| 章節 | 巴克禮全羅經文 | 註釋 |
| 5:17 | Ū chi̍t ji̍t Iâ-so͘ teh kà-sī lâng; ū Hoat-lī-sài lâng kap kà lu̍t-hoat ê sian-siⁿ tī hia teh chē, in sī tùi Ka-lī-lī ta̍k hiuⁿ-siā kap Iû-thài kap Iâ-lō͘-sat-léng lâi ê; Chú ê koân-lêng kap Iâ-so͘ tī-teh, hō͘ I i-hó lâng. | 註釋 串珠 讀經 原文 典藏 |
| 5:18 | Tú-tn̄g ū lâng chiong pho͘-á kng piàn-sūi ê lâi, ài beh kng ji̍p-khì hē tī I ê bīn-chêng. | 註釋 串珠 字典 讀經 原文 典藏 |
| 5:19 | In-ūi lâng chōe, chhē bô phāng thang kng ji̍p-khì; chiū chiūⁿ chhù-téng, tùi chhù-kòa tiong chiong lâng liân pho͘-á tūi-lo̍h-khì, hē tī tiong-ng, tī Iâ-so͘ ê bīn-chêng. | 註釋 串珠 字典 讀經 原文 典藏 |
| 5:20 | Iâ-so͘ khòaⁿ-kìⁿ in ê sìn chiū kóng, Bó͘ lâng ah, lí ê chōe sià lah. | 註釋 串珠 讀經 原文 典藏 |
| 5:21 | Keng-ha̍k-sū kap Hoat-lī-sài lâng chiū gī-lūn kóng, Chit ê kóng chhiàm-koân lām-sám ê ōe ê sī chī-chūi ah? Siōng-tè í-gōa, chī-chūi ōe sià-chōe ah? | 註釋 串珠 讀經 原文 典藏 |
| 5:22 | Iâ-so͘ chai in ê gī-lūn, chiū ìn kóng, Lín sim-lāi teh gī-lūn sím-mi̍h ah? | 註釋 串珠 讀經 原文 典藏 |
| 5:23 | Kóng, Lí ê chōe sià á-sī kóng, Lí khí-lâi kiâⁿ, tá-lo̍h chi̍t hāng khah khoài? | 註釋 串珠 讀經 原文 典藏 |
| 5:24 | Chóng-sī beh hō͘ lín chai Jîn-chú tī tōe-ni̍h ū koân thang sià-bián chōe, (chiū kā piàn-sūi ê kóng), Góa kā lí kóng, Khí-lâi, giâ lí ê pho͘-á tò-khì lí ê chhù. | 註釋 串珠 字典 讀經 原文 典藏 |
| 5:25 | Hit lâng tī chèng lâng ê bīn-chêng chek-sî khí-lâi, giâ i só͘ khùn ê, tò-khì i ê chhù, kui êng-kng Siōng-tè. | 註釋 串珠 讀經 原文 典藏 |
| 5:26 | Chèng lâng lóng gông-ngia̍h, iā kui êng-kng Siōng-tè; koh móa-sim kiaⁿ-hiâⁿ kóng, Lán kin-á-ji̍t khòaⁿ-kìⁿ ì-gōa ê sū. | 註釋 串珠 讀經 原文 典藏 |