出埃及記 線上收聽:中文和合本 現代中文譯本修訂版 現代台語 台語聖經 客語 福州話 希伯來文讀經 下載檔案 關於語音聖經
24:1 Li̍p-iok ê Ìn-kì
Siōng-chú kā Mô͘-se kóng, " Lí kah A-lông, Ná-tap, A-mí-huh, í-ki̍p I-su-la-el tiúⁿ-ló tiong chhit-cha̍p lâng, lóng tio̍h chiūⁿ-kàu Siōng-chú chia, hn̄g-hn̄g phak lo̍h-khì pài.
24:2 To̍k-to̍k Mô͘-se thang chhin-kīn Siōng-chú, kî-tha m̄ thang chhin-kīn, jîn-bîn mā m̄ thang kah i chò-hóe lâi. "
24:3 Mô͘-se lâi-kàu-ūi, kā Siōng-chú it-chhè ê ōe kah só͘-ū ê hoat-tō͘, lóng kóng hō͘ jîn-bîn thiaⁿ. Chèng lâng tâng siaⁿ ìn kóng, " Siōng-chú só͘ kóng ê ōe, goán lóng beh chun-siú. "
24:4 Mô͘-se kā Siōng-chú ê ōe lóng siá khí-.lâi. Thàu-chá-khí-.lâi, tī soaⁿ-kha khí chi̍t chō tôaⁿ, chiàu I-su-la-el cha̍p-jī chi-cho̍k, khiā cha̍p-jī ki thiāu.
24:5 Koh chhe I-su-la-el tiong ê siàu-liân lâng khì hiàn sio-chè, mā ēng gû chò pêng-an-chè hiàn hō͘ Siōng-chú.
24:6 Mô͘-se kā hoeh ê chi̍t-pòaⁿ té tī phûn-.ni̍h, chi̍t-pòaⁿ hiù tī tôaⁿ-.ni̍h ;
24:7 Koh the̍h iok ê chheh, tha̍k hō͘ jîn-bîn thiaⁿ, in chiū kóng, " Siōng-chú só͘ kóng ê, goán lóng beh chun-thàn lâi kiâⁿ. "
24:8 Mô͘-se ēng hoeh hiù jîn-bîn, kóng, " Lí khòaⁿ, che sī li̍p-iok ê hoeh, sī Siōng-chú chiàu che it-chhè ê ōe kah lín só͘ li̍p ê. "
24:9 Mô͘-se kah A-lông, Ná-tap, A-mí-huh kah I-su-la-el tiúⁿ-ló tiong chhit-cha̍p lâng lóng chiūⁿ-.khì.
24:10 In khòaⁿ tio̍h I-su-la-el ê Siōng-tè, I ê kha chêng ū chhin-chhiūⁿ pho͘-pêⁿ ê nâ-pó-chio̍h, chhin-chhiūⁿ thiⁿ-sek hiah kng.
24:11 I bô chhut-chhiú hāi I-su-la-el chun-kùi ê lâng. In khòaⁿ tio̍h Siōng-tè, in mā chia̍h mā lim.
24:12 Mô͘-se tī Si-nái Soaⁿ
Siōng-chú kā Mô͘-se kóng, " Lí chiūⁿ soaⁿ lâi kìⁿ Góa, tiàm tī chia, Góa beh kā chio̍h-pi kah lu̍t-hoat, í-ki̍p kài-bēng, Góa só͘ siá ê, lóng siúⁿ-sù hō͘ lí, thang khì kā in kà-sī. "
24:13 Mô͘-se kah kin-tòe i ê Io-siú-ah khí-.lâi, Mô͘-se beh chiūⁿ Siōng-tè ê soaⁿ.
24:14 Mô͘-se kā tiúⁿ-ló kóng, " Lín tiàm chia tán goán, thèng-hāu goán tò tńg-lâi lín chia, lí khòaⁿ, ū A-lông, Hu-ul kah lín tī-.leh. Lâng nā ū tāichì, thang lâi chhōe in. "
24:15 Mô͘-se chiūⁿ soaⁿ, soaⁿ ū hûn jia-khàm.
24:16 Siōng-chú ê êng-kng thêng tī Si-nái soaⁿ, hûn jia soaⁿ la̍k ji̍t; tē-chhit ji̍t I tùi hûn tiong kiò Mô͘-se.
24:17 Siōng-chú êng-kng ê khoán-sit chhin-chhiūⁿ hóe tī soaⁿ téng teh sio, I-su-la-el lâng chhin-ba̍k khòaⁿ-kìⁿ.
24:18 Mô͘-se chiūⁿ soaⁿ ji̍p-khì hûn tiong, Mô͘-se tī soaⁿ téng sì-cha̍p kang sì-cha̍p mê.
各聖經譯本著作權如版權說明。
本畫面由信望愛資訊中心之CBOL計畫產生，歡迎連結，無須申請。CBOL計畫之資料版權宣告採用GNU Free Documentation License。願上帝的話能建造每一位使用這系統的人，來榮耀祂自己的名。