利未記 線上收聽:中文和合本 現代中文譯本修訂版 現代台語 台語聖經 客語 福州話 希伯來文讀經 下載檔案 關於語音聖經
15:1 Cha-po͘人下身流膿ê規定
上主吩咐摩西kah亞倫講：
15:2 「Lín tio̍h吩咐以色列人，kā in講：『人若患tio̍h下身流膿ê症頭，伊因為chitê下身流膿ê症頭to̍h無清氣。
15:3 伊因為下身流膿ê無清氣是chit款，無論是iáu teh流á是已經停止流，lóng是無清氣。
15:4 見若患tio̍h下身流膿ê，伊所倒ê床lóng是無清氣，伊所坐ê物，mā是無清氣。
15:5 見若摸tio̍h伊ê床ê，tio̍h洗伊ê衫，kakī tī水裡洗，無清氣到ê-hng。
15:6 Hitê坐tio̍h下身流膿ê人所bat chē ê物ê，tio̍h洗伊ê衫，kakī tī水裡洗，無清氣到ê-hng。
15:7 Hitê摸tio̍h下身流膿ê人ê身軀ê，tio̍h洗伊ê衫，kakī tī水裡洗，無清氣到ê-hng。
15:8 若下身流膿ê人phùi瀾tī清氣ê人ê身軀，hitê人tio̍h洗伊ê衫，kakī tī水裡洗，無清氣到ê-hng。
15:9 下身流膿 ê人所騎ê馬鞍mā是無清氣。
15:10 見若摸tio̍h伊身軀所óa tio̍h ê物ê人，一定ē無清氣到ê-hng；the̍h tio̍h hitê物ê人tio̍h洗伊ê衫，kakī tī水裡洗，無清氣到ê-hng。
15:11 下身流膿ê人iáu未用水洗手，伊所摸tio̍h ê人tio̍h洗伊ê衫，kakī tī水裡洗，無清氣到ê-hng。
15:12 下身流膿ê人所摸tio̍h ê磁器具tio̍h 摃破，柴ê器具tio̍h用水洗。
15:13 「下身流膿ê人ê下身流膿若已經好，為tio̍h beh清氣kakī ，tio̍h算七日，mā tio̍h洗伊ê衫，用活水洗身軀，to̍h得tio̍h清氣。
15:14 到第八日，伊tio̍h為tio̍h kakī 取兩隻斑鴿 á是兩隻粉鳥kiáⁿ，到會幕門口上主ê面前，交帶祭司；
15:15 祭司tio̍h獻，一隻做贖罪祭，一隻做燒祭；祭司tio̍h因為伊ê下身流膿ê症頭，tī上主ê面前kā伊贖罪。
15:16 「人若夢洩，tio̍h用水洗身軀，一定無清氣到ê-hng。
15:17 無論衫á褲á是皮膚bak tio̍h精水，tio̍h用水洗，一定無清氣到ê-hng。
15:18 若男女交合，兩人tio̍h用水洗，一定無清氣到ê-hng。」
15:19 Cha-bó͘人月經ê規定
「Cha-bó͘人行經流血，一定污穢到七日；見若摸tio̍h她ê，一定無清氣到ê-hng。
15:20 Tī她污穢ê時間，見若她所倒ê物lóng是無清氣，見若她所坐ê物mā是無清氣。
15:21 見若摸tio̍h她ê眠床ê，tio̍h洗伊ê衫，kakī tī水裡洗，無清氣到ê-hng。
15:22 見若摸tio̍h她所坐ê物ê，tio̍h洗伊ê衫，kakī tī水裡洗，無清氣到ê-hng。
15:23 Hitê物若是tī床裡á是tī chabó͘人所坐ê物，摸tio̍h它ê，一定無清氣到ê-hng。
15:24 Cha-po͘人若kah hitê chabó͘人同房，hō͘她ê lahsap bak tio̍h，tio̍h七日無清氣，見若伊所倒ê床mā無清氣。
15:25 「Cha-bó͘人若tī經期以外患tio̍h真chē日ê血漏á是經期以後有血漏，她就因為chitê血漏無清氣ê日kah伊經期ê日相siâng，她是無清氣。
15:26 Tī她血漏所有ê日，見若她所倒ê床，她tio̍h看親像經期ê床相siâng，見若她所坐ê物mā一定無清氣，kah她經期ê時無清氣相siâng。
15:27 見若摸tio̍h hiahê物e5to̍h無清氣，tio̍h洗伊ê衫，kakī tī水裡洗，無清氣到ê-hng。
15:28 Cha-bó͘人血漏若已經好，tio̍h為kakī 算七日，然後chiah清氣。
15:29 到第八日，伊tio̍h為kakī 取兩隻斑鴿 á是兩隻粉鳥kiáⁿ，帶到會幕門口，交帶祭司。
15:30 祭司tio̍h獻一隻做贖罪祭，一隻做燒祭；祭司因為hitê人血漏無清氣，tio̍h tī上主ê面前為tio̍h她贖罪。
15:31 「Lín tio̍h ánne hō͘以色列人kah in ê無清氣隔斷，免得in òe lahsap tī in中間ê我ê會幕，因為in ê無清氣致使死亡。」
15:32 「這是患tio̍h下身流膿症kah夢洩致使伊無清氣ê，kah hiahê有經期ê病ê chabó͘人，kah患tio̍h下身流膿ê，無論男女，以及人kah無清氣ê chabó͘人同房ê規例。
各聖經譯本著作權如版權說明。
本畫面由信望愛資訊中心之CBOL計畫產生，歡迎連結，無須申請。CBOL計畫之資料版權宣告採用GNU Free Documentation License。願上帝的話能建造每一位使用這系統的人，來榮耀祂自己的名。