約書亞記 線上收聽:中文和合本 現代中文譯本修訂版 現代台語 台語聖經 客語 福州話 希伯來文讀經 下載檔案 關於語音聖經
12:1 Hō͘摩西Phah敗ê眾王
Tī約旦河hit-pêng ǹg日出ê所在,tùi亞嫩ê山谷到黑門山kah東pêng亞拉巴ê全地,以色列人phah hiahê王,攻取in ê地,記tī下底:
12:2 亞摩利人ê王,to̍h是tòa tī希實本ê西宏,伊所管ê地是tùi亞嫩山谷邊ê亞羅珥kah山谷中ê城,以及基列ê一半,一直到亞捫人ê境界,to̍h是雅博河。
12:3 Koh tùi亞拉巴東pêng到基尼烈海,koh到東pêng亞拉巴ê海,to̍h是鹽海,thàng到Pek-iâ-se-boa̍t ê路,以及南方,一直到毗斯迦ê山腳。
12:4 Koh有巴珊王噩ê境界,伊是利乏音人所chhun落來ê,tiàm tī亞斯他錄kah以得來。
12:5 伊所管ê地是黑門山、撒迦、巴珊全地,到基述人kah瑪迦人ê境界,以及基列ê一半,一直到希實本王西宏ê境界。
12:6 In是上帝ê奴僕摩西kah以色列人所phah敗ê;上帝ê奴僕摩西kā in ê地hō͘流便人、迦得人kah瑪拿西半支族ê人做產業。
12:7 Hō͘約書亞Phah敗ê眾王
Tī約旦河ê西pêng,tùi黎巴嫩山谷ê Pa-le̍k-ka-tek,到去西珥ê哈臘山,約書亞kah以色列人kā in phah敗ê地,約書亞to̍h kā地分hō͘以色列各支族,照in ê宗族做產業。
12:8 to̍h是tī山地、tī平原、tī亞拉巴、tī山腳、tī曠野、tī南方ê地是赫人、亞摩利人、迦南人、比利洗人、希未人、耶布斯人chiahê王記tī下底:
12:9 一个是耶利哥城王,一个是óa近伯特利艾城ê王,
12:10 一个是耶路撒冷王,一个是希伯崙王,
12:11 一个是耶末王,一个是拉吉王,
12:12 一个是伊磯倫王,一个是基色王,
12:13 一个是底璧王,一个是Ki-tak王,
12:14 一个是何珥瑪王,一个是亞拉得王,
12:15 一个是立拿王,一个是亞杜蘭王,
12:16 一个是瑪基大王,一个是伯特利王,
12:17 一个是他普亞王,一个是希弗王,
12:18 一个是亞弗王,一个是Le-siah-lûn王,
12:19 一个是Má-tùn王,一个是夏瑣王,
12:20 一个是Sin-lûn-bí-lûn王,一个是Ap-soah王,
12:21 一个是他納王,一个是米吉多王,
12:22 一个是基低斯王,一个是óa近迦密ê Iok-niām王,
12:23 一个是多珥山頭ê To-jíⁿ王,一个是吉甲ê Go-im王,
12:24 一个是得撒王,總共三十一个王。
各聖經譯本著作權如版權說明。
本畫面由信望愛資訊中心之CBOL計畫產生,歡迎連結,無須申請。CBOL計畫之資料版權宣告採用GNU Free Documentation License。願上帝的話能建造每一位使用這系統的人,來榮耀祂自己的名。