詩篇 線上收聽:中文和合本 現代中文譯本修訂版 現代台語 台語聖經 客語 福州話 希伯來文讀經 下載檔案 關於語音聖經
86:1 Kiû Chō͘ ê Kî-tó
( Ta-bi̍t ê kî-tó. )Siōng-chú ah, kiû Lí àⁿ hīⁿ-khang thiaⁿ góa kî-tó, in-ūi góa khùn-khó͘ sànchhiah.
86:2 Kiû Lí pó-chûn góa ê sèⁿ-miā, in-ūi góa sī khiân-sêng ê lâng. Góa ê Siōng-tè ah, Lí ê lô͘-po̍k óa-khò Lí, kiû Lí chín-kiù góa!
86:3 Chú ah, kiû Lí liân-bín góa, in-ūi góa kui ji̍t lóng teh kiû-kiò Lí.
86:4 Chú ah, kiû Lí hō͘ Lí ê lô͘-po̍k sim-sîn hoaⁿ-hí, in-ūi góa ēng góa ê sim gióng-bōng Lí.
86:5 Chú ah, in-ūi Lí sī hó, hoaⁿ-hí sià-bián lâng, ū hong-sēng ê chû-ài siúⁿ-sù hō͘ só͘-ū kiû-kiò Lí ê lâng.
86:6 Siōng-chú ah, kiû Lí àⁿ hīⁿ-khang thiaⁿ góa ê kî-tó, àⁿ-lo̍h thiaⁿ góa khún-kiû ê siaⁿ.
86:7 Tī góa hoān-lān ê ji̍t-chí góa kiû-kiò Lí, Lí ē ìn góa.
86:8 Chú ah, chiahê sîn-bêng ê tiong-kan bô kah chi̍t-ê ē-tàng kah Lí pí-tit; Lí ê chok-ûi mā bô thang pí-phēng.
86:9 Chú ah, Lí só͘ chō ê bān-pang lóng ē lâi phak-pài tī Lí ê bīn-chêng; in mā ē êng-kng Lí ê miâ.
86:10 In-ūi Lí chò tōa, koh kiâⁿ kî-biāu ê tāichì; chí ū Lí sī Siōng-tè.
86:11 Siōng-chú ah, kiû Lí kā Lí ê tō-lō͘ chí-sī góa; góa beh chiàu Lí ê chin-lí lâi kiâⁿ; hō͘ góa ēng choan-it ê sim kèng-ùi Lí ê miâ.
86:12 Siōng-chú — góa ê Siōng-tè ah, góa beh choân-sim oló Lí; góa beh êng-kng Lí ê miâ kàu éng-oán.
86:13 In-ūi Lí tùi góa si-lo̍h tōa ê chû-ài; Lí kiù góa ê sèⁿ-miā bián lo̍h ke̍k chhim ê im-hú.
86:14 Siōng-tè ah, kiau-ngō͘ ê lâng khí-lâi kong-kek góa, koh ū kiông-pō ê tóng siàu-siūⁿ góa ê sèⁿ-miā, tī in ê bīn-chêng in bô kèng-hōng Lí.
86:15 Chú ah, Lí sī jîn-chû un-tián ê Siōng-tè, bô khoài siū-khì, koh ū hong-sēng ê chû-ài kah sìn-si̍t.
86:16 Kiû Lí oa̍t kòe-lâi khòaⁿ góa, khó-liân góa, kā Lí ê khùi-la̍t siúⁿ-sù hō͘ Lí ê lô͘-po̍k, kiù Lí lú-pī ê kiáⁿ.
86:17 Kiû Lí hián-chhut siúⁿ-sù góa un-tián ê chèng-kì, hō͘ oàn-hūn góa ê lâng khòaⁿ tio̍h lâi kiàn-siàu, in-ūi Siōng-chú Lí ū pang-chān góa, an-ùi góa.
各聖經譯本著作權如版權說明。
本畫面由信望愛資訊中心之CBOL計畫產生,歡迎連結,無須申請。CBOL計畫之資料版權宣告採用GNU Free Documentation License。願上帝的話能建造每一位使用這系統的人,來榮耀祂自己的名。