以賽亞書 線上收聽:中文和合本 現代中文譯本修訂版 現代台語 台語聖經 客語 福州話 希伯來文讀經 下載檔案 關於語音聖經
39:1 Ba-bú-lông ê Sù-chiá
（ LOH 20:12-19）
Hit sî, Ba-bú-lông ông — Ba-la̍h-tàn ê kiáⁿ — Be-lo-ta̍k-Ba-la̍h-tàn thiaⁿ tio̍h Hi-che-kia bat phòa-pēⁿ, chiū sàng phoe-sìn kah lé-mi̍h hō͘ Hi-che-kia.
39:2 Hi-che-kia in-ūi sù-chiá lâi, chin hoaⁿ-hí, chiū kā i khǹg pó-bu̍t ê chhù, kim, gîn, phang-liāu, kùi-khì ê iû kah i ê kun-chong-kio̍k, í-ki̍p kim-khò͘ lāi it-chhè só͘-ū ê lóng hō͘ in khòaⁿ; i ê chhù lāi kah choân kok lāi-bīn, Hi-che-kia bô chi̍t hāng bô hō͘ in khòaⁿ.
39:3 Chiū ánne, I-sá-iah sian-ti lâi kìⁿ Hi-che-kia ông, mn̄g i kóng, " Chiahê lâng kóng siáⁿ-mi̍h? In tùi tó-ūi lâi kìⁿ lí? " Hi-che-kia ìn kóng, " In tùi hn̄g-hn̄g ê só͘-chāi, to̍h-sī tùi Ba-bú-lông, lâi kìⁿ góa. "
39:4 I-sá-iah kóng, " In tī lí ê chhù khòaⁿ tio̍h siáⁿ-mi̍h? " Hi-che-kia ìn kóng, " Hoān-nā góa chhù lāi só͘-ū ê, in lóng ū khòaⁿ-.tio̍h; góa ê châi-pó tiong-kan bô chi̍t hāng bô hō͘ in khòaⁿ-.tio̍h. "
39:5 I-sá-iah tùi Hi-che-kia kóng, " Lí tio̍h thiaⁿ bān-kun ê Siōng-chú ê ōe:
39:6 Lí khòaⁿ, ji̍t-chí teh beh kàu, lí chhù lāi só͘-ū ê kah lí ê chó͘-sian chek-chū kàu hiān-kim ê lóng ē siū chhiúⁿ khì-kàu Ba-bú-lông, bô lâu kah pòaⁿ-hāng. Che sī Siōng-chú kóng ê.
39:7 Koh tùi lí pún-sin seⁿ ê kiáⁿ-sun tiong-kan ū ê ē siū lia̍h-.khì, tī Ba-bú-lông ê ông-kiong tng thài-kàm. "
39:8 Hi-che-kia tùi I-sá-iah kóng, " Lí só͘ thoân Siōng-chú ê ōe sī hó. " Koh kóng, " In-ūi tī góa nî-ji̍t ê tiong-kan ē ū thài-pêng kah kian-kò͘. "
各聖經譯本著作權如版權說明。
本畫面由信望愛資訊中心之CBOL計畫產生，歡迎連結，無須申請。CBOL計畫之資料版權宣告採用GNU Free Documentation License。願上帝的話能建造每一位使用這系統的人，來榮耀祂自己的名。