章節 | 巴克禮全羅經文 | 註釋 |
15:1 | Chèng thiu-hiòng ê kap pháiⁿ lâng teh chiū-kūn Iâ-so͘ lâi thiaⁿ I. | 註釋 串珠 讀經 原文 典藏 |
15:2 | Hoat-lī-sài lâng kap keng-ha̍k-sū nga̍uh-nga̍uh-liām kóng, Chit ê lâng chiap-la̍p pháiⁿ lâng, sòa kap in chia̍h. | 註釋 串珠 讀經 原文 典藏 |
15:3 | Iâ-so͘ siat chit ê phì-jū tùi in kóng, | 註釋 串珠 讀經 原文 典藏 |
15:4 | Lín tiong-kan sím-mi̍h lâng ū chi̍t-pah chiah iûⁿ, sit-lo̍h chi̍t chiah, kiám bô chhiáⁿ pàng káu-cha̍p-káu chiah tī soaⁿ-ni̍h, khì chhē só͘ sit-lo̍h ê kàu tit-tio̍h mah? | 註釋 串珠 字典 讀經 原文 典藏 |
15:5 | Í-keng chhē-tio̍h chiū hoaⁿ-hí, pē i tī keng-thâu téng. | 註釋 串珠 讀經 原文 典藏 |
15:6 | Kàu chhù chiū chū-chi̍p i ê pêng-iú chhù-piⁿ, kā in kóng, Tio̍h kap góa hoaⁿ-hí, in-ūi só͘ sit-lo̍h ê iûⁿ góa í-keng chhē-tio̍h. | 註釋 串珠 字典 讀經 原文 典藏 |
15:7 | Góa kā lín kóng, Pháiⁿ lâng tiong ū chi̍t lâng hoán-hóe, chiū tī thiⁿ-ni̍h iā beh án-ni ūi-tio̍h i hoaⁿ-hí, pí ūi-tio̍h káu-cha̍p-káu ê gī lâng m̄ bián hoán-hóe ê, koh khah hoaⁿ-hí. | 註釋 串珠 讀經 原文 典藏 |