民數記 線上收聽:中文和合本 現代中文譯本修訂版 現代台語 台語聖經 客語 福州話 希伯來文讀經 下載檔案 關於語音聖經
20:1 加低斯事件
(出17:1-7)
正月間,以色列全會眾來到尋ê曠野,人民就tòa tī加低斯。米利暗死tī hia,就埋葬tī hia。
20:2 會眾無水thang lim,in to̍h聚集óa來攻擊摩西kah亞倫。
20:3 人民to̍h kah摩西計較,講:「前阮ê兄弟死tī上主ê面前,阮不如 hit時續死。
20:4 Lín ná ē chhōa上主ê會眾到chitê曠野,hō͘阮kah阮ê chengseⁿ死tī chia?
20:5 Lín ná ē hō͘阮出埃及,chhōa阮到chitê pháiⁿ所在?無所在thang掖種,mā無無花果,無葡萄,無石榴,koh無水thang lim。
20:6 摩西kah亞倫離開會眾來到會幕門口,仆tī地裡;上主ê榮光對in顯現。
20:7 上主吩咐摩西講:
20:8 「你tio̍h gia̍h 柺á,你kah你ê阿兄亞倫招集會眾;tī in ê目chiu 前,lín命令石磐出水,你為tio̍h人民hō͘水tùi石磐出來,hō͘會眾kah in ê chengseⁿ有水thang lim。」
20:9 摩西遵thàn命令,tī上主ê面前gia̍h 柺á。
20:10 摩西kah亞倫招集會眾來到石磐前,摩西對in講:「Lín chiahê悖逆ê人tio̍h聽!阮tio̍h hō͘水tùi chitê石磐流出來hō͘ lín lim,是無?」
20:11 摩西kā手gia̍h起來,用柺á phah石磐兩下,to̍h有真chē水流出來,會眾kah in ê chengseⁿ lóng lim水。
20:12 上主to̍h對摩西kah亞倫講:「因為lín m̄信我,無tī以色列人ê目chiu 前尊敬我做聖,所以,lín bē tàng chhōa chiahê ē眾入去我所賜hō͘ in ê地。」
20:13 Chiahê水名叫做米利巴ê水,是因為以色列人kah上主計較,上主to̍h對in顯明kakī 做聖。
20:14 以東王M̄准以色列人通過
摩西tùi加低斯差派使者去見以東王,講:「你ê兄弟以色列ánne講:『你知阮所tú tio̍h一切ê艱苦,
20:15 阮ê祖先落去埃及,阮tòa tī埃及真久;埃及人pháiⁿ款待阮kah阮ê祖先。
20:16 阮哀求上主ê時,祂聽阮ê聲,差遣使者chhōa阮出埃及,taⁿ阮tī你極邊á ê城加低斯。
20:17 求你容允阮經過你ê地,阮無beh tùi田園kah葡萄園經過,mā無lim chiahê井ê水,獨獨行大路,無偏左偏右,直直經過你ê地界。』」
20:18 以東王講:「你m̄ thang tùi我chia經過,免得我gia̍h刀出來抵敵你。」
20:19 以色列人kā伊講:「阮beh tùi大路行去;設使阮kah chengseⁿ lim你ê水,阮會還你價錢;准我行過去,mài chhap別項。」
20:20 以東王koh講:「你m̄ thang經過。」以東王to̍h chhōa真chē人出來,用giám硬ê手kā伊抵敵。
20:21 Án-ne,以東m̄准以色列人tùi伊ê地界經過;以色列to̍h oa̍t-tńg離開伊。
20:22 亞倫ê死亡
In tùi加低斯出發,以色列ê全會眾來到何珥山。
20:23 上主tī óa近以東邊界ê何珥山,吩咐摩西kah亞倫講:
20:24 亞倫teh beh死亡,因為伊bē tàng入去我賞賜以色列人ê地,因為tī米利巴ê水lín違背我ê命令。
20:25 你chōa亞倫kah伊ê kiáⁿ以利亞撒上去何珥山,
20:26 thǹg亞倫ê衫,kā伊ê kiáⁿ以利亞撒穿;亞倫ē死tī hia,tńg去祖家。」
20:27 摩西照上主所命令ê去行,in三人當會眾ê目chiu 前上去何珥山。
20:28 摩西thǹg亞倫ê衫,kā伊ê kiáⁿ以利亞撒穿,亞倫tī hia死tī山頂。然後摩西kah以利亞撒落山。
20:29 會眾看tio̍h亞倫已經死,to̍h為亞倫啼哭三十工;以色列全家mā lóng ánne。
各聖經譯本著作權如版權說明。
本畫面由信望愛資訊中心之CBOL計畫產生,歡迎連結,無須申請。CBOL計畫之資料版權宣告採用GNU Free Documentation License。願上帝的話能建造每一位使用這系統的人,來榮耀祂自己的名。