詩篇 線上收聽:中文和合本 現代中文譯本修訂版 現代台語 台語聖經 客語 福州話 希伯來文讀經 下載檔案 關於語音聖經
128:1 Sūn-ho̍k Siōng-chú Ē Tit Chióng-siúⁿ
(Peh kiā-á ê si. )Kiàn-nā kèng-ùi Siōng-tè, kiâⁿ tī I ê lō͘ ê lâng chin ū hok-khì!
128:2 Lí ē chia̍h lí ê chhiú lô-khó͘ só͘ tit tio̍h ê chia̍h-mi̍h, lí ē hióng-hok, sū-sū heng-thong.
128:3 Lí ê bó͘ tī lí ê chhù lāi chhin-chhiūⁿ kiat chin chē kóe-chí ê phû-tô chhiū; lí ê kiáⁿ-jî chhin-chhiūⁿ kaⁿ-ná-chai ûi teh kah lí chò-hóe chē-toh.
128:4 Lí khòaⁿ, kèng-ùi Siōng-chú ê lâng, tek-khak ē ánne tit tio̍h hok-khì!
128:5 Siōng-chú ē tùi Si-óng kā lí sù-hok! Lí it-seng ē khòaⁿ tio̍h Ê-lú-sa-lèm ê hok-khì!
128:6 Lí ē khòaⁿ tio̍h lí ê kiáⁿ-kiáⁿ sun-sun! Goān pêng-an kui tī I-su-la-el!
各聖經譯本著作權如版權說明。
本畫面由信望愛資訊中心之CBOL計畫產生,歡迎連結,無須申請。CBOL計畫之資料版權宣告採用GNU Free Documentation License。願上帝的話能建造每一位使用這系統的人,來榮耀祂自己的名。