章節 | 巴克禮全羅經文 | 註釋 |
2:1 | Kè kúi-nā ji̍t Iâ-so͘ koh ji̍p Ka-pek-lông; | 註釋 串珠 康來昌 讀經 原文 典藏 |
2:2 | lâng thiaⁿ-kìⁿ I tī chhù-lāi chiū chōe-chōe lâng chū-chi̍p tì-kàu bô khàng-tōe, liân mn̂g-kháu iā bô; I chiū kóng tō-lí hō͘ in thiaⁿ. | 註釋 串珠 康來昌 字典 讀經 原文 典藏 |
2:3 | Ū tòa chi̍t ê piàn-sūi ê chiū-kūn I, sī sì lâng kng i lâi. | 註釋 串珠 康來昌 讀經 原文 典藏 |
2:4 | In-ūi lâng chōe, bōe-ōe kūn-óa, chiū tī Iâ-so͘ tiàm ê só͘-chāi, thiah chhù-téng hō͘ i kui khang; chiū chiong piàn-sūi ê tó tī pho͘-á tūi-lo̍h-khì. | 註釋 串珠 康來昌 異文 字典 讀經 原文 典藏 |
2:5 | Iâ-so͘ khòaⁿ-kìⁿ in ê sìn, chiū kā piàn-sūi ê kóng, Sòe-kiáⁿ, lí ê chōe sià-bián lah. | 註釋 串珠 康來昌 異文 讀經 原文 典藏 |
2:6 | Ū kúi-nā ê keng-ha̍k-sū chē tī hia, sim-lāi gī-lūn kóng, Chit ê lâng cháiⁿ-iūⁿ án-ni kóng ah? | 註釋 串珠 康來昌 讀經 原文 典藏 |
2:7 | I sī chhiàm-koân lām-sám; tû Siōng-tè í-gōa, chī-chūi ōe sià-bián chōe ah? | 註釋 串珠 康來昌 讀經 原文 典藏 |
2:8 | Iâ-so͘ sim-lāi liâm-piⁿ chai in ū chit hō ê gī-lūn, chiū kā in kóng, Lín siáⁿ-sū tī sim-lāi gī-lūn chiah-ê ah? | 註釋 串珠 康來昌 讀經 原文 典藏 |
2:9 | Kā piàn-sūi ê kóng, Lí ê chōe sià lah, á-sī kóng, Khí-lâi, giâ lí ê pho͘-á lâi kiâⁿ, tá-lo̍h chi̍t hāng khah khoài? | 註釋 串珠 康來昌 異文 字典 讀經 原文 典藏 |
2:10 | To̍k-to̍k beh hō͘ lín chai Jîn-chú tī tōe-ni̍h ū koân thang sià chōe, (chiū kā piàn-sūi ê kóng), | 註釋 串珠 康來昌 讀經 原文 典藏 |
2:11 | Góa kā lí kóng, Khí-lâi, giâ lí ê pho͘-á tò-khì lí ê chhù. | 註釋 串珠 康來昌 字典 讀經 原文 典藏 |
2:12 | I chiū khí-lâi, tī chèng lâng ê bīn-chêng sûi-sî giâ i ê pho͘-á chhut-khì; tì-kàu chèng lâng lóng gông-ngia̍h, kui êng-kng Siōng-tè kóng, Goán chiông-lâi bē bat khòaⁿ-kìⁿ án-ni-siⁿ. | 註釋 串珠 康來昌 字典 讀經 原文 典藏 |