詩篇 線上收聽:中文和合本 現代中文譯本修訂版 現代台語 台語聖經 客語 福州話 希伯來文讀經 下載檔案 關於語音聖經
136:1 Kám-un Chi Koa
Lín tio̍h kám-siā Siōng-chú, in-ūi I sī hó; in-ūi I ê chû-ài éng-oán chûn-chāi.
136:2 Lín tio̍h kám-siā chiahê sîn-bêng tiong ê Siōng-tè, in-ūi I ê chû-ài éng-oán chûn-chāi.
136:3 Lín tio̍h kám-siā bān-chú ê Chú, in-ūi I ê chû-ài éng-oán chûn-chāi.
136:4 Kám-siā hit ūi chò tōa kî-sū ê Siōng-tè, in-ūi I ê chû-ài éng-oán chûn-chāi.
136:5 Kám-siā hit ūi ēng tì-hūi chhòng-chō thiⁿ ê Siōng-tè, in-ūi I ê chû-ài éng-oán chûn-chāi.
136:6 Kám-siā hit ūi kā tē pho͘ tī chúi-bīn ê Siōng-tè, in-ūi I ê chû-ài éng-oán chûn-chāi.
136:7 Kám-siā hit ūi chhòng-chō tōa kng-thé ê Siōng-tè, in-ūi I ê chû-ài éng-oán chûn-chāi.
136:8 Chiū-sī ēng ji̍t-thâu lâi koán ji̍t-sî ê Siōng-tè, in-ūi I ê chû-ài éng-oán chûn-chāi.
136:9 Ēng goe̍h-niû kah chheⁿ koán àm-sî ê Siōng-tè, in-ūi I ê chû-ài éng-oán chûn-chāi.
136:10 Kám-siā hit ūi phah-sí Ai-gi̍p lâng ê tōa-kiáⁿ ê Siōng-tè, in-ūi I ê chû-ài éng-oán chûn-chāi.
136:11 Kám-siā chhōa I-su-la-el lâng tùi Ai-gi̍p chhut-.lâi ê Siōng-tè, in-ūi I ê chû-ài éng-oán chûn-chāi.
136:12 Kám-siā ēng tōa koân-lêng ê chhiú kah chhun chhiú kut chhut-.lâi ê Siōng-tè, in-ūi I ê chû-ài éng-oán chûn-chāi.
136:13 Kám-siā hit ūi kā Âng-hái hun-khui ê Siōng-tè, in-ūi I ê chû-ài éng-oán chûn-chāi.
136:14 Mā kám-siā chhōa I-su-la-el lâng tùi hit tiong-kan keng-kòe ê Siōng-tè, in-ūi I ê chû-ài éng-oán chûn-chāi.
136:15 Kám-siā kā Hôa-láu kah i ê kun-peng hiat tī Âng-hái ê Siōng-tè, in-ūi I ê chû-ài éng-oán chûn-chāi.
136:16 Kám-siā hit ūi chhōa I ê chú-bîn kiâⁿ tī khòng-iá ê Siōng-tè, in-ūi I ê chû-ài éng-oán chûn-chāi.
136:17 Kám-siā hit ūi phah-sí tōa kun-ông ê Siōng-tè, in-ūi I ê chû-ài éng-oán chûn-chāi.
136:18 Kám-siā thâi-sí ū miâ-siaⁿ ê ông ê Siōng-tè, in-ūi I ê chû-ài éng-oán chûn-chāi.
136:19 Kám-siā thâi-sí A-mô͘-lī ông Si-hông ê Siōng-tè, in-ūi I ê chû-ài éng-oán chûn-chāi.
136:20 Koh kám-siā thâi-sí Ba-siáng ông O͘-k ê Siōng-tè, in-ūi I ê chû-ài éng-oán chûn-chāi.
136:21 Kám-siā kā in ê tē siúⁿ-sù hō͘ I-su-la-el lâng chò sán-gia̍p ê Siōng-tè, in-ūi I ê chû-ài éng-oán chûn-chāi.
136:22 Chiū-sī siúⁿ-sù I ê lô͘-po̍k I-su-la-el lâng chò sán-gia̍p ê Siōng-tè, in-ūi I ê chû-ài éng-oán chûn-chāi.
136:23 Siōng-tè tī lán pi-bî ê sî siàu-liām lán, in-ūi I ê chû-ài éng-oán chûn-chāi.
136:24 I koh chín-kiù lán thoat-lī tùi-te̍k, in-ūi I ê chû-ài éng-oán chûn-chāi.
136:25 Siōng-tè siúⁿ-sù bí-niûⁿ hō͘ só͘-ū ê oa̍h-mi̍h, in-ūi I ê chû-ài éng-oán chûn-chāi.
136:26 Lín tio̍h kám-siā thiⁿ-téng ê Siōng-chú, in-ūi I ê chû-ài éng-oán chûn-chāi.
各聖經譯本著作權如版權說明。
本畫面由信望愛資訊中心之CBOL計畫產生,歡迎連結,無須申請。CBOL計畫之資料版權宣告採用GNU Free Documentation License。願上帝的話能建造每一位使用這系統的人,來榮耀祂自己的名。