以賽亞書 線上收聽:中文和合本 現代中文譯本修訂版 現代台語 台語聖經 客語 福州話 希伯來文讀經 下載檔案 關於語音聖經
58:1 Chin-si̍t ê Kìm-chia̍h
Lí tio̍h tōa-siaⁿ hoah, m̄ thang hān-chè; chhut tōa-siaⁿ chhin-chhiūⁿ pûn sàu-kak, tùi Góa ê jîn-bîn kóng bêng in ê kòe-sit, tùi Iâ-kop ê ke kóng bêng in ê chōe-ok.
58:2 In ji̍t-ji̍t chhōe Góa, hoaⁿ-hí chai Góa ê tō-lō͘, chhin-chhiūⁿ kiâⁿ gī ê jîn-bîn, bô lī-khui in ê Siōng-tè ê lu̍t-hoat. In kiû Góa chiàu kong-gī sím-phòaⁿ, hoaⁿ-hí chhin-kīn Siōng-tè.
58:3 In kóng, " Goán kìm-chia̍h, Lí ná ē bô khòaⁿ-.tio̍h? Goán khek-khó͘ goán ê sim, Lí ná ē m̄-chai? " Siōng-chú kóng, " Lí khòaⁿ, lín kìm-chia̍h ê ji̍t, iáu koh kakī an-lo̍k, kiông-pek lâng kā lín chò khó͘-kang. "
58:4 Lí khòaⁿ, lín kìm-chia̍h sī beh sio-cheⁿ, sio oan-ke, ēng hiong-ok ê kûn-thâu-bú phah lâng. " Lín kin-á-ji̍t kìm-chia̍h, bē tàng hō͘ lín ê siaⁿ thoân kàu téng-bīn.
58:5 Chit khoán ê kìm-chia̍h, kám sī Góa só͘ kéng ê kìm-chia̍h? Kám sī hō͘ lâng khek-khó͘ i ê sim ê ji̍t? Kám sī hō͘ lâng àⁿ thâu chhin-chhiūⁿ lô͘-tek, ēng môa-pò͘ kah hóe-hu pho͘ tī i ê seng-khu ē? Che kám thang kiò-chò kìm-chia̍h? Kám sī hō͘ Siōng-chú só͘ hoaⁿ-hí ê ji̍t?
58:6 " Góa só͘ kéng ê kìm-chia̍h, kám m̄-sī tháu-khui hiong-ok ê soh, tháu-pàng phāiⁿ ka-taⁿ ê soh, hō͘ siū ap-chè ê tit tio̍h chū-iû, koh kòng tn̄g só͘-ū ê ka-taⁿ?
58:7 Kám m̄-sī kā lí ê bí-niûⁿ pun hō͘ iau-gō ê lâng, kā sì-kè liû-lōng ê sànchhiah lâng chiap-la̍p tī lí ê ke? Kám m̄-sī khòaⁿ tio̍h thǹgpaktheh ê lâng hō͘ i chhēng, tùi kakī ê kut-jio̍k mā bô siám khì bih?
58:8 " Án-ne, lí ê kng ē hoat-chhut, chhin-chhiūⁿ thiⁿ-kng chá-khí ê kng, lí ê siong ē chin kín tit tio̍h i hó. Lí ê kong-gī beh kiâⁿ tī lí ê thâu-chêng; Siōng-chú ê êng-kng beh chò lí āu-bīn ê pó-hō͘.
58:9 Hit sî, lí kiû-kiò, Siōng-chú ē thiaⁿ lí; lí khún-kiû, I ē kóng: Góa tī chia. " Lí nā tùi lí tiong-kan tû-khì tāng ê ka-taⁿ kah chí-chek lâng, í-ki̍p lāmsám kóng ê ōe;
58:10 lí ê sim nā liân-bín iau-gō ê lâng, hō͘ khùn-khó͘ ê lâng tit tio̍h boán-chiok, lí ê kng chiū ē tī o͘-àm tiong hián-hiān, lí ê o͘-àm ē piàn-sêng chhin-chhiūⁿ ji̍t-tiong-tàu.
58:11 Siōng-chú mā beh tiāⁿtiāⁿ ín-chhōa lí, tī khòng-ōaⁿ ê tē, hō͘ lí sim-móa ì-chiok, kut-thâu ióng-chòng; lí ē chhin-chhiūⁿ siū koàn-ak ê hn̂g, koh chhin-chhiūⁿ lâu bē ta ê chúi-chôaⁿ.
58:12 Hiahê tùi lí chhut ê lâng, beh khí-chō chin kú í-keng hong-hùi ê só͘-chāi; lí beh kiàn-li̍p le̍k-tāi húi-hoāi ê tē-ki. Lí ē hō͘ lâng chheng-chò ' Pó͘ siâⁿ chhiûⁿ phòa-khiah ê', kah ' Siu-lí ke-lō͘ thang hó tòa ê'".
58:13 Siú An-hioh-ji̍t ê Pò-siúⁿ
" Lí nā tī An-hioh-ji̍t kìm-chí lí ê kha, tī góa ê sèng-ji̍t bô chò kakī só͘ hoaⁿ-hí ê, chheng An-hioh-ji̍t chò thang hoaⁿ-hí ê, chheng Siōng-chú ê sèng-ji̍t chò thang chun-tiōng ê, koh chun-kèng chit-ê ji̍t, bô pān kakī ê su-sū, bô thiaⁿ-thàn kakī ê su-ì, bô kóng êng-á-ōe,
58:14 lí chiū ē in-ūi Siōng-chú lâi hoaⁿ-hí. Góa beh hō͘ lí chiūⁿ-kàu tē-chiūⁿ koân ê só͘-chāi, koh ēng lí ê chó͘-sian Iâ-kop ê sán-gia̍p iúⁿ-chhī lí. Che sī Siōng-chú chhin-chhùi kóng ê. "
各聖經譯本著作權如版權說明。
本畫面由信望愛資訊中心之CBOL計畫產生，歡迎連結，無須申請。CBOL計畫之資料版權宣告採用GNU Free Documentation License。願上帝的話能建造每一位使用這系統的人，來榮耀祂自己的名。