詩篇 線上收聽:中文和合本 現代中文譯本修訂版 現代台語 台語聖經 客語 福州話 希伯來文讀經 下載檔案 關於語音聖經
63:1 Khat-bōng Siōng-chú
( Ta-bi̍t tī Iô-tah khòng-iá ê sî chò chit siú si. )Siōng-tè ah, Lí sī góa ê Siōng-tè, góa beh thàn-chá cháu-chhōe Lí. Tī khòng-ōaⁿ bô chúi ê só͘-chāi, góa ê sim-sîn chhùi-ta khat-bōng Lí, góa ê jio̍k-thé pek-chhiat him-bō͘ Lí.
63:2 Góa bat ánne tī sèng-só͘ tiâu-kìⁿ Lí, ūi tio̍h ài beh khòaⁿ Lí ê koân-lêng kah êng-kng.
63:3 In-ūi Lí ê chû-ài pí sèⁿ-miā khah hó, góa ê chhùi-tûn beh oló Lí.
63:4 Góa iáu oa̍h-.leh ê sî, beh ánne oló Lí; góa beh hōng Lí ê miâ gia̍h-khí góa ê chhiú.
63:5 Góa ê sim-sîn ē pá-chiok chhin-chhiūⁿ chia̍h kut-chhóe, pûi bah; góa mā beh ēng hoaⁿ-hí ê chhùi-tûn oló Lí.
63:6 Góa tó tī bîn-chhn̂g kì-liām Lí, àm-sî ta̍k keⁿ lóng teh siàu-liām Lí.
63:7 In-ūi Lí bat pang-chān góa, góa tiàm tī Lí si̍t-kó͘ ê tì-ìm ē beh hoaⁿ-hí chhut siaⁿ chhiùⁿ koa.
63:8 Góa ê sim tòe Lí tiâu-tiâu; Lí ê chiàⁿ chhiú hû-chhî góa.
63:9 Hiahê siàu-siūⁿ beh bia̍t góa sèⁿ-miā ê lâng, i ē hām-lo̍h tī tē-hā chhim ê só͘-chāi.
63:10 In ē hō͘ to-kiàm thâi-sí, in ē hō͘ iá-káu thun-chia̍h.
63:11 Chóng-.sī, ông ē in-ūi Siōng-tè lâi hoaⁿ-hí; hoān-nā kí I lâi chiùchōa ê lâng ē in-ūi I lâi khoa-kháu, in-ūi kóng pe̍h-chha̍t ê chhùi ē siū that-ba̍t.
各聖經譯本著作權如版權說明。
本畫面由信望愛資訊中心之CBOL計畫產生,歡迎連結,無須申請。CBOL計畫之資料版權宣告採用GNU Free Documentation License。願上帝的話能建造每一位使用這系統的人,來榮耀祂自己的名。