詩篇 線上收聽:中文和合本 現代中文譯本修訂版 現代台語 台語聖經 客語 福州話 希伯來文讀經 下載檔案 關於語音聖經
138:1 Kám-un ê Kî-tó
( Ta-bi̍t ê si. )Góa beh choân-sim kám-siā Lí, tī chiahê sîn-bêng ê bīn-chêng góa beh chhiùⁿ koa oló Lí.
138:2 Góa beh ǹg Lí ê sèng-tiān kūi-pài, in-ūi Lí ê chû-ài kah sìn-si̍t lâi oló Lí ê miâ; in-ūi Lí hō͘ Lí ê ōe chò tōa, iâⁿ-kòe Lí só͘-ū ê miâ.
138:3 Góa kiû-kiò ê sî, Lí ū ìn-tap góa, kó͘-bú góa, hō͘ góa ê sim ū khùi-la̍t.
138:4 Siōng-chú ah, sè-chiūⁿ ê kun-ông lóng ē kám-siā Lí, in-ūi in ū thiaⁿ tio̍h Lí só͘ kóng ê ōe.
138:5 In ē chhiùⁿ koa oló Siōng-chú ê chok-ûi, in-ūi Siōng-chú ê êng-kng chin tōa.
138:6 Siōng-chú sûi-jiân chin ko-kùi, iáu koh khòaⁿ-kò͘ pi-bî ê lâng; chóng-.sī, I tùi hn̄g-hn̄g to̍h khòaⁿ-chhut kiau-ngō͘ ê lâng.
138:7 Góa sûi-jiân kiâⁿ tī hoān-lān tiong, Lí ē hō͘ góa oa̍h lo̍h-.khì; góa ê tùi-te̍k siū-khì, Lí ē chhun chhiú lâi kā i tí-tòng; Lí ê chiàⁿ chhiú mā ē kiù góa.
138:8 Koan-hē góa ê tāichì, Siōng-chú ē si̍t-hiān I tùi góa ê èng-ín; Siōng-chú ah, Lí ê chû-ài éng-oán chûn-chāi! Kiû Lí m̄ thang pàng-sak Lí chhin-chhiú só͘ chō ê.
各聖經譯本著作權如版權說明。
本畫面由信望愛資訊中心之CBOL計畫產生,歡迎連結,無須申請。CBOL計畫之資料版權宣告採用GNU Free Documentation License。願上帝的話能建造每一位使用這系統的人,來榮耀祂自己的名。