啟示錄 線上收聽:中文和合本 現代中文譯本修訂版 現代台語 台語聖經 台語(長老會傳播中心授權) 客語 現代客語 福州話 粵語和合本 希臘文(WH-NT) 下載檔案 關於語音聖經
15:1 Mô͘-se kah Iûⁿ-ko Chi Koa
Jiân-āu, góa koh khòaⁿ tio̍h lēng-gōa chi̍t-ê tōa koh kî-koài ê tiāu-thâu tī thiⁿ-téng, to̍h-sī ū chhit-ê thiⁿ-sài teh chiáng-koán chhit-hāng chai-hō; chiahê sī chòe-āu ê chai-hō, in-ūi Siōng-tè ê tōa siū-khì í-keng kàu-ke̍k à.
15:2 Góa koh khòaⁿ tio̍h kah hóe chham chò-hóe ê po-lê-hái, mā ū khòaⁿ tio̍h hiahê tek-sèng ê lâng, to̍h-sī hiahê thoat-lī béng-siù kah i ê chō-siōng, í-ki̍p ēng sò͘-jī tāi-piáu in ê miâ ê lâng. In khiā tī po-lê-hái, ta̍k lâng ê chhiú lóng the̍h chi̍t ki Siōng-tè hō͘ in ê khiā-khîm.
15:3 In teh chhiùⁿ Siōng-tè ê lô͘-po̍k Mô͘-se ê koa kah iûⁿ-ko ê koa, " Chú — choân-lêng Siōng-tè, Lí ê chok-ûi úi-tāi koh kî-biāu; bān-bîn ê ông, Lí ê tō-lō͘ kong-gī koh chin-si̍t.
15:4 Chú ah, siáⁿ-mi̍h lâng káⁿ m̄ kèng-ùi Lí, káⁿ bô êng-kng Lí ê miâ? In-ūi chí ū Lí sī sèng, lia̍t kok lóng beh lâi Lí ê bīn-chêng kèng-pài Lí; in-ūi chèng lâng lóng ū khòaⁿ tio̍h Lí kong-gī ê chok-ûi.
15:5 Chhit Tè Kim-óaⁿ Ī-kò ê Chai-hō
Chiahê tāichì liáu-āu, góa koh khòaⁿ tio̍h thiⁿ-téng sèng-tiān ê mn̂g phah-khui-khui, lāi-bīn ū Siōng-tè lîm-chāi ê hōe-bō͘.
15:6 Chiáng-koán chòe-āu chhit-ê chai-hō ê chhit-ê thiⁿ-sài tùi sèng-tiān chhut-.lâi, sin chhēng chheng-khì koh kng iàⁿiàⁿ ê iù-môa-pò͘ saⁿ, heng-khám hâ kim-tòa.
15:7 Sì-chiah oa̍h-mi̍h ê chi̍t chiah kā chhit tè kim óaⁿ hō͘ hit chhit-ê thiⁿ-sài, lāi-bīn té móa éng-oán oa̍h ê Siōng-tè ê tōa siū-khì.
15:8 Sèng-tiān lāi bīn chhiong-móa Siōng-tè ê êng-kng kah koân-lêng chhèng chhut-.lâi ê ian. It-ti̍t kàu chhit-ê thiⁿ-sài ê chhit-hāng chai-hō kiat-sok chìn-chêng, bô lâng ē-tàng ji̍p-khì sèng-tiān.
各聖經譯本著作權如版權說明。
本畫面由信望愛資訊中心之CBOL計畫產生,歡迎連結,無須申請。CBOL計畫之資料版權宣告採用GNU Free Documentation License。願上帝的話能建造每一位使用這系統的人,來榮耀祂自己的名。