章節 | 巴克禮全羅經文 | 註釋 |
6:25 | Só͘-í góa kā lín kóng, Bo̍h-tit khòa-lū lín ê sìⁿ-miā beh chia̍h sím-mi̍h, beh lim sím-mi̍h, á-sī lín ê seng-khu beh chhēng sím-mi̍h. Lín ê sìⁿ-miā kiám bô khah tōa tī bí-niû, iā lín ê seng-khu kiám bô khah tōa tī i-chiûⁿ mah? | 註釋 串珠 康來昌 字典 讀經 原文 典藏 |
6:26 | Chhì-khòaⁿ thiⁿ-tiong ê pe-chiáu, bô chèng-choh, bô siu-sêng, bô chek-chū tī chhek-chhng, lín ê Thiⁿ Pē iā teh chhī in. Lín kiám bô pí hiah-ê khah kùi-khì mah? | 註釋 串珠 康來昌 字典 讀經 原文 典藏 |
6:27 | Lín sím-mi̍h lâng ōe ēng khòa-lū hō͘ sìⁿ-miā khah tn̂g chi̍t khek kú? | 註釋 串珠 康來昌 字典 讀經 原文 典藏 |
6:28 | Siáⁿ-sū ūi-tio̍h i-chiûⁿ khòa-lū ah? Chhì-siūⁿ soaⁿ-ni̍h ê pek-ha̍p-hoe, cháiⁿ-iūⁿ tōa châng; in bô tio̍h-bôa, bô pháng cheh; | 註釋 串珠 康來昌 字典 讀經 原文 典藏 |
6:29 | nā-sī góa kā lín kóng, tng Só͘-lô-bûn ke̍k hâng-ngó͘ ê sî, i só͘ chhēng ê m̄ ta̍t-tio̍h chit hō hoe ê chi̍t lúi. | 註釋 串珠 康來昌 讀經 原文 典藏 |
6:30 | Taⁿ soaⁿ-ni̍h ê chháu, kin-á-ji̍t tī-teh, bîn-á-ji̍t hiat tī hé-lô͘, Siōng-tè hō͘ i chhēng kàu án-ni, hô-hòng lín, sió-sìn ê lâng ah? | 註釋 串珠 康來昌 字典 讀經 原文 典藏 |
6:31 | Só͘-í bo̍h-tit khòa-lū kóng, Goán beh chia̍h sím-mi̍h? Beh lim sím-mi̍h? Beh chhēng sím-mi̍h? | 註釋 串珠 康來昌 讀經 原文 典藏 |
6:32 | In-ūi chiah-ê lóng sī gōa-pang lâng só͘ kiû ê; lín ê Thiⁿ Pē iā chai chiah-ê lóng sī lín khiàm-ēng ê. | 註釋 串珠 康來昌 讀經 原文 典藏 |
6:33 | To̍k-to̍k tāi-seng kiû I ê kok kap I ê gī, chiū chiah-ê mi̍h lóng beh sòa hō͘ lín. | 註釋 串珠 康來昌 讀經 原文 典藏 |
6:34 | Só͘-í bo̍h-tit ūi-tio̍h bîn-á-ji̍t khòa-lū; in-ūi hit ê bîn-á-ji̍t, i beh ka-kī khòa-lū. Chi̍t ji̍t ê kan-khó͘ tī chi̍t ji̍t kàu-gia̍h. | 註釋 串珠 康來昌 讀經 原文 典藏 |