa mah? | 註釋 串珠 盧俊義 讀經 原文 典藏 |
7:24 | Bo̍h-tit chiàu gōa-māu lâi gí-toàn, tio̍h thàn kong-gī lâi gí-toàn. | 註釋 串珠 盧俊義 讀經 原文 典藏 |
7:25 | Tùi án-ni Iâ-lō͘-sat-léng ê lâng, ū-ê kóng, Chit-ê kiám m̄ sī in só͘ ài thâi ê mah? | 註釋 串珠 盧俊義 讀經 原文 典藏 |
7:26 | Lí khòaⁿ, I hó-táⁿ teh kóng, ia̍h bô lâng tùi I kóng sím-mi̍h. Kiám sī chiah-ê koaⁿ-hú chin-chiàⁿ chai chit-ê sī Ki-tok mah? | 註釋 串珠 盧俊義 讀經 原文 典藏 |
7:27 | Nā-sī lán bat chit ê lâng tùi tá-lo̍h lâi; m̄ kú Ki-tok lâi ê sî bô lâng chai I tùi tá-lo̍h lâi. | 註釋 串珠 盧俊義 讀經 原文 典藏 |
7:28 | Tùi án-ni Iâ-so͘ tī tiān-ni̍h kà-sī, kiò kóng, Lín bat góa, ia̍h chai góa tùi tá-lo̍h lâi; góa m̄ sī chū-choan lâi, chhe góa lâi ê sī chin-si̍t, lín m̄ bat I. | 註釋 串珠 盧俊義 字典 讀經 原文 典藏 |
7:29 | Góa bat I; in-ūi góa tùi I lâi, ia̍h I chhe góa. | 註釋 串珠 盧俊義 讀經 原文 典藏 |
7:30 | In chiū ài beh lia̍h I; chóng-sī bô lâng hē chhiú, in-ūi I ê sî iáu-bē kàu. | 註釋 串珠 盧俊義 讀經 原文 典藏 |
7:31 | Chèng lâng tiong chōe-chōe lâng sìn I, kóng, Ki-tok lâi ê sî, kiám beh kiâⁿ sîn-jiah pí chit lâng só͘ kiâⁿ ê khah chōe mah? | 註釋 串珠 盧俊義 讀經 原文 典藏 |
7:32 | Hoat-lī-sài lâng thiaⁿ-kìⁿ chèng lâng án-ni chī-bú chī-chū teh kóng I, chiū chiah-ê chè-si-thâu kap Hoat-lī-sài lâng chhe gê-ia̍h beh lia̍h I. | 註釋 串珠 盧俊義 讀經 原文 典藏 |
7:33 | Iâ-so͘ chiū kóng, Góa iáu ū tiap-á kú kap lín tī-teh, āu-lâi beh tò-khì chiū-kūn chhe góa ê. | 註釋 串珠 盧俊義 讀經 原文 典藏 |
7:34 | Lín beh chhē góa, ia̍h chhē bōe tio̍h; góa só͘ tòa ê só͘-chāi, lín bōe-ōe kàu. | 註釋 串珠 盧俊義 讀經 原文 典藏 |
7:35 | Iû-thài lâng chiū saⁿ-kap kóng, I beh tá-lo̍h khì, tì-kàu lán chhē I bōe tio̍h? kiám beh chiū-kūn Hi-lī-nî tiong sì-sòaⁿ khiā-khí ê Iû-thài lâng, lâi kà-sī Hi-lī-nî lâng mah? | 註釋 串珠 盧俊義 讀經 原文 典藏 |
7:36 | I só͘ kóng, Lín beh chhē góa bōe tio̍h; góa só͘ tòa ê só͘-chāi, lín bōe-ōe kàu; che sī sím-mi̍h ōe ah? | 註釋 串珠 盧俊義 讀經 原文 典藏 |
7:37 | Tng choeh-kî ê bé ji̍t, chiū-sī siōng tōa ê ji̍t, Iâ-so͘ khiā-teh, kiò kóng, Nā ū chhùi-ta ê lâng, tio̍h chiū-kūn góa lâi lim. | 註釋 串珠 盧俊義 讀經 原文 典藏 |
7:38 | Sìn góa ê lâng, chhin-chhiūⁿ sèng-keng só͘ kóng, ū oa̍h chúi ê khoe, beh tùi i ê pak-lāi lâu-chhut. | 註釋 串珠 盧俊義 讀經 原文 典藏 |
7:39 | I kóng án-ni sī chí sìn I ê lâng só͘ beh siū ê Sèng Sîn; hit sî bē ū siúⁿ-sù Sèng Sîn; in-ūi Iâ-so͘ bē ū tit-tio̍h êng-kng. | 註釋 串珠 盧俊義 讀經 原文 典藏 |