詩篇 線上收聽:中文和合本 現代中文譯本修訂版 現代台語 台語聖經 客語 福州話 希伯來文讀經 下載檔案 關於語音聖經
149:1 O-ló ê Si-koa
Lín tio̍h oló Siōng-chú! Tio̍h chhiùⁿ sin ê koa oló Siōng-chú, tī sèng ê chú-bîn chū-hōe tiong oló I!
149:2 Goān I-su-la-el in-ūi in ê Chú lâi hoaⁿ-hí! Goān Si-óng ê jîn-bîn in-ūi in ê ông lâi khoài-lo̍k!
149:3 Goān in thiàu-bú oló I ê miâ, phah kó͘ tôaⁿ khîm, chhiùⁿ koa oló I!
149:4 In-ūi Siōng-chú ì-ài I ê chú-bîn; I ē ēng kiù-un chò khiam-pi lâng ê táⁿ-pān.
149:5 Goān sèng ê chú-bîn in-ūi só͘ tit tio̍h ê êng-kng lâi hoaⁿ-hí! Goān in tī bîn-chhn̂g téng chhut hoaⁿ-hí ê siaⁿ!
149:6 Goān in ê chhùi oló Siōng-chú chò koân, in chhiú gia̍h siaam bīn lāi ê kiàm,
149:7 Thang pò-èng gōa-pang, hêng-hoa̍t lia̍t kok.
149:8 Ēng thih-liān pa̍k in ê kun-ông, ēng thih-khàu lâi só in ê jîn-sîn;
149:9 Thang tī in ê sin chiūⁿ kiâⁿ Siōng-chú só͘ tiāⁿ tio̍h ê phòaⁿ-koat. I sèng ê chú-bîn lóng ū chit khoán ê êng-kng. Lín tio̍h oló Siōng-chú!
各聖經譯本著作權如版權說明。
本畫面由信望愛資訊中心之CBOL計畫產生,歡迎連結,無須申請。CBOL計畫之資料版權宣告採用GNU Free Documentation License。願上帝的話能建造每一位使用這系統的人,來榮耀祂自己的名。