章節 | 巴克禮全羅經文 | 註釋 |
1:39 | Tī chiah-ê ji̍t ê tiong-kan Má-lī-a khí-sin, kóaⁿ-kín khì soaⁿ-tōe, kàu Iû-thài chi̍t ê siâⁿ, | 註釋 串珠 讀經 原文 典藏 |
1:40 | ji̍p Sat-ka-lī-a ê chhù, chhéng-an Í-lī-sa-pek. | 註釋 串珠 讀經 原文 典藏 |
1:41 | Í-lī-sa-pek chi̍t-ē thiaⁿ-kìⁿ Má-lī-a chhéng-an, thai-īn tī pak-tó͘ lāi chiū tiô-thiàu. Í-lī-sa-pek hō͘ Sèng Sîn chhiong-móa, | 註釋 串珠 讀經 原文 典藏 |
1:42 | chiū tōa siaⁿ kóng, Chèng hū-jîn-lâng ê tiong-kan lí tit-tio̍h hok-khì, lí só͘ hoâi-īn ê iā tit-tio̍h hok-khì. | 註釋 串珠 讀經 原文 典藏 |
1:43 | Góa ê Chú ê lāu-bú lâi chiū-kūn góa, góa tùi tá-lo̍h ōe tit-tio̍h án-ni ah? | 註釋 串珠 讀經 原文 典藏 |
1:44 | In-ūi lí chhéng-an ê siaⁿ chi̍t-ē ji̍p góa ê hī-khang, tī góa pak-tó͘ lāi ê thai chiū hoaⁿ-hí lâi tiô-thiàu. | 註釋 串珠 讀經 原文 典藏 |
1:45 | Sìn ê hū-jîn-lâng ū hok-khì ah, in-ūi Chú só͘ kā i kóng ê ōe beh èng-giām. | 註釋 串珠 讀經 原文 典藏 |
1:46 | Má-lī-a kóng, Góa ê sim chun-kèng Chú chòe tōa, | 註釋 串珠 讀經 原文 典藏 |
1:47 | Góa ê sîn in-ūi kiù góa ê Siōng-tè lâi hoaⁿ-hí. | 註釋 串珠 讀經 原文 典藏 |
1:48 | In-ūi I khòaⁿ-kò͘ lú-pī ê pi-bî; Tùi taⁿ í-āu bān sè-tāi beh kóng góa ū hok-khì. | 註釋 串珠 讀經 原文 典藏 |
1:49 | In-ūi hit ê ū koân-lêng ê ūi-tio̍h góa chòe tōa ê tāi-chì, I ê miâ sī sèng. | 註釋 串珠 讀經 原文 典藏 |
1:50 | Kèng-ùi I ê lâng I lîn-bín in, Kàu tāi-tāi. | 註釋 串珠 讀經 原文 典藏 |
1:51 | I bat ēng I ê chhiú chhut khùi-la̍t, Sim-chì kiau-ngō͘ ê lâng I ū kóaⁿ-sòaⁿ in. | 註釋 串珠 讀經 原文 典藏 |
1:52 | Ū koân-lêng ê lâng, I lut in ê ūi, Pi-bî ê lâng, I seng in chòe koâiⁿ. | 註釋 串珠 字典 讀經 原文 典藏 |
1:53 | Iau ê lâng I ēng hó mi̍h hō͘ in chia̍h kàu pá, Pù ê lâng, I hō͘ in khang-khang tò-khì. | 註釋 串珠 讀經 原文 典藏 |
1:54 | I hû-chō͘ I ê lô͘-po̍k Í-sek-lia̍t, Lâi kì-liām lîn-bín, | 註釋 串珠 讀經 原文 典藏 |
1:55 | (Chiàu I tùi lán ê chó͘ só͘ kóng ê ōe), Lâi si-lo̍h hō͘ A-pek-la̍h-hán kap i ê hō͘-è kàu éng sè-tāi. | 註釋 串珠 讀經 原文 典藏 |
1:56 | Má-lī-a kap i saⁿ-kap tòa iok-lio̍k ū saⁿ ge̍h ji̍t, chiah tò-khì in tau. | 註釋 串珠 讀經 原文 典藏 |