章節 | 巴克禮全羅經文 | 註釋 |
3:1 | Ū chi̍t ê Hoat-lī-sài lâng, miâ Nî-ko-tí-bó͘, sī Iû-thài lâng ê koaⁿ; | 註釋 串珠 盧俊義 讀經 原文 典藏 |
3:2 | mî-sî lâi chiū-kūn Iâ-so͘, tùi I kóng, Lia̍p-pí, goán chai lí chòe sian-siⁿ, sī tùi Siōng-tè lâi ê; in-ūi nā m̄ sī Siōng-tè kap i tī-teh, chiū bô lâng ōe kiâⁿ lí só͘ kiâⁿ chiah-ê sîn-jiah. | 註釋 串珠 盧俊義 讀經 原文 典藏 |
3:3 | Iâ-so͘ ìn i, kóng, Góa si̍t-si̍t kā lí kóng, Lâng nā bô têng-thâu siⁿ, chiū bōe-ōe khòaⁿ-kìⁿ Siōng-tè ê kok. | 註釋 串珠 盧俊義 讀經 原文 典藏 |
3:4 | Nî-ko-tí-bó͘ tùi I kóng, Lâng í-keng lāu, cháiⁿ-iūⁿ ōe têng-thâu siⁿ? kiám ōe koh ji̍p lāu-bú ê pak-tó͘ lâi siⁿ mah? | 註釋 串珠 盧俊義 讀經 原文 典藏 |
3:5 | Iâ-so͘ ìn kóng, Góa si̍t-si̍t kā lí kóng, Lâng nā bô tùi chúi tùi Sèng Sîn lâi siⁿ, chiū bōe-ōe ji̍p Siōng-tè ê kok. | 註釋 串珠 盧俊義 讀經 原文 典藏 |
3:6 | Tùi jio̍k-thé siⁿ ê sī jio̍k-thé; tùi Sîn siⁿ ê sī sîn. | 註釋 串珠 盧俊義 讀經 原文 典藏 |
3:7 | Góa kóng, Lín tek-khak tio̍h têng-thâu siⁿ, lí bo̍h-tit lia̍h chòe kî-koài. | 註釋 串珠 盧俊義 讀經 原文 典藏 |
3:8 | Hong chhut-chāi ì-sù lâi chhe, lí thiaⁿ-kìⁿ i ê siaⁿ, m̄ chai i tùi tá-lo̍h lâi, tá-lo̍h khì; kìⁿ-nā tùi Sîn siⁿ ê ia̍h sī án-ni. | 註釋 串珠 盧俊義 讀經 原文 典藏 |
3:9 | Nî-ko-tí-bó͘ ìn I kóng, Cháiⁿ-iūⁿ ōe án-ni ah? | 註釋 串珠 盧俊義 讀經 原文 典藏 |
3:10 | Iâ-so͘ ìn i kóng, Lí chòe Í-sek-lia̍t ê sian-siⁿ, iā m̄ chai che mah? | 註釋 串珠 盧俊義 讀經 原文 典藏 |
3:11 | Góa si̍t-si̍t kā lí kóng, Goán sī kóng goán só͘ chai ê, kan-chèng goán só͘ khòaⁿ-kìⁿ ê; nā-sī lín m̄ chiap-la̍p goán ê kan-chèng. | 註釋 串珠 盧俊義 讀經 原文 典藏 |
3:12 | Góa kā lín kóng tōe-chiūⁿ ê sū, lín siōng-chhiáⁿ m̄ sìn; nā kā lín kóng thiⁿ-téng ê sū, lín thái beh sìn? | 註釋 串珠 盧俊義 讀經 原文 典藏 |
3:13 | Bô lâng bat chiūⁿ thiⁿ; chí ū tī thiⁿ-ni̍h ê Jîn-chú, tùi thiⁿ kàng-lo̍h ê nā-tiāⁿ. | 註釋 串珠 盧俊義 讀經 原文 典藏 |
3:14 | Koh chhin-chhiūⁿ Mô͘-se kú-khí chôa tī khòng-iá, Jîn-chú ia̍h tek-khak tio̍h án-ni siū kú-khí; | 註釋 串珠 盧俊義 字典 讀經 原文 典藏 |
3:15 | hō͘ kìⁿ-nā sìn ê lâng tiàm tī I ū éng-oa̍h. | 註釋 串珠 盧俊義 讀經 原文 典藏 |
3:16 | In-ūi Siōng-tè chiong to̍k-siⁿ ê Kiáⁿ siúⁿ-sù sè-kan, hō͘ kìⁿ-nā sìn I ê lâng bōe tîm-lûn, ōe tit-tio̍h éng-oa̍h; I thiàⁿ sè-kan kàu án-ni. | 註釋 串珠 盧俊義 讀經 原文 典藏 |
3:17 | In-ūi Siōng-tè chhe Kiáⁿ ji̍p sè-kan, m̄ sī beh sím-phòaⁿ sè-kan; sī beh hō͘ sè-kan tùi I tit-tio̍h kiù. | 註釋 串珠 盧俊義 讀經 原文 典藏 |
3:18 | Sìn I ê lâng bô siū sím-phòaⁿ; m̄ sìn ê lâng í-keng siū sím-phòaⁿ, in-ūi i m̄ sìn Siōng-tè to̍k-siⁿ Kiáⁿ ê miâ. | 註釋 串珠 盧俊義 讀經 原文 典藏 |
3:19 | Só͘ sím-phòaⁿ ê, chiū-sī kng ji̍p sè-kan, ia̍h lâng ài àm khah kè-thâu tī kng, in-ūi i só͘ kiâⁿ sī pháiⁿ. | 註釋 串珠 盧俊義 讀經 原文 典藏 |
3:20 | Kìⁿ-nā chòe pháiⁿ ê, oàn-hūn kng ia̍h m̄ chiū-kūn kng, kiaⁿ-liáu i ê só͘ kiâⁿ siū chek-pī. | 註釋 串珠 盧俊義 讀經 原文 典藏 |
3:21 | To̍k-to̍k kiâⁿ chin-lí ê lâng chiū-kūn kng, lâi hián-bêng i ê só͘ kiâⁿ sī tī Siōng-tè lâi kiâⁿ. | 註釋 串珠 盧俊義 讀經 原文 典藏 |