希伯來書 線上收聽:中文和合本 現代中文譯本修訂版 現代台語 台語聖經 台語(長老會傳播中心授權) 客語 現代客語 福州話 粵語和合本 希臘文(WH-NT) 下載檔案 關於語音聖經
8:1 咱ê大祭司耶穌
我所講ê要點to̍h是:咱有chit款ê大祭司,祂坐tī天頂至大上帝寶座ê正pêng。
8:2 祂tī聖所kah真ê會幕teh服事,chitê ē幕是主所設立ê,m̄是人所造ê。
8:3 每一个大祭司ê設立,lóng是為tio̍h獻禮物kah祭祀,所以,chitê大祭司mā一定tio̍h有啥物thang獻。
8:4 耶穌若留tī地chiūⁿto̍h無做祭司,因為已經有祭司照律法teh獻禮物。
8:5 照律法ê祭司所做ê服事,只不過是仿造天頂ê會幕kah影像。Tú親像摩西beh造會幕ê時,上帝有kā伊指示,講:「你tio̍h謹慎,一切tio̍h照tī山頂我kā你指示ê款式來造。」(註:出25:40)
8:6 Taⁿ耶穌已經得tio̍h koh khah尊貴ê服事,祂做koh khah好ê約ê中保。Chitê約是用koh khah好ê應允來設立ê。
8:7 頭一个約若無啥物缺點,to̍h無需要立第二个約。
8:8 上帝kā in指責,講:你看,日子teh beh到,我 beh kah以色列人民以及偤大人民立新ê約。
8:9 Chitê約無親像前我kah in ê祖先所立ê,to̍h是牽in ê手,chhōa in出埃及ê時所立ê,因為in無繼續守我ê約,我mā無beh看顧in。
8:10 主koh講:Chiahê日以後, 我 kah以色列人beh立ê約是ánne: 我 beh kā我ê律法khǹg tī in ê頭腦,刻tī in ê心。我beh做in ê上帝, in beh做我ê子民。
8:11 In lóng bē koh教示in ê同胞á是in ê兄弟姊妹講:你tio̍h bat主。因為tùi siōng細到siōng大,in lóng ēbat我。
8:12 我ē赦免in ê不義,無kohē記得in ê罪惡。」(註:耶31:31-34)
8:13 上帝既然講起新ê約,to̍h hō͘頭一个約變做舊ê。Hitê漸漸舊去koh衰退e5to̍h ēliâmpiⁿ消失去。
各聖經譯本著作權如版權說明。
本畫面由信望愛資訊中心之CBOL計畫產生,歡迎連結,無須申請。CBOL計畫之資料版權宣告採用GNU Free Documentation License。願上帝的話能建造每一位使用這系統的人,來榮耀祂自己的名。