詩篇 線上收聽:中文和合本 現代中文譯本修訂版 現代台語 台語聖經 客語 福州話 希伯來文讀經 下載檔案 關於語音聖經
112:1 Gī lâng ê Hí-lo̍k
Lín tio̍h oló Siōng-chú! Kèng-ùi Siōng-tè, ì-ài I ê bēng-lēng ê lâng chin ū hok-khì!
112:2 I ê kiáⁿ-sun tī sè-kan it-tēng kiông-sēng; chèng-ti̍t lâng ê āu-tāi it-tēng ē tit tio̍h hok-khì.
112:3 I ê chhù lāi ū hòe-bu̍t, ū chîⁿ-châi; i ê kong-gī chûn kàu éng-oán.
112:4 Chèng-ti̍t ê lâng tī o͘-àm ê tiong-kan ū kng teh chiò i; Chú tùi i ū un-hūi, ū liân-bín, ū kong-gī.
112:5 Khóng-khài chioh lâng mi̍h-kiāⁿ ê lâng ū hok-khì; i siū sím-phòaⁿ ê sî ē kóng bêng kakī ê tāichì.
112:6 I éng-oán bē iô-choah; gī lâng ē siū jîn-sò͘ liām, it-ti̍t kàu éng-oán.
112:7 I m̄-kiaⁿ pháiⁿ siau-sit, in-ūi i ê sim kian-kò͘, óa-khò Siōng-chú.
112:8 I ê sim chū-chāi, lóng bô kiaⁿ-hiâⁿ, it-ti̍t kàu i khòaⁿ tio̍h i ê tùi-te̍k siū pò-èng.
112:9 I khóng-khài chín-chè sànchhiah lâng; i ê jîn-gī chûn kàu éng-oán. I ê kak ē-tàng gia̍h koân, koh ū êng-kng.
112:10 Pháiⁿ lâng khòaⁿ-liáu tòng bē tiâu, tek-khak ē oàn-hūn kah kā-gê chhiat-khí, beh lâi kā in siau-bia̍t; pháiⁿ lâng ê sim-goān ē kui tī khang-khang.
各聖經譯本著作權如版權說明。
本畫面由信望愛資訊中心之CBOL計畫產生,歡迎連結,無須申請。CBOL計畫之資料版權宣告採用GNU Free Documentation License。願上帝的話能建造每一位使用這系統的人,來榮耀祂自己的名。