章節 | 巴克禮全羅經文 | 註釋 |
16:1 | An-hioh-ji̍t í-keng kè-sin, Boa̍t-tāi-lia̍p ê Má-lī-a kap Ngá-kok ê lāu-bú Má-lī-a, kap Sat-lô-bí, ū bóe hiuⁿ-liāu, beh lâi boah Iâ-so͘. | 註釋 串珠 康來昌 異文 字典 讀經 原文 典藏 |
16:2 | Chhit-ji̍t thâu chi̍t ji̍t, chin chá, ji̍t tú-á chhut, in kàu bōng; | 註釋 串珠 康來昌 異文 字典 讀經 原文 典藏 |
16:3 | saⁿ-kap kóng, Chī-chūi-á beh thòe lán kō hit tè chio̍h lī-khui bōng-mn̂g ah? | 註釋 串珠 康來昌 字典 讀經 原文 典藏 |
16:4 | Kia̍h ba̍k chiū khòaⁿ-kìⁿ hit tè chio̍h í-keng kō khui; in-ūi sī chin tōa tè. | 註釋 串珠 康來昌 字典 讀經 原文 典藏 |
16:5 | Ji̍p bōng, khòaⁿ-kìⁿ chi̍t ê siàu-liân lâng chē tī chiàⁿ-pêng, chhēng pe̍h saⁿ; chiū gông-ngia̍h. | 註釋 串珠 康來昌 字典 讀經 原文 典藏 |
16:6 | Siàu-liân lâng kā in kóng, M̄ bián gông-ngia̍h, lín sī chhē tèng si̍p-jī-kè ê Ná-sat-le̍k lâng Iâ-so͘. I í-keng koh-oa̍h, bô tī chia; lí khòaⁿ, I bâi-chòng ê só͘-chāi. | 註釋 串珠 康來昌 字典 讀經 原文 典藏 |
16:7 | Taⁿ tio̍h khì, kā I ê ha̍k-seng kap Pí-tek kóng, I tāi-seng lín khì Ka-lī-lī; lín tī hia beh khòaⁿ-kìⁿ I, chiàu I só͘ kā lín kóng ê. | 註釋 串珠 康來昌 讀經 原文 典藏 |
16:8 | Chiah-ê hū-jîn-lâng chhut-khì lī-khui bōng, chiū cháu, in-ūi ngia̍uh-ngia̍uh-chhoah gông-ngia̍h; iā bô kā lâng kóng sím-mi̍h, in-ūi in chin kiaⁿ. | 註釋 串珠 康來昌 異文 字典 讀經 原文 典藏 |