啟示錄 線上收聽:中文和合本 現代中文譯本修訂版 現代台語 台語聖經 台語(長老會傳播中心授權) 客語 現代客語 福州話 粵語和合本 希臘文(WH-NT) 下載檔案 關於語音聖經
1:1 Che sī I-é-su Ki-tok ê khé-sī, Siōng-tè hō͘ Ki-tok chit-ê khé-sī, ài I kā liâmpiⁿ it-tēng ē hoat-seng ê tāichì chí-sī Siōng-tè ê lô͘-po̍k; Ki-tok ū chhe-khián I ê thiⁿ-sài khì chí-sī Siōng-tè ê lô͘-po̍k Iô-há-neh.
1:2 Iô-há-neh kā só͘ khòaⁿ tio̍h koan-hē Siōng-tè ê sìn-sit kah I-é-su Ki-tok ê kiàn-chèng, tùi só͘-ū ê lâng chò-chèng.
1:3 Tha̍k chit pún chheh kah thiaⁿ hiahê ī-giân, koh chun-siú kî-tiong só͘ kì-chài ê lâng chin ū hok-khì, in-ūi èng-giām chiahê tāichì ê ji̍t-kî teh beh kàu à.
1:4 Tùi Chhit Keng Kàu-hōe Chhéng-an
Góa — Iô-há-neh siá phoe kià hō͘ A-si-a séng ê chhit keng kàu-hōe. Goān hiān-chāi chûn-chāi, chá-chêng chûn-chāi, chiong-lâi mā chûn-chāi ê Siōng-tè kah I chō-ūi chêng ê chhit-ê lêng í-ki̍p I-é-su Ki-tok sù lín un-tián kah pêng-an.
1:5 Ki-tok sī tiong-si̍t ê kiàn-chèng-jîn, sī thâu chi̍t-ê tùi sí-lâng tiong koh-oa̍h, koh sī tē-chiūⁿ bān-ông ê Chú-cháiⁿ.
1:6 Ki-tok thiàⁿ lán, ūi tio̍h lán lâu hoeh hi-seng, lâi tháu-pàng lán thoat-lī lán ê chōe, mā hō͘ lán chiâⁿ-chò kok-tō͘, chiâⁿ chò chè-si, lâi ho̍k-sāi I ê Thiⁿ-pē Siōng-tè. Goān êng-kng kah koân-lêng kui tī I-é-su Ki-tok, tāi-tāi bô chīn. A-men!
1:7 Lí khòaⁿ, Ki-tok chē hûn teh lâi, chèng lâng ē khòaⁿ tio̍h I. Liân ēng chhiuⁿ chha̍k I ê lâng mā ē khòaⁿ tio̍h I. Tē chiūⁿ bān-bîn lóng ē in-ūi I ê chài-lîm lâi hóe-kái thî-khàu. Chit-ê tāichì it-tēng ē ánne hoat-seng. A-men!
1:8 Hiān-chāi chûn-chāi, chá-chêng chûn-chāi, chiong-lâi mā chûn-chāi ê choân-lêng ê Chú — Siōng-tè kóng, " Góa sī khí-thâu ê Al-hoah(Α) koh sī kiat-bóe ê O͘-mè-gah(Ω). "
1:9 Ki-tok Tùi Iô-há-neh Hián-hiān
Góa — Iô-há-neh sī lín ê hiaⁿ-tī, ū kah lín chò-hóe hun-tam I-é-su ê khó͘-lān kah thun-lún, koh ū hūn tī I ê kok-tō͘. Ūi tio̍h beh thoân Siōng-tè ê sìn-sit kah kiàn-chèng I-é-su ê hok-im, góa bat tòa tī chi̍t-ê miâ kiò-chò Pa̍t-mo͘h ê hái-tó.
1:10 Tī chi̍t-ê Chú ê ji̍t, góa hō͘ Sèng Sîn kám-tōng, thiaⁿ tio̍h tī góa ê āu-bīn ū chhin-chhiūⁿ kó͘-chhoe ê tōa siaⁿ-im,
1:11 Kóng, " Lí tio̍h kā só͘ khòaⁿ-.tio̍h ê siá-chò chheh, kià hō͘ hit chhit keng kàu-hōe, to̍h-sī Ê-hu-soh, Sū-mú-ná, Pia̍t-ga-mô͘, Τhu-a-tí-lah, Sal-tí, Hui-la-té-hui-ah, Lâu-tí-kiah. "
1:12 Góa oa̍t tńg-sin siūⁿ beh khòaⁿ kah góa kóng-ōe ê sī siáⁿ lâng, kiat-kó khòaⁿ tio̍h chhit ki kim teng-tâi.
1:13 Teng-tâi ê tiong-ng ū chi̍t ūi chhin-chhiūⁿ Jîn-chú, chhēng chi̍t-niá tn̂g-phàu, heng-khám hâ kim-tòa.
1:14 I ê thâu-mn̂g pe̍h kah ná chhin-chhiūⁿ iûⁿ-mn̂g á-.sī seh, I ê ba̍k-chiu chhin-chhiūⁿ hóe-iām.
1:15 I ê kha chhin-chhiūⁿ kòe hóe-lô͘ toàn-liān koh bôa-kòe ê tâng hiahni̍h kim; I ê siaⁿ chhin-chhiūⁿ tōa-chúi teh chhiâng ê siaⁿ hiah hiáng.
1:16 Tī I ê chiàⁿ chhiú ū chhit lia̍p chheⁿ, I ê chhùi thò͘-chhut siaam bīn lāi ê kiàm. I ê bīn-māu hoat kng, chhin-chhiūⁿ tiong-tàu sî ê ji̍t-thâu hiah kng.
1:17 Góa chi̍t-ē khòaⁿ tio̍h I, chiū kahná sí-lâng phak tī I ê kha chêng. I ēng chiàⁿ chhiú hōaⁿ góa, kóng, " M̄-bián kiaⁿ, góa sī khí-thâu ê, mā sī kiat-bóe ê.
1:18 Góa sī hit ūi éng-oán oa̍h-.leh ê. Góa bat sí, taⁿ góa oa̍h-.leh, koh ē oa̍h kàu bān-sè-tāi. Góa chiáng-koán sí-bông kah im-hú ê só-sî.
1:19 Só͘-í, lí tio̍h kā só͘ khòaⁿ-.tio̍h ê, hiān-kim só͘ teh hoat-seng ê kah chiong-lâi ē hoat-seng ê tāichì lóng siá lo̍h-.lâi.
1:20 Lí só͘ khòaⁿ tio̍h tī góa chiàⁿ chhiú hit chhit lia̍p chheⁿ kah chhit ki kim teng-tâi ê ò-pì sī ánne, chhit lia̍p chheⁿ sī chhit keng kàu-hōe ê sù-chiá, chhit ki teng-tâi sī chhit keng kàu-hōe. "
各聖經譯本著作權如版權說明。
本畫面由信望愛資訊中心之CBOL計畫產生,歡迎連結,無須申請。CBOL計畫之資料版權宣告採用GNU Free Documentation License。願上帝的話能建造每一位使用這系統的人,來榮耀祂自己的名。