詩篇 線上收聽:中文和合本 現代中文譯本修訂版 現代台語 台語聖經 客語 福州話 希伯來文讀經 下載檔案 關於語音聖經
145:1 O-ló ê Si-koa
( Ta-bi̍t oló ê si. )Góa ê Siōng-tè — góa ê ông ah, góa beh chun Lí chò koân! Góa beh éng-oán oló Lí ê miâ!
145:2 Góa beh ji̍t-ji̍t kám-siā Lí, mā beh éng-oán oló Lí ê miâ.
145:3 Siōng-chú chì-tōa, eng-kai siū tōa oló; I ê úi-tāi bô hoat-tō͘ chhek-to̍k.
145:4 Chit tāi beh tùi hit tāi oló Lí ê chok-ûi, mā beh soan-iông Lí tōa koân-lêng ê tāichì.
145:5 Góa beh tiām-tiām-á su-sióng Lí chun-kùi êng-kng ê ui-giâm kah Lí kî-biāu ê chok-ûi.
145:6 Lâng-lâng beh kóng-khí Lí thang kiaⁿ-ùi ê tōa koân-lêng; góa mā beh soan-iông Lí ê chì-tōa chok-ûi.
145:7 In beh soan-iông Lí ke̍k tōa ê un-tián, mā beh chhiùⁿ koa oló Lí ê kong-gī.
145:8 Siōng-chú ū un-hūi, ū liân-bín; bô khoài siū-khì, ū tōa chû-ài.
145:9 Siōng-chú hó khoán-thāi bān-bîn; I ê liân-bín tì-ìm I só͘ chō ê it-chhè.
145:10 Siōng-chú ah, Lí só͘ chō ê it-chhè beh kám-siā Lí; Lí sèng ê chú-bîn mā beh oló Lí.
145:11 In kóng-khí Lí kok-tō͘ ê êng-kng, tâm-lūn Lí ê tōa koân-lêng,
145:12 Thang hō͘ sè-kan lâng chai Lí tōa koân-lêng ê chok-ûi, chai Lí kok-tō͘ ê ui-giâm kah êng-kng.
145:13 Lí ê kok-tō͘ éng-oán chûn-chāi! Lí 執 chiáng ê koân pèⁿ kàu bān-sè-tāi!
145:14 Poa̍h-tó ê lâng, Siōng-chú ē kā in hû-chhî; siū ap-chè ê lâng, I kā in hû khí-.lâi.
145:15 Só͘-ū ê oa̍h-mi̍h lóng gióng-bōng Lí; Lí chiàu-sî hō͘ in chia̍h-mi̍h.
145:16 Lí khui Lí ê chhiú, hō͘ só͘-ū ê oa̍h-mi̍h lóng chiàu só͘ ì-ài ê lâi tit tio̍h pá-chiok.
145:17 Siōng-chú it-chhè ê chok-ûi lóng sī kong-gī; I it-chhè ê só͘ chò lóng ū chû-ài.
145:18 Hoān-nā kiû-kiò Siōng-chú ê lâng, Siōng-chú kah in chhin-kīn, to̍h-sī chhin-kīn hiahê sêng-si̍t kiû-kiò I ê lâng.
145:19 Kèng-ùi I ê lâng, I ē hō͘ in ê sim-goān tit chiâⁿ, mā ē thiaⁿ in ê kiû-kiò lâi kā in chín-kiù.
145:20 Siōng-chú pó-hō͘ só͘-ū thiàⁿ I ê lâng, chóng-.sī, só͘-ū chò pháiⁿ ê lâng, I ē kā in siau-bia̍t.
145:21 Góa ê chhùi beh kóng-chhut oló Siōng-chú ê ōe; goān it-chhè ū hia̍t-khì ê lóng éng-oán oló I ê sèng-miâ.
各聖經譯本著作權如版權說明。
本畫面由信望愛資訊中心之CBOL計畫產生,歡迎連結,無須申請。CBOL計畫之資料版權宣告採用GNU Free Documentation License。願上帝的話能建造每一位使用這系統的人,來榮耀祂自己的名。