約翰三書 線上收聽:中文和合本 現代中文譯本修訂版 現代台語 台語聖經 台語(長老會傳播中心授權) 客語 現代客語 福州話 粵語和合本 希臘文(WH-NT) 下載檔案 關於語音聖經
1:1 Chhéng-an
Góa chò tiúⁿ-ló, siá phoe kià hō͘ chhin-ài ê Gâ-io̍h, lí sī góa tī Chú lāi só͘ thiàⁿ ê.
1:2 Chhin-ài ê hiaⁿ-tī, góa chiok lí bān sū heng-thong, seng-khu ióng-kiāⁿ, chhin-chhiūⁿ lí ê sim-sîn hiahni̍h kiān-choân.
1:3 Ū hiaⁿ-tī lâi chia kā góa chèng-si̍t, lí tùi chin-lí tiong-si̍t, it-ti̍t ū chiàu chin-lí teh seng-oa̍h, góa chin hoaⁿ-hí.
1:4 Góa thiaⁿ tio̍h góa ê kiáⁿ-jî ū chiàu chin-lí teh seng-oa̍h, bô siáⁿ-mi̍h ē pí che hō͘ góa koh khah hoaⁿ-hí.
1:5 Kó͘-lē Gâ-io̍h
Chhin-ài ê hiaⁿ-tī, lí tiong-si̍t khoán-thāi hiaⁿ-tī á-.sī chí-mōe, sīm-chì tùi chhut-gōa lâng mā sī ánne.
1:6 In bat tī chia ê hōe-chiòng bīn-chêng, kiàn-chèng lí ê thiàⁿ-sim. Chhiáⁿ lí chiàu Siōng-tè só͘ hoaⁿ-hí ê, kā in pang-chān, hō͘ in kè-sio̍k in ê lú-thêng.
1:7 In-ūi in ūi tio̍h Ki-tok ê miâ chhut-gōa thoân hok-im, lóng bô tùi bī-sìn-chiá chiap-siū siáⁿ-mi̍h.
1:8 Só͘-í, lán eng-kai chiap-thāi chit khoán lâng, thang kah in ūi tio̍h chin-lí lâi chò tâng-kang.
1:9 Tiō-tò-hui kah Tê-mē-tu-lí-oh
Góa bat siá chi̍t tiuⁿ kán-tan ê phoe hō͘ kàu-hōe, m̄ koh, ài beh chò thâu-lâng ê Tiō-tò-hui bô beh chiap-la̍p góa ê ōe.
1:10 Só͘-í, góa nā khì lín hia ê sî, beh thê-khí i bat ēng pháiⁿ ōe kong-kek goán ê tāichì; m̄ nā ánne, i pún-sin m̄ chiap-thāi sìn-tô͘, sīm-chì chó͘-tòng hiahê ài beh chiap-thāi ê lâng, koh kā in kóaⁿ-chhut kàu-hōe.
1:11 Chhin-ài ê hiaⁿ-tī, m̄ thang o̍h pháiⁿ, tio̍h o̍h hó. Chò hó ê lâng sio̍k Siōng-tè, chò pháiⁿ ê lâng m̄ bat khòaⁿ tio̍h Siōng-tè.
1:12 Chèng lâng lóng oló Tê-mē-tu-lí-oh, chin-lí pún-sin mā ūi i chò-chèng; goán mā ūi i chò kiàn-chèng, lí chai goán ê kiàn-chèng sī chin-si̍t.
1:13 Kiat-bóe ê Chhéng-an
Góa iáu ū chin chē tāichì ài beh kā lí kóng, m̄ koh, bô ài ēng pit kè-sio̍k siá.
1:14 Góa ǹg-bāng bô-kú ē-tàng khì lí hia, lán chiah lâi tng-bīn kóng.
1:15 Goān lí pêng-an! Lí tī chia ê pêng-iú lóng kā lí chhéng-an. Chhiáⁿ thè góa kā múi chi̍t-ê pêng-iú chhéng-an.
各聖經譯本著作權如版權說明。
本畫面由信望愛資訊中心之CBOL計畫產生,歡迎連結,無須申請。CBOL計畫之資料版權宣告採用GNU Free Documentation License。願上帝的話能建造每一位使用這系統的人,來榮耀祂自己的名。