Tē-jī pái liam-khau sī ūi tio̍h Si-miān, to̍h-sī ūi tio̍h Si-miān lâng ê chi-cho̍k, chiàu in ê chong-cho̍k. In ê sán-gia̍p sī tī Iô-tah lâng ê sán-gia̍p ê tiong-kan. 19:2 In só͘ tit tio̍h ê sán-gia̍p, to̍h-sī Bel-sí-bah, Sí-bah, Mô͘-la-tah, 19:3 Ha-chal-siu-al, Ba-la̍h, E-chém, 19:4 I-lī-to-la̍h, Pí-thó͘-le̍k, Hol-mah, 19:5 Chik-lak, Biat-mal-ka-bo͘t, Hap-sat-so͘-sat, 19:6 Pek-lī-pa-bu̍t, Sa-ló͘-hiám, kiōng cha̍p-saⁿ chō siâⁿ kah i ê chng-thâu. 19:7 A-in, Lī-bûn, E-thel, A-siang, kiōng sì chō siâⁿ kah i ê chng-thâu; 19:8 Kah chiahê siâⁿ sì-kho͘-ûi it-chhè ê chng-thâu, it-ti̍t kàu Ba-lat-be-el lâm pêng ê La̍h-má. Che sī Si-miān lâng ê chi-cho̍k só͘ tit tio̍h ê sán-gia̍p, chiàu in ê chong-cho̍k. 19:9 Si-miān lâng ê sán-gia̍p sī tùi Iô-tah lâng ê sán-gia̍p tiong-kan tit tio̍h ê, in-ūi Iô-tah lâng ê hūn-gia̍h siuⁿ chē, só͘-í, Si-miān lâng tī in ê sán-gia̍p tiong-kan tit tio̍h gia̍p. 19:10
Che-bú-lông Chi-cho̍k Pun tio̍h ê Thó͘-tē
Tē-saⁿ pái liam-khau sī ūi tio̍h Che-bú-lông lâng, chiàu in ê chong-cho̍k. 19:11 In ê sán-gia̍p ê tē-kài sī kàu Sat-li̍p, in ê kài sai pêng it-ti̍t khì-kàu Má-la̍h-la̍h, thàu kàu Tāi-pa-siat, koh thàu kàu Iok-niām thâu-chêng ê khe; 19:12 koh tùi Sat-li̍p oat tùi tang pêng, ǹg ji̍t chhut ê só͘-chāi, kàu Kiat-su-lio̍k-tha-po̍k ê kau-kài, koh thàng-kàu Tāi-pi-la̍h, it-ti̍t kàu Ia-hui-iah. 19:13 Tùi hia ǹg tang khì-kàu Gat-he-huil, koh kàu E-te̍l-ka-sìn, koh chhut-khì Lim-móng, thàng-kàu Nî-a; 19:14 hit-ê kài tùi pak-hong se̍h kòe-.khì, kàu Han-na-tòng, thàng-kàu I-hut-tha-i-le̍k ê soaⁿ-kok ûi-chí. 19:15 Ιáu ū Ka-tha, ná-hap-la̍h, Sim-lông, Í-tāi-la̍h, Bia̍t-lé-hèm, kiōng cha̍p-jī chō siâⁿ kah in ê chng-thâu. 19:16 Chiahê siâⁿ kah in ê chng-thâu, to̍h-sī Che-bú-lông lâng só͘ tit tio̍h ê sán-gia̍p, chiàu in ê chong-cho̍k. 19:17
It-sa-kal Chi-cho̍k Pun tio̍h ê Thó͘-tē
Tē-sì pái liam-khau sī ūi tio̍h It-sa-kal, to̍h-sī ūi tio̍h It-sa-kal lâng, chiàu in ê chong-cho̍k. 19:18 In ê tē-kài ū E-chu-le-el, Ki-so͘-lu̍t, Su-liām, 19:19 Hal-ho͘l-liân, Sī-àn, A-ná-hap-la̍h, 19:20 La̍h-phek, Ki-sióng, El-biat, 19:21 Lī-bia̍t, Ún-kan-lêng, Ún-hap-tāi, Pek-phàⁿ-siat, 19:22 hit-ê kau-kài kàu Tha-bo͘l, Sa-hap-sé-má, Bia̍t-si-mé-si, in ê kài ê ke̍k-thâu sī tī Iol-tàn, kiōng cha̍p-la̍k chō siâⁿ kah in ê chng-thâu. 19:23 Chiahê siâⁿ kah in ê chng-thâu, to̍h-sī It-sa-kal lâng ê chi-cho̍k só͘ tit tio̍h ê sán-gia̍p, chiàu in ê chong-cho̍k. 19:24
A-sel Chi-cho̍k Pun tio̍h ê Thó͘-tē
Tē-gō͘ pái liam-khau sī ūi tio̍h A-sel lâng ê chi-cho̍k, chiàu in ê chong-cho̍k. 19:25 In ê tē-kài sī Hek-kah, Hap-lī, Pí-tiân, Ap-soah, 19:26 A-la̍h-bí-le̍k, A-boa̍t, BÍ-sa-le̍k, ǹg sai pêng kàu Kal-mel, koh kàu Hi-hat-li̍p-la̍p, 19:27 oat ǹg ji̍t chhut ê só͘-chāi, kàu Pek-tāi-kún, thàng-kàu Che-bú-lông, oat pak pêng kàu I-hut-tha-i-le̍k soaⁿ-kok, kàu Pek-í-be̍k kah Nî-gia̍p, mā thàng-kàu Ka-bul ê tò pêng. 19:28 Koh kàu Gī-pek-lûn, Le-hap, Ham-móng, Ka-ná, it-ti̍t kàu Si-tòng ê tōa siâⁿ. 19:29 Hitê kài oat kàu La̍h-má kah kian-kò͘ ê siâⁿ Tu-lô; hit-ê kài koh se̍h kàu Ho-sah, i ê ke̍k-thâu kàu tī hái, kīn Ak-chip it-tài ê só͘-chāi; 19:30 koh ū O͘-má, A-hek, Le-hap, kiōng jī-cha̍p jī chō siâⁿ kah i ê chng-thâu. 19:31 Chiahê siâⁿ kah in ê chng-thâu, to̍h-sī A-sel lâng ê chi-cho̍k só͘ tit tio̍h ê sán-gia̍p, chiàu in ê chong-cho̍k. 19:32
Ná-hu-tha-lím Chi-cho̍k Pun tio̍h ê Thó͘-tē
Tē-la̍k pái liam-khau sī ūi tio̍h Ná-hu-tha-lím lâng, to̍h-sī Ná-hu-tha-lím ê lâng, chiàu in ê chong-cho̍k. 19:33In ê kài sī tùi Hi-lī-hut, tùi Sat-ná-im ê siōng chhiū, tùi A-tāi-bí-nî-kiat kah Ngá-pí-liap, it-ti̍t kàu La̍h-kiōng, thàng-kàu Iol-tàn hô; 19:34 hit-ê kài oat ǹg sai pêng, kàu A-su-la̍p-tha-po̍k, tùi hia chhut-khì kàu Hok-kok, lâm pêng kàu Che-bú-lông, sai pêng kàu A-sel, koh ǹg ji̍t chhut ê só͘-chāi, thàu kàu Iol-tàn hô hia, kàu Iô-tah. 19:35 Kian-kò͘ ê siâⁿ to̍h-sī Se-teng, Chhek-jíⁿ, Ham-mat, La̍h-kah, Kin-né-lo̍t, 19:36 A-tāi-má, La̍h-má, Ha-cho͘l, 19:37 Ke-té-sih, E-tu-lé, Ún-hā-só, 19:38 Í-lī-ún, Bi̍t-tāi-i-le̍k, Hô-liân, Pek-a-la̍p, Bia̍t-si-mé-si, kiōng cha̍p-káu chō siâⁿ kah in ê chng-thâu. 19:39 Chiahê siâⁿ kah in ê chng-thâu, to̍h-sī Ná-hu-tha-lím lâng ê chi-cho̍k só͘ tit tio̍h ê sán-gia̍p, chiàu in ê chong-cho̍k. 19:40
Tàn Chi-cho̍k Pun tio̍h ê Thó͘-tē
Tē-chhit pái liam-khau sī ūi tio̍h Tàn ê kiáⁿ-sun ê chi-cho̍k, chiàu in ê chong-cho̍k. 19:41 In ê sán-gia̍p ê tē-kài sī Cho-lah, E-si-ta-ol, I-jíⁿ-sī-be̍k, 19:42 Sa-la̍h-pin, A-iá-lông, I-thê-la̍h, 19:43 E-lóng, Têng-ná-tha, Ek-lóng, 19:44 I-lī-thê-ki, Gip-be-thòng, Ba-la̍h, 19:45 I-ô͘-tek, Pí-nî-pí-la̍h, Gat-lim-móng, 19:46 Bí-iâ-khun, La̍h-khun kah Io̍p-pe tùi-bīn ê tē-kài. 19:47 Tàn ê kiáⁿ-sun ê tē-kài pôaⁿ-kòe in ê pún-gia̍p, in-ūi Tàn ê kiáⁿ-sun khì kong-kek Lī-siān lâi cheng-ho̍k i, ēng to thâi siâⁿ lāi ê lâng, tit tio̍h hit-ê siâⁿ, ēng in chó͘-sian Tàn ê miâ kā Lī-siān kiò-chò Tàn. 19:48 Chiahê siâⁿ kah in ê chng-thâu, to̍h-sī Tàn ê kiáⁿ-sun ê chi-cho̍k só͘ tit tio̍h ê sán-gia̍p, chiàu in ê chong-cho̍k. 19:49
Chòe-āu Hun-phòe ê Thó͘-tē
In chiàu tē-kài pun tē chò sán-gia̍p í-keng oân-sêng, I-su-la-el lâng chiū tī in tiong-kan kā tē hō͘ Nùn ê kiáⁿ Io-siú-ah chò sán-gia̍p. 19:50 Chiàu Siōng-chú ê bēng-lēng, kā i só͘ kiû ê siâⁿ hō͘ i, to̍h-sī E-hu-laim soaⁿ-tē ê Têng-ná-se-la̍h, i chiū khí hit-ê siâⁿ, tòa tī hit tiong-kan. 19:51 Chiahê to̍h-sī chè-si Ê-lī-a-chal kah Nùn ê kiáⁿ Io-siú-ah, í-ki̍p I-su-la-el lâng chi-cho̍k tiong ê cho̍k-tiúⁿ, tī Sī-lô, tī hōe-bō͘ mn̂g-kháu, Siōng-chú ê bīn-chêng, liam-khau só͘ pun ê sán-gia̍p, ánne in pun oân hit-ê tē.