以賽亞書 線上收聽:中文和合本 現代中文譯本修訂版 現代台語 台語聖經 客語 福州話 希伯來文讀經 下載檔案 關於語音聖經
64:1 Goān Lí li̍h-khui thiⁿ lâi kàng-lîm, hō͘ chiahê soaⁿ tī Lí ê bīn-chêng tín-tāng,
64:2 ( chhin-chhiūⁿ hóe sio ta-chhâ, chhin-chhiūⁿ hóe hō͘ chúi kún), hō͘ Lí ê tùi-te̍k chai Lí ê miâ, hō͘ lia̍t kok tī Lí ê bīn-chêng phi̍h-phi̍h chhoah.
64:3 Lí bat kiâⁿ goán só͘ bô phah-sǹg thang kiaⁿ ê tāichì, hit sî Lí kàng-lîm, chiahê soaⁿ tī Lí ê bīn-chêng tín-tāng.
64:4 Tùi kó͘-chá í-lâi, lâng m̄ bat thiaⁿ-.tio̍h, hīⁿ-khang m̄ bat thiaⁿ-kìⁿ, ba̍k-chiu m̄ bat khòaⁿ-.tio̍h, tī Lí í-gōa ū siáⁿ-mi̍h chin-sîn ē ūi tio̍h teh thèng-hāu i ê lâng chò tāichì.
64:5 Lí gêng-chiap hit-ê hoaⁿ-hí kiâⁿ gī kah kì-liām Lí ê tō-lō͘ ê lâng; Lí khòaⁿ, Lí bat siū-khì, goán bat hoān chōe; chhin-chhiūⁿ ánne í-keng chin kú, goán kám iáu ē tit tio̍h kiù?
64:6 Goán lóng chhin-chhiūⁿ bô chheng-khì ê lâng, só͘-ū ê gī lóng chhin-chhiūⁿ ù-òe ê saⁿ. Goán lóng chhin-chhiūⁿ chhiū-hio̍h chiām-chiām ta-.khì; goán ê chōe-kò chhin-chhiūⁿ hong kā goán chhoe-.khì.
64:7 Bô lâng kiû-kiò Lí ê miâ, mā bô lâng chhut-la̍t kā Lí khîⁿ-tiâu; in-ūi Lí am bīn m̄-khòaⁿ goán, hō͘ goán in-ūi goán ê chōe-kò tì-sú bia̍t-bông.
64:8 Siōng-chú ah, taⁿ Lí iû-goân sī goán ê Pē! Goán sī thô͘, Lí sī sio-hûi sai-hū; goán lóng sī Lí ê chhiú só͘ chō ê.
64:9 Siōng-chú ah, Lí m̄ thang tōa siū-khì, mā m̄ thang éng-oán ē kì-tit goán ê chōe-kò. Kiû Lí àⁿ lo̍h-lâi khòaⁿ goán, goán lóng sī Lí ê chú-bîn.
64:10 Lí chiahê sèng-siâⁿ piàn-chò khòng-iá; Si-óng piàn-chò khòng-iá, Ê-lú-sa-lèm chiâⁿ-chò pha-hng.
64:11 Goán sèng koh súi ê chhù, to̍h-sī goán ê chó͘-sian oló Lí ê só͘-chāi hō͘ hóe sio-sio-.khì; goán só͘ him-bō͘ ê lóng hong-hùi-.khì.
64:12 Siōng-chú ah, ū chiahê tāichì hoat-seng, Lí kám iáu lún ē-tiâu? Lí kám iáu tiām-tiām, beh hō͘ goán chhim-chhim siū khó͘-lān?
各聖經譯本著作權如版權說明。
本畫面由信望愛資訊中心之CBOL計畫產生，歡迎連結，無須申請。CBOL計畫之資料版權宣告採用GNU Free Documentation License。願上帝的話能建造每一位使用這系統的人，來榮耀祂自己的名。