列王紀下 線上收聽:中文和合本 現代中文譯本修訂版 現代台語 台語聖經 客語 福州話 希伯來文讀經 下載檔案 關於語音聖經
15:1 偤大王亞撒利雅
(代下26:1-23)
以色列王耶羅波安二十七年,偤大王亞瑪謝ê kiáⁿ亞撒利雅坐位。
15:2 伊坐位ê時,十六歲,tī耶路撒冷做王共五十二年。伊ê老母ê名叫做E-kho-li-ah,是耶路撒冷人。
15:3 伊行上主所看做好ê tāichì,照伊ê老父亞瑪謝一切ê所行;
15:4 總是,山頭壇iáu無廢棄,人民猶原tī山頭壇獻祭燒香。
15:5 上主就打擊王,hō͘伊生癩ko,直到伊死ê日,伊to̍hti7另外ê厝tòa。伊ê kiáⁿ約坦管理家事,治理人民。
15:6 亞撒利雅其他ê tāichì,見若伊所行ê,kám無lóng記tī偤大列王ê記錄?
15:7 亞撒利雅kah伊ê祖先同睏,kah伊ê祖先做伙葬tī大衛ê城。伊ê kiáⁿ約坦續接伊做王。
15:8 以色列王撒迦利雅
偤大王亞撒利雅三十八年,耶羅波安ê kiáⁿ撒迦利雅,tī撒馬利亞做以色列王六月日。
15:9 伊行上主看做pháiⁿ ê tāichì,照伊ê祖先所行ê,無離開尼八ê kiáⁿ耶羅波安ê罪,to̍h是hō͘以色列犯罪ê。
15:10 雅比ê kiáⁿ沙龍背叛伊,tī人民ê面前kā伊phah,kā伊thâi,篡伊ê位。
15:11 撒迦利雅其他ê tāichì,lóng記tī以色列chiahê王ê記錄。
15:12 這是早前上主kā耶戶講ê話,講:「你ê kiáⁿ孫會坐以色列ê國位到四代。」Chitê話ánne應驗。
15:13 以色列王沙龍
偤大王烏西雅三十九年,雅比ê kiáⁿ沙龍坐位,tī撒馬利亞做王一月日。
15:14 Ga̍t-tí ê kiáⁿ米拿現tùi得撒上去撒馬利亞,phah雅比ê kiáⁿ沙龍tī撒馬利亞,kā伊thâi死,篡伊ê位。
15:15 沙龍其他ê tāichì kah伊背叛ê情形,lóng記tī以色列chiahê王ê記錄。
15:16 Hit時,米拿現phah Thê-húi-sat,kah見若tī in中間ê,以及伊ê四箍圍,tùi得撒起,因為in無kā伊開城門,所以,kā伊phah,mā破開in中間一切有娠孕ê chabó͘人。
15:17 以色列王米拿現
偤大王亞撒利雅三十九年,Ga̍t-tí ê kiáⁿ米拿現坐位,tī撒馬利亞做以色列王,共十年。
15:18 伊行上主所看做pháiⁿ ê tāichì,一世人無離開尼八ê kiáⁿ耶羅波安ê罪,to̍h是hō͘以色列犯罪ê。
15:19 亞述王Phu-l來攻擊chitê土地。米拿現用銀一千他連得hō͘ Phu-l,ài伊幫贊來堅固伊ê國權。
15:20 米拿現對以色列一切ê大好額人,強派chiahê銀,kah ta̍k人出銀五十舍客勒,送hō͘亞述王。就ánne,亞述王tńg去,無tiàm hit所在。
15:21 米拿現其他ê tāichì,見若伊所行ê,kám無lóng記tī以色列chiahê王ê記錄?
15:22 米拿現kah伊ê祖先同睏了後,伊ê kiáⁿ比加轄續接伊做王。
15:23 以色列王比加轄
偤大王亞撒利雅五十年,米拿現ê kiáⁿ比加轄tī撒馬利亞做以色列王,共兩年。
15:24 伊行上主所看做pháiⁿ ê tāichì,無離開尼八ê kiáⁿ耶羅波安ê罪,to̍h是hō͘以色列犯罪ê。
15:25 伊ê軍長,利瑪利ê kiáⁿ比加背叛伊,tī撒馬利亞王宮ê城堡kā伊phah。亞珥歌伯 kah A-li-eh以及基列ê人五十個kah伊同謀,kā伊thâi死,篡伊ê位。
15:26 比加轄其他ê tāichì,見若伊所行ê,lóng記tī以色列chiahê王ê記錄。
15:27 以色列王比加
偤大王亞撒利雅五十二年,利瑪利ê kiáⁿ比加tī撒馬利亞坐位,做以色列王,共二十年。
15:28 伊行上主所看做pháiⁿ ê tāichì,無離開尼八ê kiáⁿ耶羅波安ê罪,to̍h是hō͘以色列犯罪ê。
15:29 以色列王比加ê時,亞述王提革拉毗列色來征服I-ióng、亞伯伯瑪迦、Ia-no-ah、基低斯、夏瑣、基列、加利利、kah拿弗他利全地,lóng kā in掠到亞述。
15:30 烏西雅ê kiáⁿ約坦二十年,以拉ê kiáⁿ何細亞背叛利瑪利ê kiáⁿ比加,kā伊phah kohthâi死,篡伊ê位。
15:31 比加其他ê tāichì,見若伊所行ê,lóng記tī以色列chiahê王ê記錄。
15:32 偤大王約坦
(代下27:1-9)
以色列王利瑪利ê kiáⁿ比加第二年,偤大王烏西雅ê kiáⁿ約坦坐位。
15:33 伊坐位ê時,二十五歲,tī耶路撒冷做王十六年。伊ê老母ê名叫做E-lu-siah,是撒督ê chabó͘ kiáⁿ。
15:34 伊行上主所看做好ê tāichì,照伊ê老父烏西雅所行ê一切去行。
15:35 總是,山頭壇iáu無廢除,人民猶原tī山頭壇獻祭燒香。約坦起上主殿ê頂面ê門。
15:36 約坦其他ê tāichì,見若伊所行ê,kám無lóng記tī偤大列王ê記錄?
15:37 Hit時,上主起頭差亞南王利汛kah利瑪利ê kiáⁿ比加去攻擊偤大。
15:38 約坦kah伊ê祖先同睏,kah伊ê祖先做伙葬tī伊ê祖先大衛ê城。伊ê kiáⁿ亞哈斯續接伊做王。
各聖經譯本著作權如版權說明。
本畫面由信望愛資訊中心之CBOL計畫產生,歡迎連結,無須申請。CBOL計畫之資料版權宣告採用GNU Free Documentation License。願上帝的話能建造每一位使用這系統的人,來榮耀祂自己的名。