聖經閱讀

查字典本章地圖影像 [ 條列 | 表格 | 整段 ] 繁簡語態度量衡其他閱讀計畫

新版查詢或移至：說明

約翰福音四福音合參線上收聽:中文和合本現代中文譯本修訂版現代台語台語聖經台語(長老會傳播中心授權）客語現代客語福州話粵語和合本希臘文(WH-NT) 下載檔案關於語音聖經

章節	現代台語2021版全羅經文	現代台語2013版全羅經文	紅皮聖經全羅經文	巴克禮全羅經文	全民台語聖經全羅經文	註釋
3:1	Iâ-so͘ kap Nî-ko-tek-bō͘ Ū chi̍t ê Hoat-lī-sài-phài ê lâng miâ kiò-chòe Nî-ko-tek-bō͘, sī Iû-thài-lâng ê léng-tō-chiá.	Iâ-so͘ kap Nî-ko-tek-bō͘ Ū chi̍t ê Hoat-lī-sài-phài ê lâng miâ kiò Nî-ko-tek-bō͘, sī Iû-thài-lâng ê léng-tō-chiá.	Iâ-so͘ kap Nî-ko-tí-bó͘ Ū chi̍t ê Hoat-lī-sài-phài ê lâng, kiò-chò Nî-ko-tí-bó͘, sī Iû-thài-lâng ê léng-tō-chiá.	Ū chi̍t ê Hoat-lī-sài lâng, miâ Nî-ko-tí-bó͘, sī Iû-thài lâng ê koaⁿ;	I-é-su kah Nî-ko-té-mô͘ Ū chi̍t-ê Hoa-lí-sái phài ê lâng, miâ kiò-chò Ne-ko té bó, sī Iô-tá-iah lâng ê koaⁿ.	註釋串珠盧俊義讀經原文典藏
3:2	Ū chi̍t àm, chit-ê lâng lâi kìⁿ Iâ-so͘, kóng, “Lia̍p-pí, goán chai lí sī Siōng-tè chhe--lâi ê kàu-su. Nā m̄-sī Siōng-tè tông-chāi, bô lâng ōe-tàng kiâⁿ lí só͘ kiâⁿ chiah-ê sîn-jiah.”	Ū chi̍t àm, chit-ê lâng lâi kìⁿ Iâ-so͘, kóng, “Lia̍p-pí, goán chai lí sī Siōng-tè chhe lâi ê kàu-su. Nā m̄-sī Siōng-tè tông-chāi, bô lâng ōe-tàng kiâⁿ lí só͘ kiâⁿ chiah-ê sîn-jiah.”	Ū chi̍t àm i lâi kìⁿ Iâ-so͘ kóng: “Lia̍p-pí, goán chai-iáⁿ Lí sī tùi Siōng-chú hia lâi ê Lāu-su; nā m̄-sī Siōng-chú kap i tông-chāi, chiū bô lâng ē-tàng chò Lí só͘ chò chiah-ê sîn-chek.”	mî-sî lâi chiū-kūn Iâ-so͘, tùi I kóng, Lia̍p-pí, goán chai lí chòe sian-siⁿ, sī tùi Siōng-tè lâi ê; in-ūi nā m̄ sī Siōng-tè kap i tī-teh, chiū bô lâng ōe kiâⁿ lí só͘ kiâⁿ chiah-ê sîn-jiah.	Ū chi̍t àm, i lâi tùi I-é-su kóng, " Lāu-su, goán chai Lí sī Siōng-tè chhe lâi ê kàu-su, in-ūi nā m̄-sī ū Siōng-tè tông-chāi, bô lâng ē-tàng kiâⁿ Lí só͘ kiâⁿ ê sîn-jiah. "	註釋串珠盧俊義讀經原文典藏
3:3	Iâ-so͘ ìn kóng, “Góa si̍t-si̍t-chāi-chāi kā lí kóng, lâng nā bô têng chhut-sì, chiū bōe-tàng khòaⁿ-kìⁿ Siōng-tè-kok.”	Iâ-so͘ ìn kóng, “Góa si̍t-si̍t-chāi-chāi kā lí kóng, lâng nā bô têng chhut-sì, chiū bōe-tàng khòaⁿ-kìⁿ Siōng-tè-kok.”	Iâ-so͘ ìn i kóng: “Góa si̍t-si̍t-chāi-chāi kā lí kóng: lâng nā m̄-sī tiōng-sin chhut-sì, chiū bē-tàng khòaⁿ-tio̍h Siōng-chú ê Kok.”	Iâ-so͘ ìn i, kóng, Góa si̍t-si̍t kā lí kóng, Lâng nā bô têng-thâu siⁿ, chiū bōe-ōe khòaⁿ-kìⁿ Siōng-tè ê kok.	I-é-su ìn kóng, " Góa si̍t-chāi kā lí kóng, lâng nā bô têng-thâu-seⁿ, chiū bē tàng khòaⁿ tio̍h Siōng-tè kok-tō͘. "	註釋串珠盧俊義讀經原文典藏
3:4	Nî-ko-tek-bō͘ mn̄g kóng, “Lâng í-keng lāu, ná ōe-tàng têng chhut-sì? Kiám kóng i ōe-tàng koh chi̍t piàn ji̍p-khì bú-thai lâi chhut-sì?”	Nî-ko-tek-bō͘ mn̄g kóng, “Lâng í-keng lāu, ná ōe-tàng têng chhut-sì? Kiám kóng i ōe-tàng koh chi̍t piàn ji̍p-khì bú-thai lâi chhut-sì?”	Nî-ko-tí-bó͘ kóng: “Lâng chia̍h kah nî-lāu, kám ē-tàng tiōng-sin chhut-sì? I kám chin-chiàⁿ ē-tàng koh ji̍p-khì bó-thai lâi têng-koh chhut-sì?”	Nî-ko-tí-bó͘ tùi I kóng, Lâng í-keng lāu, cháiⁿ-iūⁿ ōe têng-thâu siⁿ? kiám ōe koh ji̍p lāu-bú ê pak-tó͘ lâi siⁿ mah?	Nî-ko-té-mô͘ mn̄g kóng, " Lâng í-keng lāu ā, ná ē têng-thâu-seⁿ? Kám ē-tàng koh ji̍p-khì lāu-bú ê pak-tó͘ lâi têng-thâu-seⁿ? "	註釋串珠盧俊義讀經原文典藏
3:5	Iâ-so͘ ìn kóng, “Góa si̍t-si̍t-chāi-chāi kā lí kóng, lâng nā bô tùi chúi kap Sèng Sîn lâi chhut-sì, chiū bōe-tàng chiâⁿ-chòe Siōng-tè-kok ê chú-bîn.	Iâ-so͘ ìn kóng, “Góa si̍t-si̍t-chāi-chāi kā lí kóng, lâng nā bô tùi chúi kap Sèng Sîn lâi chhut-sì, chiū bōe-tàng chiâⁿ-chòe Siōng-tè-kok ê chú-bîn.	Iâ-so͘ ìn kóng: “Góa si̍t-si̍t-chāi-chāi kā lí kóng: lâng nā bô tùi chúi kap Sèng Lêng lâi chhut-sì, chiū bē-tàng ji̍p-khì Siōng-chú ê Kok!	Iâ-so͘ ìn kóng, Góa si̍t-si̍t kā lí kóng, Lâng nā bô tùi chúi tùi Sèng Sîn lâi siⁿ, chiū bōe-ōe ji̍p Siōng-tè ê kok.	I-é-su ìn kóng, " Góa si̍t-chāi kā lí kóng, lâng nā bô tùi chúi kah Sèng Sîn lâi têng-thâu-seⁿ, chiū bē tàng ji̍p-khì Siōng-tè kok-tō͘.	註釋串珠盧俊義讀經原文典藏
3:6	Tùi jio̍k-thé siⁿ--ê, sī jio̍k-thé; tùi Sèng Sîn siⁿ--ê, sī sîn-lêng.	Tùi jio̍k-thé siⁿ ê, sī jio̍k-thé; tùi Sèng Sîn siⁿ ê, sī sîn-lêng.	Tùi jio̍k-thé chhut-sì ê, chiū-sī jio̍k-thé, tùi Sèng Lêng chhut-sì ê, chiū-sī sîn-lêng.	Tùi jio̍k-thé siⁿ ê sī jio̍k-thé; tùi Sîn siⁿ ê sī sîn.	Tùi jio̍k-thé seⁿ ê sī jio̍k-thé; tùi Sèng Sîn seⁿ ê sī Sèng Sîn.	註釋串珠盧俊義讀經原文典藏
3:7	M̄-thang in-ūi góa kóng ‘lín tio̍h têng chhut-sì’ lâi kî-koài.	M̄-thang in-ūi góa kóng ‘lín tio̍h têng chhut-sì’ lâi kî-koài.	M̄-thang in-ūi Góa kā lí kóng: ‘Lín lóng tio̍h tiōng-sin chhut-sì,’ lâi kám-kak kî-koài.	Góa kóng, Lín tek-khak tio̍h têng-thâu siⁿ, lí bo̍h-tit lia̍h chòe kî-koài.	M̄-thang in-ūi góa kóng, ' Lín tio̍h têng-thâu-seⁿ' lâi kám-kak kî-koài.	註釋串珠盧俊義讀經原文典藏
3:8	Hong beh chhe-khì tó-ūi chiū chhe-khì tó-ūi, lí ū thiaⁿ-tio̍h siaⁿ, m̄-kú m̄ chai i tùi tó-ūi lâi, tùi tó-ūi khì. Ta̍k-ê tùi Sèng Sîn siⁿ--ê mā-sī án-ni.”	Hong beh chhe-khì tó-ūi chiū chhe-khì tó-ūi, lí ū thiaⁿ-tio̍h siaⁿ, m̄-kú m̄ chai i tùi tó-ūi lâi, tùi tó-ūi khì. Ta̍k ê tùi Sèng Sîn siⁿ ê mā-sī án-ni.”	Hong boeh chhoe khì tah-ūi chiū chhoe khì tah-ūi. Lí ū thiaⁿ-kìⁿ i ê siaⁿ; tān-sī m̄-chai i sī tùi tah-ūi chhoe lâi ê, iā m̄-chai i boeh chhoe khì tah-ūi. Múi chi̍t ê tùi Sèng Lêng lâi chhut-sì ê lâng iā-sī chhin-chhiūⁿ án-ne.”	Hong chhut-chāi ì-sù lâi chhe, lí thiaⁿ-kìⁿ i ê siaⁿ, m̄ chai i tùi tá-lo̍h lâi, tá-lo̍h khì; kìⁿ-nā tùi Sîn siⁿ ê ia̍h sī án-ni.	Hong beh chhoe khì tó-ūi chiū chhoe khì tó-ūi, lí ū thiaⁿ tio̍h siaⁿ, m̄-chai i tùi tó-ūi lâi, beh tùi tó-ūi khì. Ta̍k-ê tùi Sèng Sîn lâi chhut-sì ê lâng mā sī ánne. "	註釋串珠盧俊義讀經原文典藏
3:9	Nî-ko-tek-bō͘ mn̄g Iâ-so͘ kóng, “Chit-khoán tāi-chì ná ū khó-lêng?”	Nî-ko-tek-bō͘ mn̄g Iâ-so͘ kóng, “Chit khoán tāi-chì ná ū khó-lêng?”	Nî-ko-tí-bó͘ mn̄g Iâ-so͘ kóng, “Ná ē hoat-seng chit khoán tāi-chì?”	Nî-ko-tí-bó͘ ìn I kóng, Cháiⁿ-iūⁿ ōe án-ni ah?	Nî-ko-té-mô͘ mn̄g kóng, "Ná ē hoat-seng chit khoán tāichì? "	註釋串珠盧俊義讀經原文典藏
3:10	Iâ-so͘ ìn kóng, “Lí sī Í-sek-lia̍t-lâng ê kàu-su, liân che to m̄ chai o͘h?	Iâ-so͘ ìn kóng, “Lí sī Í-sek-lia̍t-lâng ê kàu-su, liân che to m̄ chai ò͘?	Iâ-so͘ ìn i kóng: “Lí sī Í-sek-lia̍t-lâng úi-tāi ê lāu-su. Lí liân chiah-ê tāi-chì iā bē liáu-kái sī bô?”	Iâ-so͘ ìn i kóng, Lí chòe Í-sek-lia̍t ê sian-siⁿ, iā m̄ chai che mah?	I-é-su ìn kóng, " Lí chò I-su-la-el ê kàu-su, liân che to m̄-chai, sī-.bô?	註釋串珠盧俊義讀經原文典藏
3:11	“Góa si̍t-si̍t-chāi-chāi kā lí kóng, goán kóng goán só͘ chai--ê, mā ūi-tio̍h goán só͘ khòaⁿ--tio̍h-ê choh-chèng, m̄-kú lín m̄ chiap-siū goán ê kiàn-chèng.	“Góa si̍t-si̍t-chāi-chāi kā lí kóng, goán kóng goán só͘ chai ê, mā ūi-tio̍h goán só͘ khòaⁿ-tio̍h ê choh-chèng, m̄-kú lín m̄ chiap-siū goán ê kiàn-chèng.	Góa si̍t-si̍t-chāi-chāi kā lí kóng: Goán kóng-khí goán só͘ chai ê, iā ūi-tio̍h goán só͘ khòaⁿ-kìⁿ ê lâi chò-chèng; tān-sī lín m̄ chiap-siū goán só͘ chò ê kiàn-chèng!	Góa si̍t-si̍t kā lí kóng, Goán sī kóng goán só͘ chai ê, kan-chèng goán só͘ khòaⁿ-kìⁿ ê; nā-sī lín m̄ chiap-la̍p goán ê kan-chèng.	Góa si̍t-chāi kā lí kóng, goán kóng goán só͘ chai ê, kiàn-chèng goán só͘ khòaⁿ-.tio̍h ê, m̄ koh, lín m̄ chiap-la̍p goán ê kiàn-chèng.	註釋串珠盧俊義讀經原文典藏
3:12	Góa kā lín kóng chit sè-kan ê tāi-chì, lín to m̄ sìn, góa nā kā lín kóng thiⁿ-téng ê tāi-chì, lín ná beh sìn?	Góa kā lín kóng chit sè-kan ê tāi-chì, lín to m̄ sìn, góa nā kā lín kóng thiⁿ-téng ê tāi-chì, lín ná-beh sìn?	Góa kā lín kóng chit ê sè-kan ê tāi-chì, lín nā m̄-khéng sìn Góa, ká-sú Góa nā kā lín kóng thiⁿ-téng ê tāi-chì, lín kám boeh sìn?	Góa kā lín kóng tōe-chiūⁿ ê sū, lín siōng-chhiáⁿ m̄ sìn; nā kā lín kóng thiⁿ-téng ê sū, lín thái beh sìn?	Góa kā lín kóng chit sè-kan ê tāichì, lín to m̄-sìn; góa nā kā lín kóng thiⁿ-téng ê tāichì, lín ná ē beh sìn?	註釋串珠盧俊義讀經原文典藏
3:13	Tùi thiⁿ-téng kàng-lîm ê Jîn-chú í-gōa, bô lâng bat chiūⁿ-thiⁿ.	Tùi thiⁿ-téng kàng-lîm ê Jîn-chú í-gōa, bô lâng bat chiūⁿ-thiⁿ.	Tùi thian-siōng kàng lo̍h-lâi ê Jîn-chú í-gōa, bô lâng bat chiūⁿ thiⁿ!”	Bô lâng bat chiūⁿ thiⁿ; chí ū tī thiⁿ-ni̍h ê Jîn-chú, tùi thiⁿ kàng-lo̍h ê nā-tiāⁿ.	Tùi thiⁿ kàng-lîm ê Jîn-chú í-gōa, bô lâng bat chiūⁿ thiⁿ.	註釋串珠盧俊義讀經原文典藏
3:14	“Chhin-chhiūⁿ Mô͘-se tī khòng-iá kú-khí tâng-chôa, Jîn-chú mā it-tēng tio̍h án-ni siū kú-khí,	“Chhin-chhiūⁿ Mô͘-se tī khòng-iá kú-khí tâng-chôa, Jîn-chú mā it-tēng tio̍h án-ni siū kú-khí,	“Chhin-chhiūⁿ Mô͘-se chāi khòng-iá, chiong tâng-chôa kùi tòa thiau-á-téng, Jîn-chú iā tek-khak tio̍h án-ne pī thê-ko khí-lâi,	Koh chhin-chhiūⁿ Mô͘-se kú-khí chôa tī khòng-iá, Jîn-chú ia̍h tek-khak tio̍h án-ni siū kú-khí;	Chhin-chhiūⁿ Mô͘-se tī khòng-iá kí-khí tâng-chôa, Jîn-chú mā it-tēng tio̍h ánne siū kí-khí,	註釋串珠盧俊義字典讀經原文典藏
3:15	hō͘ ta̍k-ê sìn I ê lâng tit-tio̍h éng-oán ê oa̍h-miā.	hō͘ ta̍k ê sìn I ê lâng tit-tio̍h éng-oán ê oa̍h-miā.	thang hō͘ múi chi̍t ê sìn I ê lâng lâi tit-tio̍h éng-seng.	hō͘ kìⁿ-nā sìn ê lâng tiàm tī I ū éng-oa̍h.	Thang hō͘ múi chi̍t-ê sìn I ê lâng tit tio̍h éng-oán ê oa̍h-miā.	註釋串珠盧俊義讀經原文典藏
3:16	Siōng-tè liân I to̍k-it ê Kiáⁿ to sù hō͘ sè-kan, beh hō͘ ta̍k-ê sìn I ê lâng bián bia̍t-bông, hoán-tńg tit-tio̍h éng-oán ê oa̍h-miā, I chiah-ni̍h thiàⁿ sè-kan!	Siōng-tè liân I to̍k-it ê Kiáⁿ to sù hō͘ sè-kan, beh hō͘ ta̍k ê sìn I ê lâng bián bia̍t-bông, hoán-tńg tit-tio̍h éng-oán ê oa̍h-miā, I chiah-ni̍h thiàⁿ sè-kan!	Siōng-chú chiah-ni̍h thiàⁿ sè-kan-lâng, só͘-í chiah chiong I ê Ko͘-kiáⁿ siúⁿ-sù in, thang hō͘ só͘ ū sìn I ê lâng m̄-bián bia̍t-bông, lâi tit-tio̍h éng-seng.	In-ūi Siōng-tè chiong to̍k-siⁿ ê Kiáⁿ siúⁿ-sù sè-kan, hō͘ kìⁿ-nā sìn I ê lâng bōe tîm-lûn, ōe tit-tio̍h éng-oa̍h; I thiàⁿ sè-kan kàu án-ni.	Siōng-tè chiahni̍h thiàⁿ sè-kan, sīm-chì siúⁿ-sù to̍k-seⁿ Kiáⁿ, hō͘ só͘-ū sìn I ê lâng bē tîm-lûn, hoán-tńg ē tit tio̍h éng-oán ê oa̍h-miā.	註釋串珠盧俊義讀經原文典藏
3:17	In-ūi Siōng-tè chhe I ê Kiáⁿ lâi sè-kan, m̄-sī beh sím-phòaⁿ sè-kan, sī beh thong-kè I lâi chín-kiù sè-kan.	In-ūi Siōng-tè chhe I ê Kiáⁿ lâi sè-kan, m̄-sī beh sím-phòaⁿ sè-kan, sī beh thong-kè I lâi chín-kiù sè-kan.	In-ūi Siōng-chú chhe-phài I ê Kiáⁿ lâi sè-kan, m̄-sī boeh sím-phòaⁿ sè-kan-lâng, sī boeh hō͘ sè-kan-lâng thong-kòe I lâi tit-kiù.”	In-ūi Siōng-tè chhe Kiáⁿ ji̍p sè-kan, m̄ sī beh sím-phòaⁿ sè-kan; sī beh hō͘ sè-kan tùi I tit-tio̍h kiù.	In-ūi Siōng-tè chhe I ê Kiáⁿ lâi sè-kan, m̄-sī beh sím-phòaⁿ sè-kan, sī beh thong-kòe I lâi chín-kiù sè-kan.	註釋串珠盧俊義讀經原文典藏
3:18	“Sìn Kiáⁿ ê lâng bōe siū tēng-chōe; m̄-sìn ê lâng í-keng siū tēng-chōe, in-ūi i m̄ sìn Siōng-tè to̍k-it ê Kiáⁿ.	“Sìn Kiáⁿ ê lâng bōe siū tēng-chōe; m̄ sìn ê lâng í-keng siū tēng-chōe, in-ūi i m̄ sìn Siōng-tè to̍k-it ê Kiáⁿ.	“Sìn I ê lâng bē siū sím-phòaⁿ, m̄-sìn I ê lâng í-keng siū phòaⁿ-chōe ā, in-ūi i bô sìn Siōng-chú ê Ko͘-kiáⁿ.	Sìn I ê lâng bô siū sím-phòaⁿ; m̄ sìn ê lâng í-keng siū sím-phòaⁿ, in-ūi i m̄ sìn Siōng-tè to̍k-siⁿ Kiáⁿ ê miâ.	Sìn I ê lâng bē siū sím-phòaⁿ, m̄-sìn I ê lâng í-keng siū tēng chōe, in-ūi i m̄-sìn Siōng-tè ê to̍k-seⁿ Kiáⁿ.	註釋串珠盧俊義讀經原文典藏
3:19	Siōng-tè ê sím-phòaⁿ sī án-ni: Kng chìn-ji̍p sè-kan, sè-kan-lâng khah ài o͘-àm, khah bô ài kng-bêng, in-ūi in ê hêng-ûi siâ-ok.	Siōng-tè ê sím-phòaⁿ sī án-ni: Kng chìn-ji̍p sè-kan, sè-kan-lâng khah ài o͘-àm, khah bô ài kng-bêng, in-ūi in ê hêng-ûi siâ-ok.	Kng í-keng lâi-kàu sè-kan, tān-sī sè-kan-lâng ài o͘-àm bô ài kong-bêng, in-ūi in ê hêng-ûi sī siâ-ok ê, chiū-sī kin-kì án-ne chiah kā in tēng-chōe ê.	Só͘ sím-phòaⁿ ê, chiū-sī kng ji̍p sè-kan, ia̍h lâng ài àm khah kè-thâu tī kng, in-ūi i só͘ kiâⁿ sī pháiⁿ.	Siōng-tè kā in tēng chōe sī in-ūi, kng chìn-ji̍p sè-kan, sè-kan khah ài o͘-àm, khah bô ài kng-bêng, in-ūi in ê hêng-ûi siâ-ok.	註釋串珠盧俊義讀經原文典藏
3:20	Chòe pháiⁿ ê lâng lóng oàn-hūn kng, m̄ chiap-kūn kng, án-ni i ê hêng-ûi chiah bōe lō͘-hiān.	Chòe pháiⁿ ê lâng lóng oàn-hūn kng, m̄ chiap-kūn kng, án-ni i ê hêng-ûi chiah bōe lō͘-hiān.	Chò pháiⁿ tāi-chì ê lâng oàn-hīn kng, bô ài kng ê só͘-chāi, án-ne i ê hêng-ûi chiah bē hián-lō͘ chhut-lâi;	Kìⁿ-nā chòe pháiⁿ ê, oàn-hūn kng ia̍h m̄ chiū-kūn kng, kiaⁿ-liáu i ê só͘ kiâⁿ siū chek-pī.	Chò pháiⁿ ê lâng oàn-hūn kng, mā m̄ chiap-kīn kng, ánne, i ê pháiⁿ hêng-ûi chiah bē lō͘-hiān chhut-.lâi.	註釋串珠盧俊義讀經原文典藏
3:21	M̄-kú si̍t-hêng chin-lí ê lâng chiap-kūn kng, sī beh hián-bêng i ê hêng-ûi sī sūn-thàn Siōng-tè lâi chòe--ê.”	M̄-kú si̍t-hêng chin-lí ê lâng chiap-kūn kng, sī beh hián-bêng i ê hêng-ûi sī sūn-thàn Siōng-tè lâi chòe ê.”	tān-sī chun-hêng chin-lí ê lâng, ài lâi kng ê só͘-chāi, án-ne chiah ē piáu-sī i ê hêng-ûi sī chun-chiàu Siōng-chú ê chí-ì lâi chò ê.”	To̍k-to̍k kiâⁿ chin-lí ê lâng chiū-kūn kng, lâi hián-bêng i ê só͘ kiâⁿ sī tī Siōng-tè lâi kiâⁿ.	To̍k-to̍k chun-chiàu chin-lí ê lâng lâi chiū-kīn kng, sī beh hián-bêng i ê hêng-ûi sī chun-chiàu Siōng-tè ê chí-ì. "	註釋串珠盧俊義讀經原文典藏
3:22	Iok-hān ūi-tio̍h Iâ-so͘ Choh-chèng Chiah-ê tāi-chì í-āu, Iâ-so͘ kap I ê bûn-tô͘ khì Iû-thài tōe-khu, I kap in chiām-sî tòa hia, koh kā lâng sóe-lé.	Iok-hān Ūi-tio̍h Iâ-so͘ Choh-chèng Chiah-ê tāi-chì í-āu, Iâ-so͘ kap I ê bûn-tô͘ khì Iû-thài tōe-khu, I kap in chiām-sî tòa hia, koh kā lâng sóe-lé.	Iâ-so͘ kap Si-sián-chiá Iok-hān Jiân-āu, Iâ-so͘ kap I ê bûn-tô͘ khì kàu Iû-thài ê tē-hng, kap in chò-hóe tòa hia, kā lâng sé-lé.	Chiah-ê tāi-chì í-āu, Iâ-so͘ kap I ê ha̍k-seng kàu Iû-thài tōe; kap in tòa hia lâi kiâⁿ sóe-lé.	Kiâⁿ Sé-lé Iô-há-neh ê Chòe-āu Kiàn-chèng Chiahê tāichì í-āu, I-é-su kah bûn-tô͘ kàu Iô-tá-iah tē-khu kah in chò-hóe tòa hia, kā lâng sé-lé.	註釋串珠盧俊義讀經原文典藏
3:23	Iok-hān mā tī Sat-léng hù-kūn ê Ai-loán teh kā lâng sóe-lé, in-ūi hia ū chin chōe chúi, chèng-lâng sòa-chiap lâi chiap-siū Iok-hān ê sóe-lé.	Iok-hān mā tī Sat-léng hù-kūn ê Ai-loán teh kā lâng sóe-lé, in-ūi hia ū chin chōe chúi, chèng-lâng sòa-chiap lâi chiap-siū Iok-hān ê sóe-lé.	Si-sián-chiá Iok-hān iā tī kīn Sat-léng ê Ai-loán kā lâng sé-lé, in-ūi hia ū chin-chē chúi. Bîn-chiòng lâi i hia hō͘ i sé-lé.	Iok-hān ia̍h teh kiâⁿ sóe-lé tī kūn Sat-léng ê Ai-loán; in-ūi tī hia ū chōe-chōe chúi; lâng kàu hia lâi siū sóe-lé.	Iô-há-neh mā tī Sa-lèm hù-kīn ê Ai-nóng teh kā lâng sé-lé, in-ūi tī hia ū chin chē chúi, chèng lâng lâi hia hō͘ i sé-lé.	註釋串珠盧俊義讀經原文典藏
3:24	Hit-sî Iok-hān iáu-bē hō͘ lâng koaiⁿ-kaⁿ.	Hit sî Iok-hān iáu-bē hō͘ lâng koaiⁿ-kaⁿ.	(Hit ê sî, Iok-hān iáu-bōe hō͘ lâng koaiⁿ-lo̍h kaⁿ-ga̍k.)	In-ūi Iok-hān iáu-bē koaiⁿ lo̍h kaⁿ.	Hit sî, Iô-há-neh iáu-bōe hō͘ lâng koaiⁿ lo̍h kaⁿ.	註釋串珠盧俊義字典讀經原文典藏
3:25	Kúi-nā ê Iok-hān ê bûn-tô͘ kap chi̍t ê Iû-thài-lâng ūi-tio̍h kiat-chēng ê lé-gî piān-lūn.	Kúi-nā ê Iok-hān ê bûn-tô͘ kap chi̍t ê Iû-thài-lâng ūi-tio̍h kiat-chēng ê lé-gî piān-lūn.	Ū chi̍t-kóa Iok-hān ê bûn-tô͘ kap chi̍t ê Iû-thài-lâng teh piān-lūn kiat-chēng ê chong-kàu gî-sek.	Tùi án-ni ū Iok-hān ê ha̍k-seng kap chi̍t ê Iû-thài lâng cheng-piān chheng-khì ê sū.	Ū chi̍t-kóa Iô-há-neh ê bûn-tô͘ kah chi̍t-ê Iô-tá-iah lâng, ūi tio̍h kiat-chēng ê lé-gî teh piān-lūn.	註釋串珠盧俊義讀經原文典藏
3:26	In lâi kìⁿ Iok-hān, tùi i kóng, “Lia̍p-pí, í-chêng tī Iok-tàn-hô tang-hōaⁿ kap lí chòe-hé, lí bat ūi-tio̍h I choh-chèng Hit-ūi, lí khòaⁿ, I hiān-chāi teh kā lâng sóe-lé, chèng-lâng lóng khì I hia.”	In lâi kìⁿ Iok-hān, tùi i kóng, “Lia̍p-pí, í-chêng tī Iok-tàn-hô tang-hōaⁿ kap lí chòe-hé, lí bat ūi-tio̍h I choh-chèng Hit-ūi, lí khòaⁿ, I hiān-chāi teh kā lâng sóe-lé, chèng-lâng lóng khì I hia.”	In chiū lâi kìⁿ Iok-hān kóng: “Lia̍p-pí, lí khòaⁿ, tī Iok-tàn-hô ê tùi-hōaⁿ bat kap lí chò-hóe, lí ū kā I chò-chèng Hit-ê lâng iā teh kā lâng sé-lé; iū-koh chèng-lâng lóng khì I hia.”	In lâi chiū-kūn Iok-hān, kā i kóng, Lia̍p-pí ah, chiông-chêng kap lí tī Iok-tàn gōa; lí só͘ kan-chèng ê, lí khòaⁿ, i teh kiâⁿ sóe-lé, chèng lâng lóng chiū-kūn I.	In lâi kā Iô-há-neh kóng, " Lāu-su, lí khòaⁿ, chá-chêng tī Iol-tàn hô tang hōaⁿ kah lí chò-hóe, lí ūi I chò-chèng ê hit ūi, chitmá I teh kā lâng sé-lé, kûn-chiòng lóng khì I hia. "	註釋串珠盧俊義讀經原文典藏
3:27	Iok-hān ìn kóng, “Nā m̄-sī thiⁿ siúⁿ-sù, lâng bōe-tàng tit-tio̍h sím-mi̍h.	Iok-hān ìn kóng, “Nā m̄-sī thiⁿ siúⁿ-sù, lâng bōe-tàng tit-tio̍h sím-mi̍h.	Iok-hān ìn kóng: “Nā m̄-sī Siōng-chú siúⁿ-sù ê, lâng bē-tàng tit-tio̍h sím-mi̍h.	Iok-hān ìn kóng, Nā m̄ sī tùi thiⁿ hō͘ i, chiū lâng bōe tit-tio̍h sím-mi̍h.	Iô-há-neh ìn kóng, " Nā m̄-sī thiⁿ siúⁿ-sù, lâng bē tàng chò siáⁿ-mi̍h.	註釋串珠盧俊義讀經原文典藏
3:28	Góa bat kóng ‘Góa m̄-sī Ki-tok, put-kò sī siū phài chòe I ê sian-hong’. Chit-ê tāi-chì, lín pún-sin sī góa ê kiàn-chèng-jîn.	Góa bat kóng ‘Góa m̄-sī Ki-tok, put-kò sī siū phài chòe I ê sian-hong’. Chit-ê tāi-chì, lín pún-sin sī góa ê kiàn-chèng-jîn.	Góa bat kóng: ‘Góa m̄-sī Bí-sài-a; góa sī hōng-phài lâi chò I ê sian-hong ê.’ Góa kóng chiah-ê ōe, lín ē-tàng kā góa chò kiàn-chèng.	Lín ka-kī ūi-tio̍h góa chòe kan-chèng, góa bat kóng, Góa m̄ sī Ki-tok, chiū-sī hōng-chhe tī I ê thâu-chêng nā-tiāⁿ.	Góa bat kóng, góa m̄-sī Ki-tok, chí-put-kò sī siū-phài lâi chò I ê sian-hong. Chit-ê tāichì, lín pún-sin sī góa ê kiàn-chèng.	註釋串珠盧俊義讀經原文典藏
3:29	Chhōa sin-niû--ê sī sin-lông; sin-lông ê pêng-iú khiā tī piⁿ--á, chi̍t-ē thiaⁿ-tio̍h sin-lông ê siaⁿ chiū hui-siông hoaⁿ-hí. Só͘-í, góa ê hoaⁿ-hí móa-móa.	Chhōa sin-niû ê sī sin-lông; sin-lông ê pêng-iú khiā tī piⁿ-a, chi̍t-ē thiaⁿ-tio̍h sin-lông ê siaⁿ chiū hui-siông hoaⁿ-hí. Só͘-í, góa ê hoaⁿ-hí móa-móa.	Sin-niû sui-jiân sī sin-lông ê, m̄-kú sin-lông ê pêng-iú khiā tī piⁿ-a teh thiaⁿ, thiaⁿ-tio̍h sin-lông ê siaⁿ chiū chin hoaⁿ-hí. Chit khoán ê hí-lo̍k, taⁿ oân-choân sī góa ê ā.	Ū sin-niû ê sī sin-kiáⁿ-sài; sin-kiáⁿ-sài ê pêng-iú khiā teh thiaⁿ i, ūi-tio̍h sin-kiáⁿ-sài ê siaⁿ, chiū hoaⁿ-hí kàu-ke̍k; só͘-í góa chit ê hoaⁿ-hí chhiong-móa lah.	Chhōa sin-niû ê sī sin-lông, sin-lông ê pêng-iú khiā tī piⁿ-á thiaⁿ tio̍h sin-lông ê siaⁿ chiū hui-siông hoaⁿ-hí, só͘-í, góa móa-sim tōa hoaⁿ-hí.	註釋串珠盧俊義讀經原文典藏
3:30	I it-tēng ná heng-ōng, góa it-tēng ná soe-bî.”	I it-tēng ná heng-ōng, góa it-tēng ná soe-bî.”	I tek-khak ē lú úi-tāi; góa ē lú soe-bî.”	I tek-khak heng-ōng, góa tek-khak soe-bî.	I it-tēng ē ná heng-ōng, góa it-tēng ē ná soe-bî. "	註釋串珠盧俊義讀經原文典藏
3:31	Tùi Thiⁿ Kàng-lîm ê Siōng-tè ê Kiáⁿ Tùi téng-bīn lâi--ê, tī bān-iú ê téng-bīn; tùi tōe-chiūⁿ lâi--ê, sio̍k tōe-chiūⁿ, só͘ kóng--ê sī tōe-chiūⁿ ê sū. Tùi thiⁿ-téng lâi--ê, tī bān-iú ê téng-bīn.	Tùi Thiⁿ Kàng-lîm ê Siōng-tè ê Kiáⁿ Tùi téng-bīn lâi ê, tī bān-iú ê téng-bīn; tùi tōe-chiūⁿ lâi ê, sio̍k tōe-chiūⁿ, só͘ kóng ê sī tōe-chiūⁿ ê sū. Tùi thiⁿ-téng lâi ê, tī bān-iú ê téng-bīn.	Siōng-chú Só͘ Chhe-phài Lâi ê “Tùi thiⁿ-téng lâi ê, sī pí it-chhè ê lâng khah úi-tāi; tùi tē-ni̍h chhut-lâi ê, sī sio̍k tī tē-ni̍h, iū-koh só͘ kóng ê ōe iā sī tē-siōng ê tāi-chì. Tùi thiⁿ-téng lâi Hit-ūi sī pí it-chhè ê lâng khah úi-tāi.	Tùi téng-bīn lâi ê, sī tī bān lūi ê téng-bīn; hit ê tùi tōe-ni̍h ê, sī tùi tōe chiah ū, ia̍h tùi tōe lâi kóng; tùi thiⁿ lâi ê sī tī bān lūi ê téng-bīn.	Tùi Thiⁿ téng Lâi ê " Tùi téng-bīn lâi ê, sī tī bān-mi̍h ê téng-bīn; tùi tē-chiūⁿ-lâi ê sī sio̍k tē-chiūⁿ, mā lóng kóng tē-chiūⁿ ê tāichì. Tùi thiⁿ-téng lâi ê, sī tī bān-mi̍h ê téng-bīn.	註釋串珠盧俊義讀經原文典藏
3:32	I ūi-tio̍h só͘ khòaⁿ--kìⁿ-ê kap só͘ thiaⁿ--kìⁿ-ê choh-chèng, put-kò bô lâng chiap-siū I ê kiàn-chèng.	I ūi-tio̍h só͘ khòaⁿ-kìⁿ ê kap só͘ thiaⁿ-kìⁿ ê choh-chèng, put-kò bô lâng chiap-siū I ê kiàn-chèng.	I ūi-tio̍h só͘ khòaⁿ-kìⁿ, só͘ thiaⁿ-kìⁿ ê sū lâi chò kiàn-chèng; tān-sī bô lâng boeh chiap-siū I ê kiàn-chèng!	I chiong só͘ thiaⁿ-kìⁿ ê lâi kan-chèng, ia̍h bô lâng chiap-la̍p I ê kan-chèng.	I ūi tio̍h só͘ thiaⁿ tio̍h kah só͘ khòaⁿ-.tio̍h ê lâi chò kiàn-chèng, mā bô lâng chiap-la̍p I ê kiàn-chèng.	註釋串珠盧俊義讀經原文典藏
3:33	Chiap-siū I kiàn-chèng ê lâng chèng-bêng Siōng-tè sī sìn-si̍t.	Chiap-siū I kiàn-chèng ê lâng chèng-bêng Siōng-tè sī sìn-si̍t.	Chiap-siū I ê kiàn-chèng ê lâng, chèng-bêng Siōng-chú sī chin-si̍t ê.	Chiap-la̍p I ê kan-chèng ê, í-keng khàm-ìn lâi kan-chèng Siōng-tè sī chin-si̍t.	Chiap-la̍p I ê kiàn-chèng ê lâng, kiàn-chèng Siōng-tè sī chin-si̍t ê.	註釋串珠盧俊義字典讀經原文典藏
3:34	Siōng-tè só͘ chhe-khián Hit-ūi kóng Siōng-tè só͘ kóng ê ōe, in-ūi Siōng-tè bû-hān-liōng sù Sèng Sîn hō͘ I.	Siōng-tè só͘ chhe-khián Hit-ūi kóng Siōng-tè só͘ kóng ê ōe, in-ūi Siōng-tè bû-hān-liōng sù Sèng Sîn hō͘ I.	Siōng-chú só͘ chhe-phài lâi ê, kóng Siōng-chú ê ōe; in-ūi Siōng-chú bô hān-liōng siúⁿ-sù Sèng Lêng hō͘ I.	In-ūi Siōng-tè só͘ chhe ê kóng Siōng-tè ê ōe; sī Siōng-tè siúⁿ-sù Sèng Sîn bô hān-liōng.	Siōng-tè só͘ chhe-khián ê hit ūi kóng Siōng-tè ê ōe, in-ūi Siōng-tè bô hān-liōng siúⁿ-sù Sèng Sîn hō͘ I.	註釋串珠盧俊義讀經原文典藏
3:35	Pē thiàⁿ Kiáⁿ, í-keng chiong it-chhè lóng kau tī I ê chhiú-tiong.	Pē thiàⁿ Kiáⁿ, í-keng chiong it-chhè lóng kau tī I ê chhiú-tiong.	Thian-hū ài Sèng-chú, chiong it-chhè lóng kau-tài tī I ê chhiú-thâu.	Pē thiàⁿ Kiáⁿ, í-keng chiong bān mi̍h kau-hù I ê chhiú.	Pē thiàⁿ Kiáⁿ, í-keng kā it-chhè kau tī I ê chhiú-thâu.	註釋串珠盧俊義讀經原文典藏
3:36	Sìn Kiáⁿ ê lâng ōe tit-tio̍h éng-oán ê oa̍h-miā; m̄ sūn-ho̍k Kiáⁿ ê lâng m̄-nā bōe tit-tio̍h oa̍h-miā, hoán-tńg kè-sio̍k hō͘ Siōng-tè siū-khì.	Sìn Kiáⁿ ê lâng ōe tit-tio̍h éng-oán ê oa̍h-miā; m̄ sūn-ho̍k Kiáⁿ ê lâng m̄-nā bōe tit-tio̍h oa̍h-miā, hoán-tńg kè-sio̍k hō͘ Siōng-tè siū-khì.	Sìn Sèng-chú ê lâng ē tit-tio̍h éng-seng; m̄-khéng sìn Sèng-chú ê lâng, put-tān bē-tàng tit-tio̍h éng-seng, tian-tò ē éng-oán siū-tio̍h Siōng-chú ê tōa siū-khì.”	Sìn Kiáⁿ ê lâng ū éng-oa̍h; m̄ sūn Kiáⁿ ê lâng bōe khòaⁿ-kìⁿ oa̍h, Siōng-tè ê siū-khì tiàm tī i ê téng-bīn.	Sìn Kiáⁿ ê lâng ū éng-oán ê oa̍h-miā; m̄ sūn-ho̍k Kiáⁿ ê lâng, m̄ nā bē tàng tit tio̍h oa̍h-miā, hoán-tńg ē hō͘ Siōng-tè tiāⁿtiāⁿ siū-khì. "	註釋串珠盧俊義讀經原文典藏

查詢或移至：說明

[ 條列 | 表格 | 整段 ] 繁簡語態重新查詢影像本章地圖度量衡其他

中文:和合本和合本2010現代中文譯本1995版現代中文譯本2019版新譯本中文標準譯本恢復本思高譯本呂振中譯本NET聖經中譯本聖經公會四福音書共同譯本深文理和合本新遺詔聖經官話和合本北京官話譯本文理和合本淺文理和合本王元德官話譯本俄羅斯正教文理譯本白日昇徐約翰文理譯本神天聖書文理委辦譯本施約瑟淺文理譯本馬殊曼譯本高德譯本胡德邁譯本粦為仁譯本徐匯官話新譯福音王多默聖史宗徒行實蕭舜華官話四人小組譯本聖保祿書翰並數位宗徒涵牘德如瑟四史聖經譯註郭實臘新遺詔書和舊遺詔聖書宗徒大事錄和新經譯義馬相伯救世福音俄羅斯正教新遺詔聖經卜士傑新經公函與默示錄太平天國文理譯本許彬文四史全編原文直譯(參考用)
英文:ESVKJVBBEWEBASVDarbyERV
原文與古譯本:新約原文
台客語:現代台語2021版漢字現代台語2021版全羅聖經公會巴克禮台漢本現代台語2013版全羅現代台語2013版漢字紅皮聖經全羅紅皮聖經漢羅巴克禮全羅巴克禮漢羅聖經公會現代客語全羅聖經公會現代客語漢字汕頭客語聖經全民台語聖經全羅全民台語聖經漢羅全民台語聖經Ruby
其他:聖經公會布農語聖經卑南語多納魯凱語馬可福音茂林魯凱語馬可福音萬山魯凱語馬可福音聖經公會泰雅爾語聖經聖經公會鄒語聖經聖經公會魯凱語聖經賽德克族Tgdaya語聖經公會阿美語1997聖經公會阿美語2019聖經公會太魯閣語聖經聖經公會達悟語新約聖經印尼聖經越南聖經俄文聖經韓文聖經日語聖經藏語聖經武加大譯本新武加大譯本

《聖經公會現代臺語譯本》©2021版權屬於台灣聖經公會，由台灣聖經公會授權信望愛站使用。
《聖經公會現代臺語譯本》©2013版權屬於台灣聖經公會，由台灣聖經公會授權信望愛站使用。
[台語白話字聖經（巴克禮全羅版）]於1933年由聖經公會印製完成。
各聖經譯本著作權如版權說明。

本畫面由信望愛資訊中心之CBOL計畫產生，歡迎連結，無須申請。CBOL計畫之資料版權宣告採用GNU Free Documentation License。願上帝的話能建造每一位使用這系統的人，來榮耀祂自己的名。

Iâ-so͘ kap Nî-ko-tek-bō͘

Iâ-so͘ kap Nî-ko-tek-bō͘

Iâ-so͘ kap Nî-ko-tí-bó͘

I-é-su kah Nî-ko-té-mô͘

Iok-hān ūi-tio̍h Iâ-so͘ Choh-chèng

Iok-hān Ūi-tio̍h Iâ-so͘ Choh-chèng

Iâ-so͘ kap Si-sián-chiá Iok-hān

Kiâⁿ Sé-lé Iô-há-neh ê Chòe-āu Kiàn-chèng

Tùi Thiⁿ Kàng-lîm ê Siōng-tè ê Kiáⁿ

Tùi Thiⁿ Kàng-lîm ê Siōng-tè ê Kiáⁿ

Siōng-chú Só͘ Chhe-phài Lâi ê

Tùi Thiⁿ téng Lâi ê