詩篇 線上收聽:中文和合本 現代中文譯本修訂版 現代台語 台語聖經 客語 福州話 希伯來文讀經 下載檔案 關於語音聖經
144:1 Kun-ông Ūi Sèng-lī Kám-un
( Ta-bi̍t ê si. )Siōng-chú sī góa ê chio̍h-pôaⁿ, sī eng-kai oló ê! I toàn-liān góa ê chhiú gâu cheng-chiàn, kà góa ê chéng-thâu-á ū ki-khiáu ē sio-thâi.
144:2 I sī góa ê chû-ài, góa ê soaⁿ-chē, góa ê siâⁿ-pó, góa ê Kiù-chú, góa ê tîn-pâi, góa só͘ óa-khò ê; I hō͘ góa ê jîn-bîn khut-ho̍k tī góa ē-bīn.
144:3 Siōng-chú ah, lâng sī siáⁿ-mi̍h, Lí kèng-jiân bat i! Lâng ê kiáⁿ sī siáⁿ-mi̍h, Lí kèng-jiân siàu-liām i!
144:4 Lâng chhin-chhiūⁿ pûn chi̍t kháu khùi; i ê ji̍t-chí chhin-chhiūⁿ iáⁿ kòe-.khì.
144:5 Siōng-chú ah, kiû Lí hō͘ thiⁿ sôe lo̍h-.lâi, chhin-sin kàng-lîm; kiû Lí bong soaⁿ, hō͘ soaⁿ chhut ian.
144:6 Kiû Lí hoat-chhut sihnà kā góa ê tùi-te̍k kóaⁿ sì-sòaⁿ; kiû Lí siā-chhut Lí ê chìⁿ hō͘ in khí jiáu-loān.
144:7 Lí tùi téng-bīn chhun chhiú kiù góa, kiù góa chhut tōa-chúi, kiù góa thoat-lī gōa-pang lâng ê chhiú.
144:8 In ê chhùi kóng pe̍h-chha̍t; in ê chiàⁿ chhiú sī kan-chà ê chhiú.
144:9 Siōng-chú ah, góa beh tùi Lí chhiùⁿ sin ê koa, ēng cha̍p tiâu hiân ê sek chhiùⁿ koa oló Lí.
144:10 Lí chín-kiù kun-ông, kiù Lí ê lô͘-po̍k — Ta-bi̍t thoat-lī thâi lâng ê to.
144:11 Kiû Lí chín-kiù góa, kiù góa thoat-lī gōa-pang lâng ê chhiú. In ê chhùi kóng pe̍h-chha̍t; in ê chiàⁿ chhiú sī kan-chà ê chhiú.
144:12 Goán ê chapo͘ kiáⁿ tng siàu-liân ê sî, chhin-chhiūⁿ chhiū-á tōa châng; goán ê chabó͘ kiáⁿ chhin-chhiūⁿ chhù-kak ê chio̍h-thiāu, chiàu khí ông-kiong ê khoán-sit tiau-tok.
144:13 Goán ê chhek-chhng móa-móa, ē chhut ta̍k chióng ê bí-niûⁿ; goán ê iûⁿ tī soaⁿ-iá seⁿ-thòaⁿ, chiâⁿ-chheng chiâⁿ-bān.
144:14 Goán ê gû thoa hòe móa chài, bô lâng ji̍p-lâi chhim-chiàm; goán mā bián chhut-khì cheng-chiàn, goán ê ke-lō͘ bô thî-khàu ê siaⁿ.
144:15 Tú tio̍h chit khoán kéng-hóng ê jîn-bîn chin ū hok-khì! Ū Siōng-chú chò in ê Siōng-tè ê chú-bîn chin ū hok-khì!
各聖經譯本著作權如版權說明。
本畫面由信望愛資訊中心之CBOL計畫產生,歡迎連結,無須申請。CBOL計畫之資料版權宣告採用GNU Free Documentation License。願上帝的話能建造每一位使用這系統的人,來榮耀祂自己的名。