| 章節 | 紅皮聖經全羅經文 | 註釋 |
| 1:1 | Iâ-so͘ Ki-tok ê Cho̍k-phó͘(Lk 3:23-38)Che sī Iâ-so͘ Ki-tok ê cho̍k-phó͘. Iâ-so͘ sī Tāi-pi̍t ê kiáⁿ-sun, Tāi-pi̍t sī A-pek-la̍h-hán ê kiáⁿ-sun. | 註釋 串珠 康來昌 字典 原文 典藏 |
| 1:2 | A-pek-la̍h-hán seⁿ Í-sat; Í-sat seⁿ Ngá-kok; Ngá-kok seⁿ Iû-tāi kap i ê hiaⁿ-tī; | 註釋 串珠 康來昌 原文 典藏 |
| 1:3 | Iû-tāi seⁿ Hoat-le̍k-su kap Sat-la̍h (in ê lāu-bó sī Tāi-má); Hoat-le̍k-su seⁿ Í-sū-lûn; Í-sū-lûn seⁿ A-lân; | 註釋 串珠 康來昌 原文 典藏 |
| 1:4 | A-lân seⁿ A-bí-ná-ta̍t; A-bí-ná-ta̍t seⁿ Ná-sūn; Ná-sūn seⁿ Sat-bûn; | 註釋 串珠 康來昌 原文 典藏 |
| 1:5 | Sat-bûn seⁿ Pho-sū (Pho-sū ê lāu-bó sī Lat-ha̍p); Pho-sū seⁿ O-pek (O-pek ê lāu-bó sī Lō͘-tek); O-pek seⁿ Iâ-se; | 註釋 串珠 康來昌 原文 典藏 |
| 1:6 | Iâ-se seⁿ Tāi-pi̍t Ông.
Tāi-pi̍t seⁿ Só͘-lô-bûn (Só͘-lô-bûn ê lāu-bó, í-chêng sī O͘-lī-a ê bó͘); | 註釋 串珠 康來昌 原文 典藏 |
| 1:7 | Só͘-lô-bûn seⁿ Lô-pho-àm; Lô-pho-àm seⁿ A-pí-a; A-pí-a seⁿ A-sat; | 註釋 串珠 康來昌 原文 典藏 |
| 1:8 | A-sat seⁿ Iok-sa-hoat; Iok-sa-hoat seⁿ Iok-lân; Iok-lân seⁿ O͘-se-a; | 註釋 串珠 康來昌 原文 典藏 |
| 1:9 | O͘-se-a seⁿ Iok-tàn; Iok-tàn seⁿ A-khap-sū; A-khap-sū seⁿ Hi-se-ka; | 註釋 串珠 康來昌 原文 典藏 |
| 1:10 | Hi-se-ka seⁿ Má-ná-se; Má-ná-se seⁿ A-bûn; A-bûn seⁿ Iok-se-a; | 註釋 串珠 康來昌 原文 典藏 |
| 1:11 | Í-sek-liat bîn-cho̍k hō͘ lâng lia̍h-khì Pa-pí-lûn ê sî, Iok-se-a seⁿ Iâ-ko-nî-a kap i ê hiaⁿ-tī.
| 註釋 串珠 康來昌 原文 典藏 |
| 1:12 | Í-sek-lia̍t bîn-cho̍k hō͘ lâng lia̍h-khì Pa-pí-lûn liáu-āu, Iâ-ko-nî-a seⁿ Sat-lia̍p-thiat; Sat-lia̍p-thiat seⁿ Só͘-lô-pá-pek; | 註釋 串珠 康來昌 原文 典藏 |
| 1:13 | Só͘-lô-pá-pek seⁿ A-pí-ut; A-pí-ut seⁿ Í-lī-a-kim; Í-lī-a-kim seⁿ A-só͘; | 註釋 串珠 康來昌 原文 典藏 |
| 1:14 | A-só͘ seⁿ Sat-to̍k; Sat-to̍k seⁿ A-kim; A-kim seⁿ Í-lu̍t; | 註釋 串珠 康來昌 原文 典藏 |
| 1:15 | Í-lu̍t seⁿ Í-lī-a-sat; Í-lī-a-sat seⁿ Má-tàn; Má-tàn seⁿ Ngá-kok; | 註釋 串珠 康來昌 原文 典藏 |
| 1:16 | Ngá-kok seⁿ Má-lī-a ê tiōng-hu Iok-sek. Má-lī-a sī Iâ-so͘ ê lāu-bó. Chit ê Iâ-so͘ hō͘ lâng chheng-ho͘ chò Bí-sài-a.
| 註釋 串珠 康來昌 原文 典藏 |
| 1:17 | Án-ne tùi A-pek-la̍h-hán kàu Tāi-pi̍t, lóng-chóng ū cha̍p-sì tāi, tùi Tāi-pi̍t kàu Í-sek-lia̍t bîn-cho̍k hō͘ lâng lia̍h-khì Pa-pí-lûn, iā ū cha̍p-sì tāi, tùi Í-sek-lia̍t bîn-cho̍k hō͘ lâng lia̍h-khì Pa-pí-lûn kàu Bí-sài-a ê tàn-seng iā ū cha̍p-sì tāi.
| 註釋 串珠 康來昌 原文 典藏 |
| 1:18 | Iâ-so͘ Ki-tok ê Tàn-seng(Lk 2:1-7)Iâ-so͘ Ki-tok tàn-seng ê chêng-hêng sī án-ne. I ê lāu-bó Má-lī-a kap Iok-sek tēng-hun, tān-sī in iáu-bōe kiat-hun í-chêng, Sèng Lêng chiū hō͘ Má-lī-a hoâi-īn. | 註釋 串珠 康來昌 原文 典藏 |
| 1:19 | I ê bī-hun-hu Iok-sek sī chi̍t ê gī-jîn, bô ài hián-jiân hō͘ i kiàn-siàu, siūⁿ boeh àm-tiong kā i hòe-chhin. | 註釋 串珠 康來昌 原文 典藏 |
| 1:20 | I tú-teh khó-lī chit hāng tāi-chì ê sî, Chú ê thian-sài tī bāng-tiong hián-hiān lâi kā i kóng: “Tāi-pi̍t ê kiáⁿ-sun Iok-sek à, m̄-bián kiaⁿ chhōa Má-lī-a chò lí ê bó͘, in-ūi i sī Sèng Lêng hō͘ i hoai-īn ê. | 註釋 串珠 康來昌 原文 典藏 |
| 1:21 | I ē seⁿ cha-po͘-kiáⁿ. Lí tio̍h kā I hō-miâ kiò-chò Iâ-so͘, in-ūi I ē kiù I ê peh-sèⁿ thoat-lī in ê chōe-ok.”
| 註釋 串珠 康來昌 原文 典藏 |
| 1:22 | Che it-chhè ê tāi-chì, lóng sī boeh èng-giām Chú thok tāi-giân-jîn só͘ kóng ê ōe, kóng:
| 註釋 串珠 康來昌 原文 典藏 |
| 1:23 | “Lí khòaⁿ! Ū chi̍t ūi chāi-sek-lí ē hoâi-īn seⁿ chi̍t ê cha-po͘-kiáⁿ; lâng ē kiò I chò Í-má-lōe-lī.” — (ì-sù chiū-sī kóng: “Siōng-chú kap lán tông-chāi.”)
| 註釋 串珠 康來昌 原文 典藏 |
| 1:24 | Iok-sek chhéⁿ khí-lâi liáu-āu, chun-chiàu Chú ê thian-sài ê bēng-lēng khì chhōa Má-lī-a chò bó͘. | 註釋 串珠 康來昌 原文 典藏 |
| 1:25 | Tān-sī chit ê cha-po͘-kiáⁿ chhut-sì í-chêng, Iok-sek kap Má-lī-a lóng bô jio̍k-thé ê koan-hē. Iok-sek chiū kā I hō-miâ kiò-chò Iâ-so͘.
| 註釋 串珠 康來昌 原文 典藏 |