章節 | 巴克禮全羅經文 | 註釋 |
15:1 | Hit sî ū Hoat-lī-sài lâng kap keng-ha̍k-sū, tùi Iâ-lō͘-sat-léng lâi chiū-kūn Iâ-so͘, kóng, | 註釋 串珠 康來昌 讀經 原文 典藏 |
15:2 | Lí ê ha̍k-seng siáⁿ-sū hoān-tio̍h kó͘-chá lâng ê liû-thoân? in-ūi chia̍h ê sî in bô sóe chhiú. | 註釋 串珠 康來昌 讀經 原文 典藏 |
15:3 | I chiū ìn kóng, Siáⁿ-sū lín ia̍h tùi lín ê liû-thoân lâi hoān-tio̍h Siōng-tè ê bēng-lēng ah? | 註釋 串珠 康來昌 讀經 原文 典藏 |
15:4 | In-ūi Siōng-tè kóng, Tio̍h kèng lín ê pē, lín ê bú; koh ū kóng, Mē pē á-sī mē bú ê, tek-khak tio̍h hō͘ i sí. | 註釋 串珠 康來昌 讀經 原文 典藏 |
15:5 | Nā-sī lín chiū kóng, Kìⁿ-nā lâng tùi pē á-sī bú kóng, | 註釋 串珠 康來昌 讀經 原文 典藏 |
15:6 | Lí pún só͘ ōe thang tùi góa tit-tio̍h ê lī-ek, í-keng hiàn-khì; hit lâng chiū koat-toàn bô kèng i ê pē. Lín chiū tùi lín ê liû-thoân í-keng hòe Siōng-tè ê tō-lí. | 註釋 串珠 康來昌 讀經 原文 典藏 |
15:7 | Ké-hó ê lâng ah, Í-sài-a chí lín lâi chhàm-gú ê chin-chiàⁿ tio̍h; i kóng, | 註釋 串珠 康來昌 讀經 原文 典藏 |
15:8 | Chit ê peh-sìⁿ ēng chhùi-tûn chun-kèng góa; Nā-sī in ê sim lī-khui góa hn̄g-hn̄g. | C註釋 註釋 串珠 康來昌 讀經 原文 典藏 |
15:9 | In kèng-pài góa sī khang-khang, In-ūi in ēng lâng só͘ bēng-lēng ê chòe kà-sī lâi kà-sī lâng. | 註釋 串珠 康來昌 讀經 原文 典藏 |
15:10 | Chiū kiò chèng lâng lâi, kā in kóng, Lín tio̍h thiaⁿ lâi hiáu-ngō͘. | 註釋 串珠 康來昌 讀經 原文 典藏 |
15:11 | M̄ sī tùi chhùi ji̍p-ê ōe hō͘ lâng ù-òe; chiū-sī tùi chhùi chhut-ê, chit-ê ōe hō͘ lâng ù-òe. | 註釋 串珠 康來昌 讀經 原文 典藏 |
15:12 | Hit sî ha̍k-seng chiū-kūn lâi kā I kóng, Hoat-lī-sài lâng thiaⁿ-kìⁿ chit ê ōe, chin m̄ goān, lí chai mah? | 註釋 串珠 康來昌 讀經 原文 典藏 |
15:13 | I ìn kóng, Kìⁿ-nā chai-chèng ê mi̍h m̄ sī góa ê Thiⁿ Pē só͘ chai-chèng ê, beh pu̍ih i ê kun. | 註釋 串珠 康來昌 讀經 原文 典藏 |
15:14 | Chhut-chāi in; in sī chhiⁿ-mî teh chhōa lō͘ ê. Nā sī chhiⁿ-mî kā chhiⁿ-mî ê chhōa lō͘, nn̄g ê teh-beh poa̍h-lo̍h hām-khiⁿ. | 註釋 串珠 康來昌 讀經 原文 典藏 |
15:15 | Pí-tek ìn I kóng, Chit ê phì-jū, chhiáⁿ kā goán kóe-bêng. | 註釋 串珠 康來昌 讀經 原文 典藏 |
15:16 | I chiū kóng, Lín ia̍h iáu-kú bē hiáu-ngō͘ mah? | 註釋 串珠 康來昌 讀經 原文 典藏 |
15:17 | Kiám bōe hiáu-tit, kìⁿ-nā tùi chhùi ji̍p ê, lo̍h tī pak-tó͘, lâi pàng tī chhè-tî ah? | 註釋 串珠 康來昌 讀經 原文 典藏 |
15:18 | Nā-sī tùi chhùi chhut ê; sī tùi sim-lāi hoat-chhut; chiah-ê hō͘ lâng ù-òe. | 註釋 串珠 康來昌 讀經 原文 典藏 |
15:19 | In-ūi tùi sim hoat-chhut pháiⁿ liām-thâu, hêng-hiong, kan-îm, su-thong, thau-the̍h, lām-sám kan-chèng, pòng-to̍k; | 註釋 串珠 康來昌 讀經 原文 典藏 |
15:20 | chiah-ê sī hō͘ lâng ù-òe; nā-sī bô sóe chhiú lâi chia̍h, bōe hō͘ lâng ù-òe. | 註釋 串珠 康來昌 讀經 原文 典藏 |