民數記 線上收聽:中文和合本 現代中文譯本修訂版 現代台語 台語聖經 客語 福州話 希伯來文讀經 下載檔案 關於語音聖經
34:1 Siōng-chú Sù Ka-nân Tē ê Kéng-kài
Siōng-chú hoan-hù Mô͘-se kóng,
34:2 " Lí tio̍h bēng-lēng I-su-la-el lâng, kā in kóng: Lín kàu Ka-nân tē ê sî, to̍h-sī kui hō͘ lín chò sán-gia̍p ê Ka-nân, chiàu i sì-kho͘-ûi ê tē,
34:3 lín ê lâm-hong tio̍h tùi Chîn ê khòng-iá iân E-tóm ê pian-kài, lín ê lâm-kài tio̍h tùi Iâm-hái tang pêng ê ke̍k-thâu.
34:4 Lín ê kài tio̍h kàu A-khek-la̍h-piⁿ ê soaⁿ-phiâⁿ ê lâm pêng, sòa-kàu Chîn, ti̍t-ti̍t thàng-kàu Ka-té-si Bal-né-ah ê lâm pêng, koh thàng-kàu Hap-sat-a-ta̍t, sòa-kàu Ap-bûn.
34:5 Chit-ê kéng-kài tio̍h tùi Ap-bûn oat kàu Ai-gi̍p ê khe, thàng-kàu hái ûi-chí.
34:6 " Sai-pêng tio̍h ēng tōa hái chò kài, che to̍h-sī lín sai pêng ê kài.
34:7 " Lín pak pêng ê kài tio̍h tùi tōa hái, ōe-kàu Hol soaⁿ.
34:8 Tùi Hol soaⁿ ōe-kàu Ha-mat ê lō͘-kháu, thàng-kàu Che-ta̍t.
34:9 Koh thàng-kàu Se-húi-lûn, it-ti̍t kàu Hap-sat-í-lân ûi-chí, che beh chò lín pak pêng ê kài.
34:10 " Lín tio̍h tùi Hap-sat-í-lân, ōe-kàu Sī-hoan chò lín tang pêng ê kài.
34:11 Chit-ê kài tio̍h tùi Sī-hoan lo̍h-khì kàu A-iân tang pêng ê Lip-la̍h, koh lo̍h-khì kàu Kin-né-lo̍t ô͘ ê tang pêng.
34:12 Chit-ê kài tio̍h lo̍h-khì kàu Iol-tàn hô, thàng-kàu Iâm-hái ûi-chí. Chit sì-kho͘-ûi ê kài lāi beh chò lín ê tē. "
34:13 Mô͘-se bēng-lēng I-su-la-el lâng kóng, " Che sī chiàu lín só͘ liam-khau chò teh beh sòa-chiap chò-gia̍p ê tē, Siōng-chú só͘ bēng-lēng hō͘ káu-ê chi-cho̍k koh pòaⁿ chi-cho̍k ê.
34:14 In-ūi Lū-biān kiáⁿ-sun ê chi-cho̍k chiàu in ê chong-cho̍k, koh ū Ga̍t kiáⁿ-sun ê chi-cho̍k chiàu in ê chong-cho̍k, í-keng tit tio̍h sán-gia̍p; Má-ná-se pòaⁿ chi-cho̍k mā ū tit tio̍h.
34:15 Chit nn̄g chi-cho̍k, koh ū pòaⁿ chi-cho̍k, í-keng tī Iol-tàn hô gōa, I-é-lī-kho siâⁿ ê tang pêng, ǹg ji̍t chhut ê só͘-chāi tit tio̍h sán-gia̍p. "
34:16 Hū-chek Pun Tē ê Siú-léng
Siōng-chú koh hoan-hù Mô͘-se kóng,
34:17 " Beh kā lín pun tē chò sán-gia̍p ê lâng ê miâ-jī kì tī ē-té: Sī chè-si Ê-lī-a-chal kah Nùn ê kiáⁿ Io-siú-ah.
34:18 Lín tio̍h tùi ta̍k chi-cho̍k kéng chi̍t-ê siú-léng, pun hit-ê tē chò sán-gia̍p.
34:19 Chiahê lâng ê miâ kì tī ē-té: Iô-tah ê chi-cho̍k, ū E-hun-neh ê kiáⁿ Ka-le̍p.
34:20 Si-miān kiáⁿ-sun ê chi-cho̍k, ū A-mi-hut ê kiáⁿ Sa-mú-el.
34:21 Biān-iá-mín ê chi-cho̍k, ū Ki-su-lûn ê kiáⁿ Í-lī-ta̍t.
34:22 Tàn ê kiáⁿ-sun ê chi-cho̍k, ū siú-léng Iok-lī ê kiáⁿ Buk-ki.
34:23 Iô-sé-huh ê kiáⁿ-sun, Má-ná-se kiáⁿ-sun ê chi-cho̍k, ū siú-léng E-hut ê kiáⁿ Hàn-liap.
34:24 E-hu-laim kiáⁿ-sun ê chi-cho̍k, ū siú-léng Li̍p-hut-tàn ê kiáⁿ Ke-mu-el.
34:25 Che-bú-lông kiáⁿ-sun ê chi-cho̍k, ū siú-léng Phàⁿ-la̍p ê kiáⁿ I-lī-sat-hoan.
34:26 It-sa-kal kiáⁿ-sun ê chi-cho̍k, ū siú-léng A-chàn ê kiáⁿ Phàⁿ-thiah.
34:27 A-sel kiáⁿ-sun ê chi-cho̍k, ū siú-léng Sī-lô-bí ê kiáⁿ A-hi-hut.
34:28 Ná-hu-tha-lím kiáⁿ-sun ê chi-cho̍k, ū siú-léng A-mi-hut ê kiáⁿ Pí-tāi-hek.
34:29 Chiahê lâng to̍h-sī Siōng-chú só͘ bēng-lēng tī Ka-nân tē kā sán-gia̍p pun hō͘ I-su-la-el lâng ê.
各聖經譯本著作權如版權說明。
本畫面由信望愛資訊中心之CBOL計畫產生，歡迎連結，無須申請。CBOL計畫之資料版權宣告採用GNU Free Documentation License。願上帝的話能建造每一位使用這系統的人，來榮耀祂自己的名。