以賽亞書 線上收聽:中文和合本 現代中文譯本修訂版 現代台語 台語聖經 客語 福州話 希伯來文讀經 下載檔案 關於語音聖經
50:1 Siōng-chú ánne kóng: Góa kā lín ê lāu-bú lî-hun, lî-hun-su tī tó-ūi? Góa kā lín bē hō͘ Góa tó chi̍t-ê chè-chú? Lí khòaⁿ, lín siū bē sī in-ūi lín ê chōe-kò, lín ê lāu-bú hông lī-hun sī in-ūi lín ê kòe-sit.
50:2 Góa lâi ê sî, ná ē bô lâng teh thèng-hāu? Góa kiò ê sî, sī án-chóaⁿ bô lâng ìn? Góa ê chhiú kám sī té, bē tàng kiù-sio̍k? Góa kám bô chín-kiù ê la̍t? Lí khòaⁿ, Góa chi̍t-ē hoah, hái chiū ta-.khì; Góa hō͘ kang-hô piàn-chò soa-bô͘, kî-tiong ê hî, in-ūi bô chúi chiū chhàu-nōa, chhùi-ta chiū sí.
50:3 Góa hō͘ chiahê thiⁿ ēng o͘-àm chò saⁿ-khò͘, ēng môa-pò͘ chò jia-khàm.
50:4 Siōng-chú Koán-ke ê Sūn-ho̍k
Chì-koân Siōng-chú siúⁿ-sù góa siū kà-sī ê chi̍h, hō͘ góa chai án-chóaⁿ ēng giân-gí hû-chō͘ ià-siān ê lâng; Chú ta̍k chá-khí kā góa kiò-chhéⁿ, kiò-chhéⁿ góa ê hīⁿ-khang, hō͘ góa ē thiaⁿ, chhin-chhiūⁿ siū kà-sī ê lâng.
50:5 Chì-koân Siōng-chú phah thong góa ê hīⁿ-khang; góa bô ûi-pōe, mā bô thè-āu.
50:6 Lâng phah góa ê kha-chiah-phiaⁿ, góa chhut-chāi i phah; lâng chhoah góa chhùi-phóe ê chhùi-chhiu, góa chhut-chāi i chhoah; lâng lêng-jio̍k góa, kā góa phùi nōa, góa mā bô am bīn.
50:7 In-ūi chì-koân Siōng-chú it-tēng pang-chān góa, só͘-í, góa bô kiàn-siàu; ūi tio̍h ánne, góa hō͘ góa ê bīn ngē kah chhin-chhiūⁿ tēng chio̍h; góa mā chai góa it-tēng bô tì-sú làu-khùi.
50:8 Chheng góa chò gī ê kīn lah; siáⁿ lâng kah góa sio-cheⁿ, i thang kah góa chò-hóe tòa; siáⁿ lâng chò góa ê tùi-te̍k, i thang lâi kìⁿ góa.
50:9 Lí khòaⁿ, chì-koân Siōng-chú ē pang-chān góa, siáⁿ lâng ē tēng góa ū chōe? Lí khòaⁿ, in lóng ē chhin-chhiūⁿ saⁿ chiām-chiām kū-.khì, koh hō͘ chiù-thâng chiù.
50:10 Lín tiong-kan ū siáⁿ lâng kèng-ùi Siōng-tè, chun-thàn I ê lô͘-po̍k ê ōe? Hiahê kiâⁿ tī o͘-àm bô kng-bêng ê só͘-chāi ê, tio̍h óa-khò Siōng-chú ê miâ, óa-khò i ê Siōng-tè.
50:11 Lí khòaⁿ, kiàn-nā lín tiám hóe, ēng hóe-pé ûi kakī ê lâng, tio̍h lâi kiâⁿ tī lín ê hóe-iām lāi kah lín só͘ tiám ê hóe-pé tiong. Che sī góa ê chhiú só͘ tiāⁿ tio̍h ê; lín ē tó tī kan-khó͘ ê tiong-kan.
各聖經譯本著作權如版權說明。
本畫面由信望愛資訊中心之CBOL計畫產生，歡迎連結，無須申請。CBOL計畫之資料版權宣告採用GNU Free Documentation License。願上帝的話能建造每一位使用這系統的人，來榮耀祂自己的名。