章節 | 巴克禮全羅經文 | 註釋 |
4:46 | Iâ-so͘ koh kàu Ka-lī-lī ê Ka-ná, chiū-sī I ēng chúi piàn chiú ê só͘-chāi. Ū ông ê jîn-sîn, i ê kiáⁿ phòa-pīⁿ tī Ka-pek-lông. | 註釋 串珠 盧俊義 字典 讀經 原文 典藏 |
4:47 | Thiaⁿ-kìⁿ Iâ-so͘ tùi Iû-thài kàu Ka-lī-lī, chiū khì chiū-kūn I, kiû I lo̍h-khì i-tī i ê kiáⁿ; in-ūi teh-beh sí lah. | 註釋 串珠 盧俊義 讀經 原文 典藏 |
4:48 | Iâ-so͘ tùi i kóng, Nā bô khòaⁿ-kìⁿ sîn-jiah kî-sū, lín tek-khak m̄ sìn. | 註釋 串珠 盧俊義 讀經 原文 典藏 |
4:49 | Ông ê jîn-sîn tùi I kóng, Chú ah, thàn góa ê sòe-kiáⁿ iáu-bē sí, lo̍h-lâi-khì. | 註釋 串珠 盧俊義 讀經 原文 典藏 |
4:50 | Iâ-so͘ kā i kóng, Khì ah, lí ê kiáⁿ oa̍h lah. Hit lâng sìn Iâ-so͘ kā i kóng ê ōe, chiū khì. | 註釋 串珠 盧俊義 讀經 原文 典藏 |
4:51 | Tú-tú lo̍h-khì ê sî, i ê lô͘-po̍k kúi-nā lâng tú-tio̍h i, kā i kóng i ê kiáⁿ oa̍h lah. | 註釋 串珠 盧俊義 讀經 原文 典藏 |
4:52 | Chiū mn̄g in, Sím-mi̍h sî chiah khah hó? In chiū kā i kóng, Chā-ji̍t-tàu chi̍t tiám cheng jia̍t thè. | 註釋 串珠 盧俊義 讀經 原文 典藏 |
4:53 | Lāu-pē chai hit sî tú-tú sī Iâ-so͘ kóng, Lí ê kiáⁿ oa̍h lah, ê sî; i ka-kī kap choân-ke chiū lóng sìn. | 註釋 串珠 盧俊義 讀經 原文 典藏 |
4:54 | Chit ê tē jī pái ê sîn-jiah, sī Iâ-so͘ tùi Iû-thài kàu Ka-lī-lī í-āu só͘ kiâⁿ ê. | 註釋 串珠 盧俊義 讀經 原文 典藏 |